SummerDay Festival

SummerDay Festival

Heeii liäbi Pirandomitglieder

Geschder sind mir ahs SummerDay Festival uf Arbon gange.
Äs isch würkli eifach super gsi!!!
Zerscht isch Lunik cho (ä Schwiizerband). Diä hend mir sehr guet gfalle.
Nochher Dada Ante Portas (au ä Schwiizerband) cho. Döte sind mir faschd ganz vorne gstande. Au diä hend mir super gfalle.
Spöter isch Silbermond cho. Diä hend mir soooooo guet gfalle.
Dä Mika isch au sehr, sehr guet gsi!!!
Zum Schluss sind no d Baseballs cho. Diä hend d Bühni voll grockd!!!

-Isch öpert vo eu au gsi?

Mir häts würkli meeeeeeeeega guet gfalle!!!

So. Da isch min letschde Blog uf Pirando gsi. Danke für diä wunderschöö Ziit do!!! Und bis uf Zambo..

Liäbi Grüäss
Eui Aschi

Sonntag, 29. August 2010 12:55:01 | geschrieben von Aschi

2 Kommentare

Kommentare ansehen
Coopziitig

Coopziitig

Heeiij liäbi Pirandomitglieder

Falls ihr au d Coopziitig dä Hei hend, mönd ihr i därä vo hüt unbedingt mol driiluege.
Äs isch über dä neu Moderator vo Zambo gschriibe. Aber au über üsi Pirando-Moderatore (Patricia, Patrick und Magnus) häts än chline Brichd dinne.

Liäbii Grüäss & heummfgul
Aschi

Dienstag, 24. August 2010 17:43:48 | geschrieben von Aschi

1 Kommentar

Kommentare ansehen

Zambo

Heey Lüüt,
i finds uh schaad, dass äs paar vo eu scho säged, si finded ZAMBO nöd guet.
I bi mir sicher, das wird genauso guet wiä Pirando (wenn nöd no besser).
Lönd eu eifach überrasche und wartet uf morn, will im Pirando wird über diä neu Sändig informiert.
I denke, d Fründe verlüüred mir nöd...
Mached eu also kei Sorge und freued eu uf öpis Neus.
Liäbi Grüäss
Aschi

Sonntag, 15. August 2010 17:09:02 | geschrieben von Aschi

3 Kommentare

Kommentare ansehen
Im Stroh schlofe

Im Stroh schlofe

Heeiij liäbi Pirandomitglieder

Diä Nacht hani mit drüü Kolleginne im Stroh übernachded. Äs isch mega luschdig gsi, mir hend bis am drüü no gschnorred.
I würdis eu au unbedingt mol empfehle, dass mol z mache.
Vorallem isches sehr bequem und eifach mol öpis anders.

No än Tipp. Düänd bevor ihr go schlofe gönd, eu mir Muggespray ihspürtze.

- Hend ihr da au scho gmacht?

Liäbi Grüäss
Aschi

Donnerstag, 12. August 2010 19:05:10 | geschrieben von Aschi

2 Kommentare

Kommentare ansehen
mir mit dä maske

SummerBrummer

Heeeii liäbi Pirandomitglieder

Mini Kollegin und i hend üs mol än gmüätliche Nomitag gmachd.
Mir sind zerscht in än Lade üs go Kosmetigzüüg chaufe.
Dä Hei hend mir denn üs gägäsitig d Gurkemaske uftreit. Da isch meega luschdig gsi.
Denn hend mir üs Gurke uf d Auge due und sind aneglägä. Mir hend denn d Gurke immer wiider wäg vodä Auge gnoh, üs ahglueged und sooo feschd mösse lache.
Vo dem viile Lache isch denn d Maske ganz brüchig worde und äs hät sich sehr komisch ahgfühld. Nochher hend mir no meh mösse lache...

Äs isch än sehr än luschdige Nomitag gsi. Aber au d Huut isch nochher mega fii gsi.

Hend ihr au scho Maske gmachd?

Liäbi Grüäss
Aschi

Donnerstag, 29. Juli 2010 20:46:39 | geschrieben von Aschi

6 Kommentare

Kommentare ansehen
Quiz..

Quiz..

Heei liäbi Pirandomitglieder

I mache für eu wiidermol äs Quiz. Viil Spass bim löse.

Froge 1-3 : Welli Persone sind uf dä Bilder?
4. Wiä heissd ah dä Pippi Langstrumpf ihri Villa?
5. Wiä viil Kante hät än Würfel?
6. I wellem Land häts Pyramide?
7. Welle Vogel cha rede?
8. Welli Farb hät d Mütze vom Papa Schlumpf?

Liiäbi Grüäss
Aschi

Montag, 19. Juli 2010 15:26:56 | geschrieben von Aschi

6 Kommentare

Kommentare ansehen
WM 2010

WM 2010

Heeeii liäbi Pirandomitglieder

D WM isch schowiider verbi. I has sehr ä spannendi Weltmeischderschaft gfunde.
Äs hät mir viil Spass gmachd mir d Fuessballspiil ah z luege, z fane und mich freue.

Dä schönschdi Moment han ich gfunde, wo d Schwiiz gägä Spanie gwunne hät.
I dä letschde Minute han ich mösse ufstoh. I bi seeeehr ufgregt gsi, has nöd chöne glaube, dass d Schwiiz am gwünne isch und ha faschd nüme chöne aneluege.
Wo denn dä Schiri pfiffe hät han ich soooo Freud gha und nurno umegschraue.
Mir (äs paar Kollege und üsi Familie) hend üsi Schwiizerfähne packd, sind is Auto gstiige und sind go hupä. Da isch soo cool gsi.
Äs isch so schö gsi, ganz viil Lüüt uf dä Strosse wo sich au so freued.

Was isch eues beschde WM 2010 Erläbnis gsi?

Gaaanz liäbi Grüäss
Aschi

Freitag, 16. Juli 2010 21:58:22 | geschrieben von Aschi

3 Kommentare

Kommentare ansehen
Eui liäblings Glacesorte

Eui liäblings Glacesorte

Heei liäbi Pirandomitglieder

Diä meischde vo eu hend Summerferie. Mir hend jo u Glück mitem Wätter.
Wenns so heiss isch, ässäd ihr sicher amel au zur Abchüälig äs Glace.
I ha diä Glace am liäbsche, wo selber gmachd sind oder d Softiis.

Äs git jo u viil Glacesorte. I finde Schoggi meeega fein. Da isch mini persönlich Liäblingssorte.

- Welles Glace hend ihr am liäbschde?

Liäbi Grüäss
Aschi

Dienstag, 13. Juli 2010 22:05:00 | geschrieben von Aschi

9 Kommentare

Kommentare ansehen
Nägel mol chli andersch lackiere...

Nägel mol chli andersch lackiere...

Heeeiij liäbi Pirandomitgliederinne...

D WM fangd am Friitig ah. I froi mich meega feschd druf!!!
Geschder isch mir öpis luschdigs ihgfalle. I chöndi mini Nägel mit dä Flagge vo dä verschiedene Länder ahlackiere.
I has denn usprobiert und äs isch mir no guet glunge. Äs bruchd eifach chli Geduld und viil Farbe.

Hend ihr au no Idee, was meh suschd no so chöndi mache?

Liiiiäbi Grüäss
Aschi

Sonntag, 06. Juni 2010 12:30:17 | geschrieben von Aschi

10 Kommentare

Kommentare ansehen
Ä riiiiiiiiesigi Katastrophe

Ä riiiiiiiiesigi Katastrophe

Hei liäbi Pirandomitglieder

Sicher hend ihr au scho öpis vo dä Ölkatastrophe in Amerika ghört.

Wiäs zu därä Katastrophe cho isch, probier i eu z erkläre:
Am 20. April isches ufere Ölbohrplattform zunere Explosion cho. (Ä Ölbohrpalttform isch ä Standflächi im Meer, wo bruchd wird zum Erdöl ufe z pumpe. Das Öl isch underm Meeresgrund im Erdinnere.)
Diä Ölpalttform isch am 22. April wäg dä Explosion gsunke. Sitdem laufd Öl us.
In Moment isch dä Ölteppich viermol so gross wiä d Schwiiz.
Äs isch ä riiiiiesigi Umweltkatastrophe für Tiär, Pflanze und au Mensche.

Äs isch sehr schwiirig das Loch wiider z stopfe. Grad hüt chan meh wiider i dä Medie erfahre, dass alli Versüäch fählgschlage sind das Loch z stopfe. Das Loch isch ungefähr 1500 Meter underem Meeresspiägel. Jede Tag flüssed Millione vo Liter Öl wiiter is Meer.

I finds mega schlimm!!! Vorallem das etzä so viil Tiär sterbed, das s Meer soo verschmutzd wird und dass alli Fischer ah därä Küschde ihren Job verlüred.

- Was säged ihr dä zue?

Meega liäbi Grüäss
Aschi

Sonntag, 30. Mai 2010 10:09:49 | geschrieben von Aschi

3 Kommentare

Kommentare ansehen
Muettertag

Muettertag

Heiijj liäbi Pirandomitglieder

Hüt isch jo Muettertag gsi.
Am Morge hend mir än feine z Morge gha. Mini Schwöschder und i hend am Mami ä Pflanze und je än Briäf gschenkt.
Nochher hend mir denn am Nomitag än Spaziergang am See gmachd.
Äs isch än meega schöne Tag gsi.

-Was hend ihr am Mami gschenkt?
-Hend ihr au öpis undernoh?

Liäbi Grüäss
Aschi

Sonntag, 09. Mai 2010 19:26:28 | geschrieben von Aschi

3 Kommentare

Kommentare ansehen
d aschewolke

Wägä dä Aschewolke...

Hooi liäbi Pirandomitglieder

Am Mentig, Ziischdig und Mittwoch hend mir i dä Sprochfächer ä Ushilflehrerin gha.
Üsen Sprochelehrer isch nämli ufere Insle wägä dä Aschewolke steckbliebe.
Jetzt isch er aber wieder do.
Er hät üs sini Gschicht verzellt, er hät uh viil mösse ahstoh und eifach abwarte.

-Sind bi eu Lehrer au nöd do gsi?
-Oder sind ihr selber irgendwo steckeblibe?

Liäbi Grüäss
Aschi

Donnerstag, 22. April 2010 12:58:17 | geschrieben von Aschi

2 Kommentare

Kommentare ansehen
Aschäwolke

Aschäwolke

Heiij liäbi Pirandomitglieder

Ihr hends sicher scho ghört. In Island häts än Vulkan. Ob äm Vulkan häts etzä ä Aschewolke geh. Drum chönd etzä d Flüger nöd drüberflüge..
Wenn än Flüger würdi in ä so ä Wolke ineflüge, chönded d Triibwerk vom fiine Staub beschädiged wärde und schlussendlich s Flugzüüg zum abstürze bringe.

I dä Schwiiz sind etzä scho 200 Flüg gschtriiche worde. In Frankriich hends sogar scho äs paar Flughäfe gschlosse und in Dütschland hends dä Berliner und Hamburger Flughafe gsperrt.

Liäbi Grüäss
Aschi

Donnerstag, 15. April 2010 21:44:17 | geschrieben von Aschi

5 Kommentare

Kommentare ansehen
A380 - s gröschde Flugzüüg vo dä Wält

A380 - s gröschde Flugzüüg vo dä Wält

Heijj Zämä

Dä A380 isch s gröschde Passagiere-Flugzüüg vo dä Welt. Äs hend 525 bis maximal 853 Passagiere Platz.
S maximum Abfluggwichd liit bi 569 Tonnä.
Dä Flüger hät ä Spannwiiti vo 80 Meter, ä Längi vo 70 Meter und er isch 25 Meter hoch.

Er flügt jede Tag (started ca. am 12i am Mittag) vo Züri noch Singapur.
Diä wo au i dä Oschdschwiiz wohned, chönd jo mol öpä vo 12.20 - 12.30 use stoh und luege, ob si ihn gsend.
I ha ihn hüt gseh, dä isch ächd mega gross!!!

Liäbi Grüäss
Aschi

Freitag, 02. April 2010 13:04:09 | geschrieben von Aschi

2 Kommentare

Kommentare ansehen
Oschdereier färbe

Oschdereier färbe

Hoii liäbi Pirandomitglieder

Hüt ha i mit mim Mami Oschdereier gfräbd.
Mir hend hends mit Hilf vo Läbesmittelfarb und Gümmeli gmachd.

I finde, si sind üs sehr gued glunge.

- Mached ihr amel au selber Oschdereier?
- Wiä macheds ihr?

Liäbi Grüäss & schöni Oschdere
Aschi

Donnerstag, 01. April 2010 20:35:33 | geschrieben von Aschi

2 Kommentare

Kommentare ansehen
i hoffe, äs wird bald wiider warm!!!

FERIEEE...!!!

Heijj liäbi Pirandomitglieder

Bi mir isch äs so wiit, i ha Früähligsferie. I freu mi mega feschd.
Doch äs isch chli schaad, dass äs hüt gschneit hät. Äs wär uh schö gsi, wenns warm gsi wär. Im April, machd hald s Wetter was äs will..

- Hend ihr au Ferie?

- Häts bi eu hüt au gschneid?

Liäbi Grüäss & wunderschöni Ferie
Aschi

Donnerstag, 01. April 2010 19:21:39 | geschrieben von Aschi

5 Kommentare

Kommentare ansehen
Endlich mol än schönä Tag!!! =)

Endlich mol än schönä Tag!!! =)

Heijj liäbi Pirandomitglieder

Hüt isch endlich mol än schönä Früähligs-Tag gsi!!!
I freu mi voll uf dä Früählig. Denn isch äs endlich wiider schö warm und äs isch länger hell. I finds voll schöö, wenn denn d Bäum ahfanged blüähe oder wenns denn wiider Chriäsi oder Zwetschgä git.

Freued ihr eu au soo.. uf dä Früählig?

Liäbi Grüäss
Aschi

Mittwoch, 17. März 2010 18:56:42 | geschrieben von Aschi

CARLO JANKA

CARLO JANKA

Heijj liäbi Pirandomitglieder

Woooow.. mir chönds etz nonig glaubä. Hüt hend mir dä CARLO JANKA troffä!!!
Üsän Papi kennt dä Helikopterpilot wo hüt dä Carlo Janka is Fernsehstudio brochd hät. Denn hät er bi üs in Sitterdorf uf äm Flugplatz ä Zwüschälandig gmachd.
So hend mir d Chance gha mit dä Carlo Janka ganz churz z rede.
Mir sind zu ihm hie und er hät üs Autogramm geh und mir hend no mit ihm äs Föteli chönä machä.

Mir hend soo mega Freud!!! =) Das isch eifach äs unvergässlichs Erläbnis!!!

Ganz liäbi Grüäss
Aschi und Coco24

Sonntag, 14. März 2010 18:47:10 | geschrieben von Aschi

3 Kommentare

Kommentare ansehen
Suchtmittel

Suchtmittel

Heijj liäbi Pirandomitglieder

Diä Wuche hend mir Projektwuche gha. Mir hend s Thema Suchtmittel gha. Vorallem Tabak, Alkohol und Cannabis hend mir duregnoh.
I ha uh viil glernt und etz weiss i au ganz genau, dass i niä so Züügs wird neh.
All diä Sache schaaded sehr feschd eurem Körper.

Wenn du jede Tag rauchsch, chunsch du ä Raucherlungä über und das gseht würkli sehr schlimm us. Usserdem gsehsch früähner älter us, stirbsch früähner, Zigarettä sind uh tüür und s Risiko isch hoch, dass du Krebs chöntisch übercho.

Äs bitzli Alkohol machd nüt. Amene Obig mol äs Glas Wii oder so trinke schaded nüt (für Erwachseni, Alkohol dörf meh erschd ab 16i oder 18i trinkä!!!) Doch wenn meh denn süchtig wird, chas am Hirn schaadä.

Drogä neh isch au sehr schlimm!!! Du weisch denn z.B nüme was du machsch, du muesch dich noch dem Züügs übergeh und dir gohts den uh schlächt!!!

Hend ihr das Thema au scho gha?

Liäbi Grüäss
Aschi

Freitag, 26. Februar 2010 18:59:19 | geschrieben von Aschi

1 Kommentar

Kommentare ansehen
Erkältigstipps

Erkältigstipps

Heii liäbi Pirandomitglieder

Leider bi i ziemlich verkältet.
Falls äs dir au so goht wiä mir, ha i do äs paar Tipps:

- immer in äs Nastuech ine schnütze (nöd ufe ziäh!!!)
- i dä Nacht warmi Bettsocke ahzieh
- am Obig d Stirn mitere Chrütersalbi ihcrémä
- äs Dampfbad mache (nimmsch ah Pfanne und machsch dötdrii än Kamilietee, denn nimmsch du äs Tuechli und duesch das über din Chopf. Nochher lehnsch du mit dim Chopf über d Pfanne und duesch tüüf ih- und usschnufä)
- viil trinkä (Tee)

Hend ihr au no Tipps?

Ganz liäbi Grüäss
Aschi

Sonntag, 21. Februar 2010 11:01:57 | geschrieben von Aschi

1 Kommentar

Kommentare ansehen
Än Schofhirt

Än Schofhirt

Liäbi Pirandomitglieder

Hüt hend mir (mini Familie und i) i dä Nöchi vo üsäm Dorf än Schofhirt troffe. Denn hend mir au d Möglichkeit gha, ihm äs paar Froge z stelle und mit ihm z rede.
Dä Hirt heisst Fiorenzo. Äs git nur no ungefähr 35 Hirte i dä Schwiiz. Er hüätet 600 Schöf. Helfe düänd ihm sini 2 Hünd däbii. S Zelt träged diä 2 Esel Stella und Pinoccio.
Hüätä duet er 8 Mönät im Johr, 4 Mönät i dä Alpe im Summer und 4 Mönät im Flachland im Winter. Diä reschtliche Mönät schorred er Schöf.
D Hünd und d Esel folged sehr gued. Wenn er än Befehl seit, macheds da grad sofort.
Dä Fiorenzo schloft jedi Nacht im Zelt. 3mol im Tag mached er sich äs Füür und duet döt choche. D Schöf ässäd Gras. Dä Fiorenzo suecht so immer dä beschdi Platz mit möglichschd wenig Schnee.
Er seit er hät immer öpis z tue. Mengmol muess er amene Schof öpis verbinde oder suscht isch öpis los. Wenns ihm doch mol langwilig würdi werde, hät er äs Handy und än Radio. So weiss er immer d Neuigkeite und cha etz au zum Biispiil d Olympiade mitverfolge.
Dä Fiorenzo isch etz scho 43 Johr so als Hirt unterwägs. Er hät scho viili Lüüt kenneglernt.

-Hend ihr au scho än Hirt troffe?

Liäbi Grüäss
Aschi

Sonntag, 14. Februar 2010 19:08:56 | geschrieben von Aschi

1 Kommentar

Kommentare ansehen
Simon Ammann Gold!!!

Simon Ammann Gold!!!

Heii liäbi Pirandomitglieder

Dä Simon Ammann hät hüt sini 3. goldig Olympia-Medallie ghold!!!
I ha au glueged und ha mi uh mega gfreut für ihn!!!

Hend ihrs au gseh?

Wiiter so Simon Ammann!!

Ganz liäbi Grüäss
Aschi

Samstag, 13. Februar 2010 20:53:21 | geschrieben von Aschi

3 Kommentare

Kommentare ansehen
Vancouver 2010

Vancouver 2010

Heii liäbi Pirandomitglieder

Am 12. Februar isch äs sowiit. D Winter-Olympiade in Vancouver fangt ah. Do ha i äs paar Biischbiil vo dä Sportarte: Schiispringe, Schiifahre, Iishockey, Iisschnelllauf, Biathlon, Schii-Freestyle, Snowboard, Iiskunschtlauf, Curling usw…
Mol luege wiä viil Medalie d Schwiizer heibringed..

Am meischde freu i mi uf d Schiirenne.
-Uf was freued ihr eu am meischde?
-Werded ihr d Olympiade überhaupt verfolge?

Ganz liäbi Grüäss
Aschi

P.S
Uf dä Bilder sind d Moskottchen Sumi, Quatchi und Miga. Diä sind no herzig..

Mittwoch, 10. Februar 2010 19:42:20 | geschrieben von Aschi

2 Kommentare

Kommentare ansehen

Schiiferie

Haii liäbi Pirandomitglieder

Mir sind etze i dä Schiiferie.
Dä Schnee isch eifach super!!! Leider isch s Wetter nöd so gued gsi. Äs hät gschneiet und äs isch uh chalt.
Etz isch aber dusse klare Himmel und meh gseht d Sterne. Das gseht uh schö us so i dä Berglandschaft.

I bi rechd müäd und froie mi scho uf morn.

Liäbi Grüäss
Aschi

Samstag, 30. Januar 2010 19:38:50 | geschrieben von Aschi

4 Kommentare

Kommentare ansehen
Ä Smiley-Lampä

Ä Smiley-Lampä

Heii liäbi Pirandomitglieder

Im Werke ha i ä Lampe gmachd. Mir hend dä Plan mösse selber mache.
I ha alles mösse ussägelä, schlife und denn ahmole. Denn ha i d Elektrik gmachd und zum Schluss alles zämäglimed.
Das hät rechd viil Arbät bruchd.

-Was mached ihr für Werkarbeite?
-Hend ihr au scho selber ä Lampe gmachd?

Liäbi Grüäss
Aschi

Donnerstag, 28. Januar 2010 20:35:08 | geschrieben von Aschi

3 Kommentare

Kommentare ansehen
wer sind diä sechs persone?

Star-Rätsel

Heijj liäbi Pirandomitglieder

Do ha wiidermol äs Star-Rätsel gmachd.
Mol luege wer alli usfinded.

Do ha i no Tipps:
1. eis Bandmitglied heissd Fergie
2. isch grad im Benissimo ufträtä
3. si hät mol äs Regeschirm-Liäd gha
4. so machd d Uhr (so heissd ihres Liäd)
5. er isch Schwiizer
6. hät mir äm Jay-Z äs Liäd

Viil Spass,
liäbi Grüäss
Aschi

Montag, 25. Januar 2010 18:34:57 | geschrieben von Aschi

9 Kommentare

Kommentare ansehen
für di

Byebye Sterndli

Heijj liäbi Rahel

Leider muesch du vo Pirando goh... I ha mega gern mit dir chattet!!!

I wünsche dir viil Glück für dini Zuekunft und alles, alles Gueti!!!

Äs isch Hammer, dass mir no im Skype Kontakt hend!!!

Ha di mega, mega gern!!!
Liäbi Grüäss
Aschi

Samstag, 23. Januar 2010 19:24:40 | geschrieben von Aschi

5 Kommentare

Kommentare ansehen
hehehe.. das isch än witz!!

Zwüschezügnis

Hoii liäbi Pirandomitglieder

Nögscht Wuche isch äs bi mir so wiit. I chume mis Zwüschezügnis über. Äs isch s Erschde überhaupt für mi. I dä Primarschuel hend mir das nonöd gha.
Mir hend drum i letschder Ziit uh viil Prüäfige gha und hend viil mösse lerne. Etzte isch äs aber zum Glück verbii.

-Chömed ihr au äs Zwüschezügnis über?
-Hend ihr au viil Tetschts gha?

Liäbi Grüäss
Heummfgul
Aschi

Mittwoch, 20. Januar 2010 20:17:30 | geschrieben von Aschi

3 Kommentare

Kommentare ansehen
dä chuche.. :D

sLauberhornrenne & i dä Stube ässä

Heijj liäbi Pirandomitglieder

Hüt isch s Lauberhornrenne..

Das lueged mir jedes Johr und äs isch immer uh spannend.
Denn dörfed mir au immer usnahmswiis i dä Stube ässä.

I hoffe d Schwiizer fahred hüt gued.

-Lueged ihr s Renne au?
-Dörfed ihr au i dä Stube ässä?

Liäbi Grüäss und HOPP SCHWIIZ,
eui Aschi

P.S
sRenne lauft uf SF2 ab äm 12i.

Samstag, 16. Januar 2010 09:05:50 | geschrieben von Aschi

3 Kommentare

Kommentare ansehen
dä max und dä moritz am chlaue.

Ladediebstahl

Hoii liäbi Pirandomitglieder

Am Mittwoch ha i mit mine 4 Kolleginne in äs Dorflädäli welle und döte hend mir üs welle Chips goh chaufe.
Wo mir vo dä Uswahl gstande sind chund ä Verchäuferin und seit üs: Do isch d Regle, dass nur eine vo dä Gruppe in Lade inedörf und für alli öpis goht goh chaufe.
Nochher hend mir gseid, jo aber denn chönd mir gar nöd uswähle.
d Verchäuferin hät denn gmeint, äs isch so, wäg äm chlaue.
Denn sind mir hald us äm Lade use ohni öpis z chaufe.

I finds schaad, dass Chind und Jugendliche dönd chlaue.
Äs isch au fiis vo dä Gschäfter, dass si jetzte ahfanged Chind useschmeisse obwohl diä ganz ahständig sind.
I dä Lade gang i sicher niä meh goh poschde!!!

Sind ihr au scho us dem Grund usemene Lade usegschmisse worde?

Liäbi Grüäss
Aschi

Freitag, 15. Januar 2010 13:11:51 | geschrieben von Aschi

3 Kommentare

Kommentare ansehen
Schlittschüälä

Schlittschüälä

Hoii liäbi Pirandomitglieder

Geschder bi i mini neue Schlittschue uf än gfrorne Weiher goh usprobiere.
I bi zwei Johr nüme uf Schlittschue drufgstande. I has aber recht schnell wiider im Griff gha.
Äs isch dunkel gsi und das isch voll luschdig und speziell gsi zum fahre.

Dönd ihr au gern Schlittschueh fahre?

Liäbi Grüäss
Aschi

Mittwoch, 13. Januar 2010 20:07:54 | geschrieben von Aschi

6 Kommentare

Kommentare ansehen
Än spezielle Hydrant

Än spezielle Hydrant

Heii liäbi Pirandomitglieder

Mir sind mol is Appezellerland goh spaziere. Döte sind mir amene spezielle Hydrant verbii glofe. Ihr gsend ihn uf äm Bild.
I finde, dä isch uu.. herzig!!

Hend ihr au scho spezielli Hydrante gseh?

Liäbi Grüäss
Aschi

Mittwoch, 30. Dezember 2009 11:09:55 | geschrieben von Aschi

1 Kommentar

Kommentare ansehen
Silveschder

Silveschder

Heijj liäbi Pirandomitglieder

Bald isch Silveschder.

Am 31. Dezember stand i am Morge am 4i uf. Denn dönd mir (dass heisst äs paar Nochbuurschind) d Lüüt goh wecke und ihne ä gueds neus Johr goh wünsche.
Jede vo üs nimmt än Gegestand mit wo Lärm macht. Denn laufed mir vo Huus zu Huus und mached denn Lärm. dLüüt mached denn äs Fenschder uf. Mir sägäd denn äs Sprüchli uf und viilicht rüäred d Lüüt Süässäs oder Geld abe.
Wenn mir zu jedem Huus gange sind, dönd mir alles ufteile und zämä zMorge ässä.

Am Obig gange i zunere Kollegin goh fiire mit äs paar ander Mädels. Mir mached denn also ä Mädels-Party..

Wiä düänd ihr Silveschder fiire?

Liäbi Grüäss
Han eu liäb,
Aschi

Dienstag, 29. Dezember 2009 20:34:26 | geschrieben von Aschi

2 Kommentare

Kommentare ansehen
mis handy-sofa.. :)

Äs Handy-Sofa

Heeey liäbi Pirandomitglieder

Uf d Wiehnachte han i äs neus Handy übercho. Däzu no äs Sofa (uf äm Bild gsend ihrs).
Döte chan i s Handy drufstelle. I han voll Freud dra...

Was hend ihr für Handyhalter?

Liäbi Grüäss
Aschi

Samstag, 26. Dezember 2009 10:45:45 | geschrieben von Aschi

3 Kommentare

Kommentare ansehen
d fränzi aufdenblatten am schiifahre..

Bravo Fränzi!!!

Heii liäbi Pirandomitglieder

dFränzi Aufdenblatten hät hüt ihren 1. Welt-Cup Sieg im Super-G in Val d'Isere gwunne!!!
Do gratuliere i ihre ganz -lich!!! Suuper gmacht!!!

dSchwiizer Skirennfahrerinne sind hüt sehr gued gsi. 4 Schwiizerinne sind under dä erschde 6 gsi.

Hend ihr sRenne gseh?

Liäbi Grüäss
Aschi

Sonntag, 20. Dezember 2009 17:08:53 | geschrieben von Aschi

3 Kommentare

Kommentare ansehen
so gseht das denn us.

Än Dekorationstipp

Heii liäbi Pirandomitglieder

Viilicht hend ihr amel dusse vor äm Huus au Liächtli ufgstellt.
I han für eu än Tipp, wiä ihr so ä Deko selber chönd mache.

Ihr bruched ä Gugelhopfform und müänd diä mit Wasser fülle. Nochher diä From usestelle. Das Ganzi sötti denn iisig werde. (Wenns bi eu nöd gnueg chalt isch, mönd ihrs in Tüüfchüäler stelle.)
Wenn das iisig worde isch, müänd ihr nur no äs Cherzli inestelle und das dusse hiestelle.

Wiä dass denn usgseht, gsend ihr uf mim Bild.

Viil Spass und liäbi Grüäss
Aschi

Donnerstag, 17. Dezember 2009 20:27:37 | geschrieben von Aschi

3 Kommentare

Kommentare ansehen
Dä Leo isch Popstar worde...

Dä Leo isch Popstar worde...

Heii liäbi Pirandomitglieder

Wer hetti das denkt? Dä Leo hät geschder bi Popstars gwunne.
I dä Schwiizersändig MusicStar het er jo au scho mitgmacht gha, doch er isch nöd is Final cho.

Was sägäed ihr?
Finded ihrs cool dass dä Leo gwunne hät?

I finds super, dass än Schwiizer gsiegt hät!

Liäbii Grüäss
Aschi

Freitag, 11. Dezember 2009 15:46:44 | geschrieben von Aschi

3 Kommentare

Kommentare ansehen
für eu ä bild..!!

Happy Birthday Lenna und Riri <3

Liäbi Riri, liäbi Lenna

Mir wünsched eu alles, alles gueti zu euem 13. Geburtstag!!! Viil Glück, Fründschaft, Gsundheit und vo allem eifach nur s Beschde!!!

Mir hend eu eifach mega fescht gern!!! Ihr sind suuuper!!!

Än wunderschöne Tag,
Coco24 und Aschi

Donnerstag, 10. Dezember 2009 12:37:49 | geschrieben von Aschi

2 Kommentare

Kommentare ansehen
Grittibenz für alli Schüäler

Grittibenz für alli Schüäler

Hoii liäbi Pirandomitglieder

Hüt hend mir erscht uf diä 2. Lektion Schuel gha. Üsi Lehrer hend am Morge für alli Schüäler vo dä 1. bis zu dä 3. Sek Grittibenze gmacht.
Vor dä Pause isch denn dä Samichlaus und dä Schmutzli cho und hend diä allne Schüäler verteilt.
So hend mir alli än mega feine Znüni gha.

Hend eui Lehrpersone au öpis für eu gmacht?

Freue mi uf eui Kommentär!!

Liäbi Grüäss
Aschi

Freitag, 04. Dezember 2009 20:32:42 | geschrieben von Aschi

2 Kommentare

Kommentare ansehen
so gsehts bi mir us.

Schnee

Hoii liäbi Pirandomitglieder

Bi eu schneiäts etzte sicher au. Bi mir dä Hei isch scho fascht alles wiis, doch i gseh schno no äs bitzli grüä vo dä Wiisä.
Äs schneiät sit äm Morge am 10i.

Wiä gsehts bi eu dä Hei us?
Hend ihr scho viil Schnee?
Wenn häts bi eu ahgfange schneiä?

Liäbi Grüäss
Aschi

Montag, 30. November 2009 13:49:42 | geschrieben von Aschi

5 Kommentare

Kommentare ansehen
sternehimmel mit sternschnuppe

Sternschnuppänacht

Heijj liäbi Pirandomitglieder

Hüt mönd unbedingt alli useluege wo sich öpis wünsched!!! Äs isch Sternschnuppenacht und do häts bsunders viil.

Hoffendli isch äs nöd bewölkt.

-Hend ihr schomol ä Sternschnuppe gseh?

Imene Lager han i mitere Kollegin dusse gschlofe und döte han i 10 Sternschnuppe gseh. Das isch mega cool gsi!!!

I drucke eu d Dume, dass ihr Sternschnuppe gsend und alli eui Wünsch in Erfüllig gönd..

Liäbi Grüäss
Aschi

Mittwoch, 18. November 2009 18:58:14 | geschrieben von Aschi

ä schwiizerfahne

Hopp Schwiiz!!!

Heijj liäbi Pirandomitglieder

Hüt han i dä Halbfinalmatch vo dä U17 glueged. d Schwiizermannschaft hät 4:0 gwunne!!! Das heisst, d Schwiizer sind im Final. Dä Final isch am 15. November am Obig am 7i.

Für diä wohs nöd wüssed: d U17 sind no diä jüngere Fuessballspiiler bis 18i.

I find das sooo cool!!!

Hend ihr dä Match gseh?

Jetzt heissts nur no eis:
HOPP SCHWIIZ!!!

Liäbi Grüäss
Aschi

Donnerstag, 12. November 2009 18:09:00 | geschrieben von Aschi

4 Kommentare

Kommentare ansehen
wer isch das?

Star-Quiz

Heijj liäbi Pirandomitglieder

Do han i für eu wiidermol äs Star-Quiz.

Wer sind diä 5 Promis uf äm Bild?

Do han i no Tipps für eu:

1. Hitparade Nummer 1
2. Hät ä Web-Show
3. Singt vonere Liebesstory
4. Macht Sport uf 2 Räder
5. viili Piercing

Liäbi Grüäss
Aschi

Sonntag, 08. November 2009 19:55:57 | geschrieben von Aschi

6 Kommentare

Kommentare ansehen

Happy Birthday Flipper!!!

Heijj liäbi Flipper

I wünsche dir alles, alles Gueti zu dim
Geburi!!! Viil Glück, Gsundheit, viil Fründe und eifach viil Läbensfreud!!!

I hoffe, du häsch än schöne Tag gha.

Hdummfgul..!!
Dini Aschi

Montag, 02. November 2009 19:44:43 | geschrieben von Aschi

3 Kommentare

Kommentare ansehen
FC St.Gallä gägä FC Züri

FC St.Gallä gägä FC Züri

Heijj liäbi Pirandomitglieder

Hüt sind mir dä Match St.Gallä gägä Züri goh luege. Äs isch mega cool gsi!!! Doch leider hät denn St.Gallä verlore.
dStimmig im Stadion isch guet gsi und vorallem luut...
Äs isch mega speziell gsi, wos ä Goal z.B für St.Gallä geh hät. Denn hät sich ei Siite voll gfreut und diä ander Siite hät luut "phuu...!!!" gruefe. So häts eis Gschrei geh...

Wo mir hend wölle Hei fahre, häts voll Stau i dä Tüüfgarage gha. Mir sind denn ä halbi Stund ahgstande. Äs isch mega luschdig gsi, zum dä Lüüt zueluege was im Auto mached...

Sind ihr au am Match gsi?

Liäbi Grüäss
Aschi

Sonntag, 25. Oktober 2009 19:27:34 | geschrieben von Aschi

4 Kommentare

Kommentare ansehen
...

Klingelton-Umfrog

Heijj liäbi Pirandomitglieder

Viili vo eu hend sicher äs Handy und denn natürlich au än Klingelton.

Bi mim Mami han i eine selber gmacht. Döte rede i druf, "Mami, sTelefon lüüted nimm ab, drrr, drrr...". Das isch denn immer mega luschdig, wenn ihres Handy lüüted.

Was hend ihr für Klingeltön?

Bin mega gspannt uf eui Kommis!!!

Liäbi Grüäss
Aschi

Montag, 19. Oktober 2009 19:53:32 | geschrieben von Aschi

6 Kommentare

Kommentare ansehen
...alläs gueti!!!

Happy Birthday Vanessa

Liäbi Vanessa

Mir wünsched dir alläs, alläs Gueti zu dim 15. Geburtstag!!! Mir wünsched dir Glück, Freud am Läbä, Zfriedäheit, viili Fründä und natürlich än wunderschöne Tag!!!

Do no äs Gedicht für di:

Wenn Flüsse aufwärts fließen, wenn Hasen Jäger schießen, wenn Mäuse Katzen fressen, erst dann werden wir dich vergessen!!!

Mega liäbi Grüäss und mir hend di mega liäb,
Coco24 und Aschi

Sonntag, 11. Oktober 2009 11:44:14 | geschrieben von Aschi

2 Kommentare

Kommentare ansehen

Übersetzquiz

Heijj liäbi Pirandomitglieder

Mir sind uf dä Kronberg goh zMorge ässä. Döte häts uf jedem Zuckerpäckli Sprüch druf. Diä Sprüch sind uf Appäzellerdialekt gschriibe.

I han denkt, i schriibe diä eu mol uf und dä wo am meischde usefinded, hät gwunne.

Schüüss nüd ase chopflos dree!
Tunkl wie innere Chue inne!
Da het e ke Lei ond ke Gattig!
Etz hete s Hönde fö s Mönde!

Äs isch recht schwiirig, i weiss.

Liäbi Grüäss
Aschi

Samstag, 10. Oktober 2009 08:57:56 | geschrieben von Aschi

3 Kommentare

Kommentare ansehen
Uflösig vom Quiz

Uflösig vom Quiz

Hoii Zämä..

Do isch d Uflösig vom letschde Blog:
1. d Miley hät am 26.11.09 Geburi, also isch si no 16i.
2. dä Film chunt früähner i d Kinos! Am 20.Nov.09 isch äs so wiit.
3. Kristen Stewart
4. hend alli super Witz ufgriische (git für jede än Punkt).
5. i han 746 Fründe (dä hcd isch nur 14 dänebed gsi).

Ranglischde:
1. hcd, Ashley und Coco24
4. Hundefan10
5. Josie und nordost

Merci fürs mitmache!!
Läbi Grüäss
ASchi

Donnerstag, 10. September 2009 19:40:54 | geschrieben von Aschi

2 Kommentare

Kommentare ansehen
wer isch das?

...Quiz...

Hoi liäbi Pirandomitglieder

I han denkt, i mache wiidermol äs Quiz.

Do sind mini Froge/Ufgobe:

1. Wenn chunt dä Film new Moon i diä dütsche Kinos?
2. Wiä alt isch d Miley Cyrus?
3. Wer isch das uf äm Blogbild?
4. Schriib än luschdige Witz in Kommi.
5. Wiä viil Fründe han i uf Pirando? (Dä wo am nöchschde isch chunt dä Punkt über)

I hoffe ihr finded viil Sache use!!!

Liäbi Grüäss
Aschi

Sonntag, 06. September 2009 19:59:33 | geschrieben von Aschi

7 Kommentare

Kommentare ansehen
Projektwuche

Projektwuche

Hoii liäbi Pirandomitglieder

Diä Wuche hend mir Projektwuche gha.
Mir hend sehr viil Sport gmacht.

Am Mentig hend mir sSchuelhuus chli besser kenneglernt und au d Schüäler.

Am Ziischdig hend mir ä Velotour gmacht. Mir sind goh luege wo d Chind vo dä Klass so wohned.

Am Mittwoch hend mir dä ganzi Morge Turnspiili gmacht.

Am Donnschdig sind mir in Seilpark gange und hend än Barfuessweg gmacht. Dass isch sehr luschdig gsi!!!

Am Friitig isch so ä Freestylegruppe cho und diä hend üs denn üs Sportarte zeiged (z.B. Breakdance, skate usw...). Denn hend mir no über gsundi Ernährig greded. Dä Tag isch au sehr spanned gsi.

Jetzt han i chli Lachmuskelkater vom viile Lache i dere Wuche..

Liäbi Grüäss
Aschi

Samstag, 05. September 2009 11:39:43 | geschrieben von Aschi

2 Kommentare

Kommentare ansehen
Summer Days Festivals

Summer Days Festivals

Heijj liäbi Pirandomitglieder

Geschder sind mir in Arbon ah dä Summer Days Festivals gsi.

Am 5i sind mir döte gsi und hend no äs paar Liäder vom Ritschi ghört. Denn sind mir vo ihm goh Autogramms hole.

Am halbi 9i isch dä Bligg cho. Äs isch so Hammer gsi!!! Wo er Rosalie und Musigg i dä Schwiiz gsunge hät, isch äs voll abgange...

Am halbi 11i hät dä Gölä gsunge. Sini Liäder hend mir mega guet gfalle.

Noch äm Gölä sind mir denn Hei gange. I bin denn sehr müäd gsi.
Äs isch än Hammer Obig gsi!!! Am beschde hät mir dä Bligg gfalle!!!

Sind ihr au gsi?

Liäbi Grüäss
Aschi

Sonntag, 30. August 2009 12:52:58 | geschrieben von Aschi

2 Kommentare

Kommentare ansehen
do äs paar bilder...

Sandskulpture in Rorschach

Hoi liäbi Pirandomitglieder

Geschder sind mir in Rorschach d Sandskulpture goh ahluege.
Do hend verschiedeni Künschtler us Sand Skulpture gmacht.

Was mir sehr guet gfalle hät, sind diä verschiedene Gsichter us Sand gsi. So Gsichter gsend ihr au uf dä Bilder.

Ganz ä cooli Skulptur han i diä gfunde mit 3 Saue am Tisch am esse. Diä gsend ihr au uf mine Bilder.

Sind ihr diä Skulpture au goh ahluege?

Liäbi Grüässli
Aschi

Sonntag, 16. August 2009 17:38:34 | geschrieben von Aschi

1 Kommentar

Kommentare ansehen
Viiil Glück für dä Schuelahfang

Viiil Glück für dä Schuelahfang

Hoii liäbi Pirandomitglieder

Morn goht für viil Chind dä Altag wiider los. Ä neus Schueljohr fangt ah.
Do däfür wünsche i eu ganz viil Glück, Erfolg und viil Spass.

Do han i für eu no äs paar Schueler/Lehrerwitz:

-"Wieviel ist sieben mal sechs ?" "Keine Ahnung, Herr Lehrer. die Batterie in meinem Taschenrechner ist leer !"

-Ein Schüler schläft im Unterricht.
Der Lehrer weckt ihn: "Ich kann mir nicht vorstellen, dass das der richtige Platz zum Schlafen ist!".
Darauf der Schüler: "Ach, es geht schon. Sie müssen nur leiser sprechen!"

-Lehrer: "Ich hoffe, dass ich Dich in Zukunft nicht mehr beim Abschreiben erwische." Schüler: "Ja, das hoffe ich auch."

Hehehe... =)

Liäbi Grüäss
Aschi

Sonntag, 09. August 2009 19:30:15 | geschrieben von Aschi

5 Kommentare

Kommentare ansehen
äs paar bilder

Mallorca

Hoii liäbi Pirandomitglieder

Mir sind 8 Täg uf dä Insle Mallorca gsi. Döte hend mir sehr viil erläbt.
Am Morge sind mir natürlich immer goh z Morge ässä. Nochher hend mir üs parat gmacht für dä Strand.
Am Strand sind mir denn is warme Meer goh bade, hend gsünäläd und hend viil gläsä. Eimol hend mir au än lange Strandspaziergang gmacht und döte hend mir viili Muschle gfunde.
Am Mittag sind mir denn is Hotelzimmer gange und hend uf äm Balkon z Mittag gässä.
Nochher sind mir denn wiider an Strand.
Am Obig sind mir meischdens goh spaziere und goh lädälä. Dötä häts mega cooli Lädä gha mit Schmuck und Kleider.

Eimol sind mir am Obig an Strand abe und hend Bilder gmacht bim gumpä. Uf äm gröschde Bild gsend ihr wiä diä use cho sind.

Sind ihr i dä Ferie au wäg gsi?

Liäbi Grüässli
Coco2 und Aschi

Dienstag, 04. August 2009 12:12:28 | geschrieben von Aschi

5 Kommentare

Kommentare ansehen
mis häsli... <3<3<3<3

Wer lueged eune Huustier i dä Feriä?

Hoii liäbi Pirandomitglieder

Hüt gönd mir jo uf Mallorca. Üsäs Häsli chan jo leider nöd mitcho, drum bruched mir öpert wo ihm lueged.
Er chunt zu üsnä Grosseltere und si füättered und lueged ihm.

Mini Umfrog:
Wer lueged zu euem Tierli?

Wenn i zrugg bin mache i denn d Uflösig.

Bis bald,
Aschi

Samstag, 25. Juli 2009 12:19:22 | geschrieben von Aschi

2 Kommentare

Kommentare ansehen
:-)

Ä versteckti Botschaft

Hoiii liäbi Pirandomitglieder

I han für eu ä guäti Idee wiä ihr ä versteckti Botschaft chönd schriibe.
So gohts:

1. Nämed än Pinsel, chli Milch und äs wiises Blatt.
2. Schriibed eui Botschaft ufs Blatt mit äm Pinsel und Milch druf.
3. Lönd das ganze tröchne.
4. Wenn ihr das wönd läsä, mönd ihr euen Bachofä uf diä höchschdi Stufe ihstelle und warte, bis ihr d Botschaft chönd läsä.

Wenn ihr än Briäf so wönd schriibe, mönd ihr eifach dä Briäf tröchne loh. Ihr mönd denn natürlich ah därä Person sägä, dass si dä Briäf in Bachofe duä muess.

I han eu au ä Botschaft gschriibe (Bild). I han das gschriibe, will mir jetzte ä Wuche uf Mallorca gönd.

HEUMMMFGUL und liäbi Grüäss
Aschi

Freitag, 24. Juli 2009 20:45:31 | geschrieben von Aschi

1 Kommentar

Kommentare ansehen
ä sternschnuppe

10 Sternschnuppe i einere Nacht

Heijj liäbi Pirandomitglieder

Im KaLa 09 hend mir i dä Nacht vom Mittwoch uf dä Donnschdig ä Nachtüäbig gmacht. Mir hend 2er Grüppli mösse mache und denn imene chline Zelt schlofe.
I bin denn mitere gueti Kollegin is Zelt. Doch as schlofe hend mir nonöd denkt. Mir sind mit äm Schlofsack use. Äs isch klari Nacht gsi, mir hend so viil Sterne gseh, äs isch richtig schön gsi!!!
Mir hend denn gredet und uf zmol gsend mir ä Sternschnuppe. Nochher hend mir üs öpis gwünscht und wiider wiitergreded. So isch denn das immer wiiter gange und am Schluss hend mir 10 Sternschnuppe gseh.
Leider bin i jetzte chli chrank vom dusse schlofe. I han dä Huäschde und mini Nase isch verstopft.

Hend ihr au scho Sternschnuppe gseh?

Liäbi Grüäss
Aschi

Sonntag, 19. Juli 2009 19:20:58 | geschrieben von Aschi

3 Kommentare

Kommentare ansehen
isch dä nöd süäss.. :-)

Byebye für ä Wuche!!!

Heijj liäbi Pirandomitglieder

Coco und i gönd ab morn ä Wuche is Lager. Jupiii, i freue mi mega fescht druf. Nur schaad isch es, dass i mit eu nüme chan schriibe und blogge.

Also, ä gueti Ziit und viil Spass!!

Liäbi Grüässli
Aschi

Freitag, 10. Juli 2009 19:26:54 | geschrieben von Aschi

5 Kommentare

Kommentare ansehen
Fründschaftszeiche

Fründschaftszeiche

Heijj liäbi Pirandomitglieder

Mini zwei Kolleginne und i hend am Ziischdig zämä äs Fründschaftszeiche im Werke gmacht. Mir hend us Speckstei ä Kettle gmacht. Äs isch so äs Rechteckli (und wenn mir das zämä dönd, gits äs Quadrat). Das Rechteckli isch denn amene Silch ahgmacht. So hends mir jetzte jede Tag ah.

Hend ihr au ä Fründschaftszeiche??
Wiä gsehts us?

Würd mi mega freue ab äs paar Kommentär!!

Liäbi Grüäss
Aschi

Mittwoch, 01. Juli 2009 19:13:47 | geschrieben von Aschi

6 Kommentare

Kommentare ansehen
do sind äs paar bilder vom musical

Das Geheimnis der 7 Perlen

Heijj liäbi Pirandomitglieder

Am Friitig isch üsäs Musical, das Geheimnis der 7 Perlen gsi. Äs isch alles wiä am Schnürli gloffe und d Lüüt hend am Schluss mega Freud gha.

Um das gohts i dem Musical:
dLisa und dä Jan sind i dä Ferie bim Grossvater gsi. Bim fische findet diä zwei ä Fläscheposcht. Si mached si mit äm Grossvater uf. Dä Briäf isch vo dä Meeresprinzessin Aquarina cho. dAquarina hät d Gschicht vo ihre und dä 7 Perle ufgschriibe. So isch das Musical i d Underwasserwelt ihtaucht und zeigt diä ganzi Gschicht, wiä d Aquarina d Kette verlüürt und alli wiider findet.

dCoco24 hät d Lisa gspiilt. dAschi isch ä Alge gsi, wo Tanzed hät.

Hend ihr au scho äs Musical gha?

Liäbi Gruässli
Coco24 und Aschi

Sonntag, 28. Juni 2009 11:12:37 | geschrieben von Aschi

3 Kommentare

Kommentare ansehen
Uflösig vom Quitz

Uflösig vom Quitz

Heijj liäbi Pirandomitglieder

Do isch d Uflösig vom Quitz. Das sind diä gsuechte Stars gsi:

1. Taylor Swift
2. Jimi Blue
3. Daniel Albrecht
4. Shakira
5. Sina
6. Bill von Tokio Hotel
7. Daniel Schuhmacher
8. Britney Spears

dRanglischde:
1. Josie 7/8
2. Leaflurina 5/8
3. HCD und Sinera 4/8
5. Vanessa 3/8

Ihr hend dass super gmacht!!!

Liäbi Grüäss
Aschi

Sonntag, 21. Juni 2009 19:34:12 | geschrieben von Aschi

1 Kommentar

Kommentare ansehen
Uflösig und neus Quitz

Uflösig und neus Quitz

Heijj liäbi Pirandomitglieder

Letscht mol han i jo äs Zeichetrickfilmquitz gmacht. Alli wo mitgmacht hend, hends richtig gha!! BRAVO und merci dass isch so flissig mitgmacht hend!!

Do isch aber scho wiider äs neus Quitz. Das mol sinds wiider Stars wo ihr mönd usefinde.

Viil Spass bim mitmache!! (Bitte schriibed dä ganzi Künschdlername uf!!)

Liäbi Grüäss
Aschi

Samstag, 20. Juni 2009 18:55:53 | geschrieben von Aschi

5 Kommentare

Kommentare ansehen
Zeichentrickfilm-Quitz

Zeichentrickfilm-Quitz

Heijj Zämä

Statt Stars usefinde, han i denkt, chan meh dass au mol mit Zeichetrickfilmfigure mache.

Mol luege wer alli usefindet!!

Viil Spass bim mitmache!!

Liäbi Grüäss
Aschi

Donnerstag, 18. Juni 2009 19:46:00 | geschrieben von Aschi

14 Kommentare

Kommentare ansehen
hmmm...

Komisch...?!?!?

Hoii liäbi Pirandomitglieder

Hüt han i für üsäs Musical än grüäne Lippestift wölle chaufe.
Im Lade han i denn eine gseh und han ihn kauft.
Dä Hei han i i denn usprobiert. Denn isch dä nöd grüän sondern rot worde (und denn no so grusigs) I han mi den ächt gfroget wiä das goht? Wiä chan än Lippestift wo grüän isch, rot ahgeh?

Isch eu dass au scho passiert?
Wüssed ihr wiso das dass so isch?

Liäbi Grüäss
Aschi

P.S
Jetzt hend mir hald kei grüäni Lippe ahm Musical...

Mittwoch, 17. Juni 2009 19:30:57 | geschrieben von Aschi

4 Kommentare

Kommentare ansehen
Star-Quitz Uflösig

Star-Quitz Uflösig

Heijj Zämä

Danke viil mol fürs mitmache!!

Do sind d Stars:
Lady Gaga, Billy Ray Cyrus, Ashley Tisdale, Nick Jonas, Roger Federer, Conny Brügger, Cristiano Ronaldo und Sandra Studer.

1. Josie 8/8
2. Vanessa 5/8
3. Stubs und caramelia 4/8
5. Kati und YBLinkipark 3/8
7. Lotti und Rybery 2/8

Liäbi Gruäss
Aschi

Mittwoch, 17. Juni 2009 17:46:37 | geschrieben von Aschi

5 Kommentare

Kommentare ansehen
Star-Quitz

Star-Quitz

Heijj liäbi Pirandomitglieder

Do sich also wiidermol ä Star-Quitz. Wenn ihr eu denke chönd, wer do alles versteckt isch, schriibed doch än Kommi!!
Mol luägä wers alles usefindet!!

I wünsche eu viil Glück und Spass bim mitmache!!

Liäbi Grüäss
Aschi

Dienstag, 16. Juni 2009 19:51:06 | geschrieben von Aschi

9 Kommentare

Kommentare ansehen
äs herzigs bild...!!! <3<3

Ab i d Oberstufe....

Heijj liäbi Pirandofämäly

Noch dä Summerferiä gang i i d Oberstufe.
Vor äs paar Täg hend mir diä neu Klasselischde übercho. I bin mit minä 2 Kolleginne zämä und mir sind do mega froh!! Wo mir üs denn i dä Schuäl gseh hend, sind mir üs überglücklich i d Arme gsprunge und hend üs mega gfreut!!!

I finds aber doch schaad, dass üsi "alti" Klass "usenand" goht. Mir hends immer sehr luschdig gha...

Chömed ihr au i d Oberstufe?
Werded ihr vo dä beschdä Kollege trennt?
Gohts eu ähnlich wiä mir?

Liäbi Grüäss
Aschi

Sonntag, 14. Juni 2009 19:19:56 | geschrieben von Aschi

7 Kommentare

Kommentare ansehen
bilder vom regeboge... <3<3<3<3

Än wunderschöne Regeboge

Heijjj liäbi Pirandofamilie

Geschder Obig häts bi üs än sehr än spezielle Regeboge gha. Am Himmel isch er ganz klar gsi und ob dem Regeboge häts nomol so chli än schwächere Regeboge gha.
Äs isch eifach wunderschön gsi!! I han no niä 2 Regeboge mitänand gseh, so klar und so än grosse Bogä!!

Hend ihr diä 2 Regeboge geschder au gseh?
Hend ihr scho mol so öpis gseh?

Liäbi Grüäss
Aschi

Mittwoch, 10. Juni 2009 18:05:39 | geschrieben von Aschi

5 Kommentare

Kommentare ansehen
KaLa 09

KaLa 09

Hoii liäbi Pirandomitglieder

I dä Summerferiä isch s KaLa Thurgau (Kantons Lager vo dä Jubla) in Zihlschlacht.
Äs isch ä Wuche und mir hend s Thema Mittelalter.
Üsäs Logo isch diä Ühlä woh ihr uf äm Bild gsehnd.

Gönd ihr au is KaLa?
Gönd ihr i d Jubla?

Liäbi Grüäss
Aschi

Freitag, 05. Juni 2009 17:34:48 | geschrieben von Aschi

2 Kommentare

Kommentare ansehen
Armbanduhr-Uflösig

Armbanduhr-Uflösig

Heiiijj liäbi Pirandomitglieder

Vor äs paar Täg han i eu gfroged, ob ihr ä Uhr hend und si au ahlegged. Do isch also d Uflösig:

I han ä Uhr und leg si au ah: 3
I han eini, doch ziäh si nöd ah: 3
I han kei Uhr: 3

Ihr gsehnd, äs isch usgliiche.

Merci fürs mitmache,
Aschi

Mittwoch, 03. Juni 2009 19:17:45 | geschrieben von Aschi

3 Kommentare

Kommentare ansehen
Än Waldspaziergang

Än Waldspaziergang

Heiijj liäbi Pirandomitglieder

Geschder hend mir än Waldspaziergang gmacht. Äs isch sehr schön gsi!!

Mir hend än Baum gseh, äh Buächä wo vom Sturm umkeit isch. Früähner hend mir dem Baum immer Königin vom Wald gseit. Jetzt gseht meh d Wurzle und dass isch sehr iidrücklich, wiä gross dass diä sind.

Im Wald häts denn au no schöni Rose gha.

Mir sind denn au no zu Tännli gange, woh mir mol so vor 2 Johr gsetzt hend. Wenns gnuäg gross sind, verchauft mehs für Chrischtbäum.

Am Schluss sind mir denn no zum Chriäsibaum vo dä Grosselterä gange. Dä Baum hät scho recht viil riife Chriäsi dra und diä sind eifach soooooo... fein!!

Hend ihr au scho mol än Waldspaziergang gmacht?
Häts eu gfalle?
Hend ihr Chriäsi gern?

Liäbi Grüäss
Aschi

Dienstag, 02. Juni 2009 18:57:10 | geschrieben von Aschi

1 Kommentar

Kommentare ansehen
verschiedeni uhre

Umfrog-Armbanduhre

Heij liäbi Pirandomitglieder

Wiidermol mache i ä Umfrog. Das mol will i vo eu wüsse ob ihr ä Armbanduhr hend. Ja oder nei? Wenn ja, hend ihr si au ah?

I han au ä Uhr und han si immer ah (ussert i dä Nacht). Ä Uhr finde i guät, denn weiss i immer wiäs spot das äs isch und i muäss nöd immer diä ander Lüüt froge.

Danke fürs mitmache!!
Liäbi Grüäss
Aschi

Sonntag, 31. Mai 2009 18:24:45 | geschrieben von Aschi

9 Kommentare

Kommentare ansehen
Än schlimme Sturm

Än schlimme Sturm

Heey liäbi Pirandofamely

Sicher isch bi eu au dä schrecklich Strum dure.

Mir hend zerscht alles zämägrumt. Denn isch än feschte Wind cho, äs hät mega Hagelchörner geh und äs hät gregnet.
Obwohl mir alles zämägrumt hend, häts üs d Stüähl, Töpf und Ufstellsache weggnoh. Üsän Basketballchorb und üsän Abfall vom Garte isch sogar umkeit.
Noch äm Sturm sind mir denn use, hend alles ahgluägäd und PC, Fernseh und d Telefon wiider ihgsteckt.
Üsi Huustüre isch jetzt mega dreckig und alles isch wiis vom Hagel.

Äs isch än wahnsinnige Strum gsi!!
I han mega Angscht gha, äs hät so klöpft und täscht!!
I han mi aber mit dä Huusi abglenkt.

Häts bi eu au so gstürmt?
Was häts bi eu ä so weggnoh?
Hend ihr Angscht gha?
Hend ihr eu abglenkt?

Liäbiii Grüäss
Aschi

Dienstag, 26. Mai 2009 17:31:10 | geschrieben von Aschi

4 Kommentare

Kommentare ansehen
Uflösig-Was isch das?

Uflösig-Was isch das?

Saliii Zämä

Merci viil mol fürs mitmache!!
Äs sind jungi Spinne gsi. Diä Pirandomitglieder hend das gwüsst:
Florli, sterndli, Lenna und Lotti. Bravo, ihr hend dass super gmacht!!

Do sind no diä anderä Vorschläg: Ameise, Mohn-Chörner, Pfefferkörner, Froschlaich und Zeckä.

Danke fürs mitmache!!
Liäbi Grüäss
ASchi

Montag, 25. Mai 2009 19:16:47 | geschrieben von Aschi

1 Kommentar

Kommentare ansehen
Was isch das?

Was isch das?

Hoiii Zämä

Wiidermol machä i än Umfrogeblog.

Was isch das uf dem Bild?
Tipp: Tiär, äs paar hend sehr Angscht.

Bald mache i denn d Uflösig... bin sehr gspannt ob öpert usefindet, was dass isch!!

Danke fürs mitmache!!
Liäbi Grüäss
Aschi

Sonntag, 24. Mai 2009 19:01:28 | geschrieben von Aschi

13 Kommentare

Kommentare ansehen
Viili Schmetterling

Viili Schmetterling

Hoii liäbi Pirandomitglieder

Viilicht isch äs eu au ufgfalle, i dä letschdä Täg flügäd sehr viil Schmetterling umä.

Weiss öpert wiso dass, das so isch?

Schmetterling findä i sehr schönä Insektä. Min liäblings Schmetterling isch dä Schwalbeschwanz. Dä isch au sehr schön als Raupe!
Hend ihr au än liäblings Schmetterling?

Liäbi Grüäss
Aschi

Donnerstag, 14. Mai 2009 20:49:25 | geschrieben von Aschi

4 Kommentare

Kommentare ansehen
Pirandofrüählingsfescht

Pirandofrüählingsfescht

Hoii liäbi Pirandomitglieder

Hüt isch s Pirandofrüählingsfescht im Radiostudio gsi.
Zerscht isch d Begrüässig gsi und denn isch än Clown cho. Er hät üs denn super unterhaltet und mir hend üs chrum glachet.
Nochher sind mir inänä Rum gangä und dötä hend mir chönä redä, ässä und trinke, Autogramm holä, üs über Pirando informierä usw...
Nochher isch ä Premierä vom Pirandosong cho. d Pirando Allstars und dä Knackeboul und sini Kollege hend das eifach suuuper gmacht und hend dä Saal zum bebä brocht.
Dä Knackeboul hät mich ächt beidruckt, er chan so cool beatboxe und total guät Stimmig mache!!
Zum Schluss häts no ä Überraschig geh: ä Pirandotorte. Sie isch sehr fein gsi. Äs hät au no für jedäs Chind ä Muusmatte und äs Täschli geh.

Äs isch ä super Fescht gsi!! Danke ahs Pirandoteam, machäd wiiter so, ihr sind eifach dä HAMMER!!!!!!!!!!

Wiä hend ihr s Fescht gfunde?

Liäbi Grüäss
Aschi

Samstag, 09. Mai 2009 20:41:16 | geschrieben von Aschi

4 Kommentare

Kommentare ansehen
än fisch

Projektwuchä

Saliii liäbi Pirandofamiliä

Diä Wuchä hend mir Projektwuche für üsäs Musical im Summer. (sMusical heisst das Geheimnis der sieben Perlen.)
Diä ganzi Wuchä dönd mir singä, Tänz iistudierä, baschdle und molä und viil lache.

Hüt han i mit äs paar Mädels än Wassertanz ihgstudiert. Äs isch mega lässig gsi und mir sind scho wiit cho mit üsäm Tanz.
Mir mönd jetztä no Chleider neihä, Plakat molä und Frisurä ihstudierä.

I denkä äs wird ä mega luschdigi Wuchä!!

Hend ihr au scho Projektwuchä gha?
Hend ihr mol äs Musical gmacht?

Herzlichi Grüäss
ASchi

Montag, 04. Mai 2009 13:00:06 | geschrieben von Aschi

1 Kommentar

Kommentare ansehen
Blitzkuchen

Blitzkuchen

Heiiijj liäbi Pirandomitglieder

Do han i äs mega feins Rezept für eu. Dä Chuächä hät den Sven Epiney als Chind erfundä.

Blitzkuchen:
Zutaten:
125 g Mehl, 180 g Zucker, 3 Eier (nicht zu grosse), 155g Kochschokolade, 125g Butter und 1-2 Esslöffel Kirsch

Zubereitung:
Mehl mit Zucker und den Eiern gut mischen, bis die Masse hell ist. Butter und Schokolade in einer Pfanne vorsichtig schmelzen lassen und zur Masse hinzufügen. Kirsch beigeben. Kuchen in einer runden Springform auf der zweituntersten Rille im auf 250 Grad vorheizen. Kuchen GENAU 11 min. backen. Lauwarm mit Puderzucker bestäuben.

Das mit äm Puderzucker chönd ihr au mitämänä Scherräschnitt machä, äs gseht denn sehr schön us!!

Än Guätä,
Aschi

Sonntag, 03. Mai 2009 16:04:41 | geschrieben von Aschi

4 Kommentare

Kommentare ansehen
ein zahn mit einer krone, der zahn verbeugt sich.

Tipps für euri Zäh

Hoiii liäbi Pirandomitglieder

Hüt isch bi üs d Zahtante cho. Si hät üs hüt wiider viil Tipps geh, wiä mir üsi Zäh chönd pflegä.

1. Wenn ihr am Obig ä Frucht ässäd, söttäd ihr ä halbi Stund wartä bis ihr wiider eui Zäh putzä dönd. Ä Frucht hät so öpis dinä, woh üsi Zäh weich macht. Wenn ihr immer nochher gönd goh Zäh putzä, schabäd ihr mit euerä Bürschdä dä Zah ab. Wenn ihr aber unbedingt mönd goh Zäh putzä, mönd ihr vorher än Schluck Wasser neh (oder Milch).

2. Diä süässä Getränk (RedBull, CocoCola, Istee usw...) söttäd ihr nöd immer ih chlinä Schlück neh. Diä Getränk hend jo sehr, sehr, sehr viil Zucker dinä. Wenn ihr denn immer al 10 Minutä äs Schlückli nämäd hend ihr sozägä immer Zucker im Muul. Das schadäd dä Zäh au sehr.

3. Äs Röhrli isch bi süässä Getränk au nöd grad guät. Denn chunt jo das Getränk direkt uf d Zäh zuä.

Hend ihr au no Tipps für d Zäh?

Liäbi Grüäss
Aschi

Montag, 27. April 2009 19:21:36 | geschrieben von Aschi

2 Kommentare

Kommentare ansehen
Maiächäfer

Maiächäfer

Hoiii liäbi Pirandomitglieder

Äs isch nonig Mai, doch d Maiächäfer sind scho voll im Flug. Am Morgä wenn ihr i d Schuäl gönd, gsehnd ihr diä viilicht am Bodä ligä.

Doch hend ihr diä Maiächäfer au scho am Obig gseh oder sogar ghört?
Geschder am halbi- viertel vor nüni bin i voll i mim Buäch vertüüft gsi. Doch irgändwiä häts immer täscht und klöpft. Denn han i mis Buäch ufziehtä gleit und us äm Dachfenschder gluägäd. Do gseh i eifach nur Maiächäfer woh is Dach ihnäflügäd und nochher wiider wiiterflüügäd.

Luägäd doch au mol so am viertel vor nüni usä und luägäd dä Maiächäfer zuä. Doch so balds wiider dunkel wird, flügäd immer weniger umä.

Herzlichi Grüäss
Aschi

Mittwoch, 22. April 2009 19:20:42 | geschrieben von Aschi

4 Kommentare

Kommentare ansehen
dLeona Lewis

Wer isch äs? - Uflösig

Hoii alli Zämä

Okay, wiä is au vermuätäd han, hät niemert diä Person usägfundä.
Äs wäri d Leona Lewis gsi.
Zu dä Tipps, sie isch ä Sängerin und Bluät will einä vo ihrä Songs bleeding Love heisst.

dAne hät gmeint, äs segi d Kristen Stewart und d Burton hät au nöd rächt gwüsst wers isch.

Danke eu zwei, dass ihr mitgmacht hend!!

Liäbi Grüäss
Aschi

Dienstag, 21. April 2009 19:11:29 | geschrieben von Aschi

2 Kommentare

Kommentare ansehen
Hmmmmmmmm....

Wer isch äs?

Hoii alli Zämä

Do han i wiidermol äs Quitz für eu. Wer isch ächt das uf äm Bild??
I han au no zwei Tipps für eu:

-jungi Sängerin
-Bluät

Bin ächt gspannt obs öpert usäfindäd!!
Viil Spass bim rätslä!!
Herzlich,
Aschi

Montag, 20. April 2009 19:33:43 | geschrieben von Aschi

3 Kommentare

Kommentare ansehen
än igel und üsi löchher im rasä

Löcher im Rasä

Salii liäbi Pirandofamiliä

Bi üs im Rasä häts überall Löcher. Diä Löcher chömäd vom Igel. I dä Nacht bohrt er mit dä Nasä Löcher in Rasä ihnä und frisst nochher diä fiisä, fiisä Engerling (wo nochher Maiäkäfer werdäd) und üs d Pflanze kaputt machäd.
Än Igel chunt jo i dä Nacht. Er macht komischi, luuti Grüsch wenn er umälauft. I dä Summernächt, wenn ihr denn viilicht au mol s Fenschder offä hend, ghöräd ihr ihn viilicht mol.

Än Igel isch also sehr än praktischä Gärtner!!

Hend ihr au Löcher im Rasä?

Liäbi Grüäss
Aschi

Sonntag, 19. April 2009 17:25:39 | geschrieben von Aschi

3 Kommentare

Kommentare ansehen
Schoggiumfrog-Uflösig

Schoggiumfrog-Uflösig

Hoii alli Zämä

Danke viil mol, dass ihr so fliisig mitgmacht hend!!

Bi därä Umfrog gseht meh sehr guät, dass dGschmäk würkli sehr verschiedä sind!!

Do also d Uflösig:
Schoggimarke:
Lint 2
Milka 1
Munzli 2
Cailler 1
Frei 1

Schoggifarb:
brun 5
schwarz 2
wiis 1

Liäbi Grüäss und viil Spass denn bim Schoggioschderhasä ässä...
Eui Aschi

Samstag, 11. April 2009 19:41:49 | geschrieben von Aschi

1 Kommentar

Kommentare ansehen
verschiedeni Schoggi

LiÄbLinGsScHoGgi

Hoii liäbi Pirandomitglieder

Wiidermol machä i ä Umfrog. Das mol isch sThema Liäblingsschoggi.
I würdi gern wüssä, welli Schoggimarke ihr am liäbschdä hend und welli Farb (also schwarz, brun oder wiis).
I han Munzli und Milka am liäbschdä. Bruni Schoggi han i am liäbschdä.

Danke ah alli wo mitmachäd, d Uflösig chunt denn au bald!

Herzlichi Grüäss
Aschi

Freitag, 10. April 2009 19:17:35 | geschrieben von Aschi

8 Kommentare

Kommentare ansehen
Fründäkreis-Uflösig

Fründäkreis-Uflösig

Hoii liäbi Pirandomitglieder

Merci viil mol dass ihr so fliisig bi dä Fründäkreisumfrog mitgmacht hend!!

Do isch also d Uflösig:

1. Coco24 mit 707 Fründä (sooo viil!!)
2. bin i mit 609 Fründä
3. Lenna mit 554 Fründä (sind au sehr viil)
4. Vanessa mit 417 Fründä (au nöd schlecht)
5. Riedi mit 357 Fründä (au mega viil)
6. Lotti mit 248 Fründä (au ganz guät)
7. Joschi mit 63 Fründä (nonöd lang ahgmeldät, doch dass chan jo no werdä. Wer weiss, viilicht überholsch du jo au mol no d Coco!)

Liäbi Grüäss
Aschi

Dienstag, 07. April 2009 19:33:23 | geschrieben von Aschi

2 Kommentare

Kommentare ansehen
Fründäkreis-Umfrog

Fründäkreis-Umfrog

Hoiii liäbi Pirandomitglieder

Hüt machä i wiidermol ä Umfrog. I möchti vo eu wüssä, wiä viil Fründä ihr hend (mit dä Aagfrogädä und eifach mit allnä).

Mol luägä wer diä meischdä Fründä hät.

I han 609 Fründä.

Herzlichi Grüäss
Aschi

Samstag, 04. April 2009 19:50:22 | geschrieben von Aschi

7 Kommentare

Kommentare ansehen
Das Blossstellproblem 4.Teil

Das Blossstellproblem 4.Teil

Hoii liäbi Pirandomitglieder

Do isch dä letzti Teil vo minerä Gschicht. Wenn ihr diä anderä Teil nöd hend chönä lesä, chönd ihr das i mim Blog läsä.

Am liebsten hätte ich meine Freundin umarmt, doch es ging ja nicht, wir waren am Telefon. „Ja, natürlich.“
So war alles wieder gut, doch dummerweise, war jetzt mein Essen kalt. Meine Mutter war so lieb und wärmte mir das Essen noch einmal und so konnte ich mein Essen auch noch geniessen. Ich war froh, meine beste Freundin und ich hatten unseren ersten Streit gut gemeistert!

Gfallt eu diä Gschicht?

Liäbi Grüäss
Aschi

Mittwoch, 01. April 2009 19:59:43 | geschrieben von Aschi

2 Kommentare

Kommentare ansehen
Das Blossstellproblem 3. Teil

Das Blossstellproblem 3. Teil

Hoiii liäbi Pirandomitglieder

Do isch also dä 3. Teil. Wenn ihr dä 1. und 2. Teil verpasst hend, chönd ihr i mim Blog diä Teil norläsä.

Ich wollte gerade meine Gabel in das köstliche Essen stecken, da läutete das Telefon. Mein Vater sprang auf und nahm das Telefon ab. „Hallo Miranda.“ Ich zuckte zusammen und machte ein Zeichen zu meinem Vater, dass ich nicht da bin. Dummerweise verstand mein Vater die Fingersprache nicht und fragte mich: „Was meinst du Loretta?“ Ich verdrehte die Augen. „Ja, du kannst sie haben, tschüss Miranda.“ Mein Vater reichte mir das Telefon. Ich nahm das Telefon ans Ohr aber ich sagte nichts. „Loretta, bist du am Telefon?“, fragte Miranda. „Ja, bin ich“, gab ich ihr zur Antwort. „Hey Loretta, was ist nur mit dir los? Du bist total komisch und auf mein SMS hast du auch nicht geantwortet. Habe ich was falsch gemacht?“ Ich seufzte auf und lief aus der Küche in den Gang. „Genau, dass ist das Problem. Du hast überhaupt nicht gemerkt, dass du mich blossgestellt hast. Ich kam mir einfach total blöd vor“, sagte ich. „Wie, wo was?“, fragte Miranda, „wann habe ich dich blossgestellt?“ Ich machte eine Pause und dann sprach ich weiter: „Ja in der Pause. Ich habe erzählt was ich bei meiner super Oma gemacht habe und dann kamst du. Du hast einfach erzählt, dass du an diesem Konzert warst und alle hatten nur dir zugehört. Ich stand einfach nur blöd da und du hast weiter erzählt.“ Jetzt war Miranda die, die ruhig war. Schliesslicht sagte sie: „Entschuldigung, dass habe ich nicht gemerkt. Es tut mir sehr leid!! Vergibst du mir? Ich will mich auch bessern.“

Herzlichi Grüäss
Aschi

Sonntag, 29. März 2009 11:31:52 | geschrieben von Aschi

1 Kommentar

Kommentare ansehen
Ziitumstellig-Uflösig

Ziitumstellig-Uflösig

Saliii liäbi Pirandomitglieder

D Frogä sind gsi:
Wird morn d Uhr ei Stund führä oder ei Stund hinderä gstellt?
Chönd mir morn ä Stund meh oder weniger schlofä?

dGwünnderinnä sind d sterndli (2 Pünkt vo 2) und d Coco24 (au 2 Pünkt).
Dä HCD isch uf äm zweitä Platz mit eim Punkt.

Morn wird d Uhr führä gstellt. Wiä s Sterndli so schön gschriibä hät: so hät dä Tag nur 23 Stund und mir chönd leider ei Stund weniger schlofä.

No än Tipp vo dä Coco:
Herbscht=hinderä
Früählig=führä

Dankä fürs mitmachä!!
Liäbi Grüäss
Aschi

Samstag, 28. März 2009 16:50:05 | geschrieben von Aschi

1 Kommentar

Kommentare ansehen
verschiedeni uhrä

Ziitumstellig-Umfrog

Heiii liäbi Pirandomitglieder

Morn wird d Ziit umgstellt.
I möchti gern vo eu wüssä:

Wird morn d Ziit ä Stund führä oder hinderä gstellt?

Chönd mir morn ä Stund meh oder weniger schlofä?

d Uflösig chunt hüt Obig.
Herzlichi Grüäss
Aschi

Samstag, 28. März 2009 10:02:47 | geschrieben von Aschi

3 Kommentare

Kommentare ansehen
do gsehnd ihr mini alt und mini neu frisur

Neui Frisur

Hoiii liäbi Pirandöler

Hüt bin i zum Coifeuse gangä. I han denkt, i will wiidermol ä neui Frisur. Jetzt han i also Fransle.
Äs isch total andersch wenn i in Spiägel luägä, doch mir gfallts.

Äs isch immer so komisch, wenn meh sich den s erschdä mol mit dä neuä Frisur gseht.

Wiä isch das bi eu?

Liäbi Grüäss
Aschi

Freitag, 27. März 2009 19:26:15 | geschrieben von Aschi

6 Kommentare

Kommentare ansehen
Das Blossstellproblem 2. Teil

Das Blossstellproblem 2. Teil

Saliii liäbi Pirandomitglieder

Do chunt dä zweiti Teil. Viil Spass bim läsä!!

Als ich zu Hause war, läutete ich an der Haustür. Mein kleiner, nerviger Bruder Tom machte mir die Türe auf und streckte mir die Zunge heraus. Als ich ihn anschreien wollte, kam gerade meine Mutter aus der Küche und begrüsste mich. „Hallo mein Schatz, wie war es in der Schule?“ „Ach, ganz okay, “ gab ich ihr zur Antwort und ging in mein Zimmer. Dort machte ich mich gleich an die Hausaufgaben.
Auf einmal piepste mein Handy. Ich sprang vom Stuhl und sah, dass mir Miranda ein SMS geschrieben hat. Ich las es: Hey Loretta, nach der Schule bist du gleich nach Hause gegangen. Ist was passiert? Gruss, Miranda.
Ach, und ob was passiert ist, dachte ich. Am besten ist es, wenn ich ihr nicht zurückschreibe.
Ich warf mein Handy auf das Pult und machte die Hausaufgaben fertig.

Am Abend kamen mein Vater und meine grosse Schwester Samira von der Arbeit nach Hause. Ich hatte den Tisch gedeckt und meine Mutter hatte eine feine Lasagne gemacht.
Als alle an den Tisch sitzen wollten, machte Tom ein riesen Gestürm. Er wollte unbedingt neben Samira sitzen. Er tat so, also ob das dass wichtigste auf der Welt war. Da gab meine Mutter nach und lies Tom neben Samira sitzen.

Liäbi Grüäss
Aschi

Freitag, 27. März 2009 11:41:39 | geschrieben von Aschi

1 Kommentar

Kommentare ansehen
Das Blossstellproblem 1. Teil

Das Blossstellproblem 1. Teil

Hoiii liäbi Pirandomitglieder

I dä Schuäl hend mir ä Gschicht mössä schriibä. Will si ziemli lang isch, speicherä i jedä Tag än chlinä Teil vo därä Gschicht i min Blog.
I hoffä eu gfallt mini Gschicht!!
Viil Spass bim 1. Teil:

Das Blossstellproblem

Loretta war stinksauer. Das erste Mal hatte sie Miranda, ihre beste Freundin enttäuscht. Als sie den anderen Klassenkameraden eifrig erzählt hatte, was sie am Wochenende bei ihrer tollen Oma erlebt hatte, kam Miranda und fing einfach an, vom Konzert einer Boygruppe zu erzählen. Natürlich hörten dann alle Miranda zu und ich stand voll blöd da.
Sonst waren Miranda und ich einfach ein Traumteam und jetzt stellte sie mich bloss. Dass schlimme an der ganzen Sache war, Miranda hatte es nicht einmal gemerkt, dass sie mich blossgestellt hat. Darum kam auch keine Entschuldigung oder sonst was aus ihr heraus.
Ja und jetzt bin ich auf dem Nachhauseweg und vor mir sind noch die elendlangen Hausaufgaben. So viele Hausaufgaben haben mir gerade noch gefehlt.

Liäbi Grüäss
Aschi

Mittwoch, 25. März 2009 19:11:42 | geschrieben von Aschi

2 Kommentare

Kommentare ansehen
alli musicstar

Uflösig-MusicStar Singles

Hoiii alli Zämä

Das mit dä MusicStar Liäder isch ganz knapp wordä. Min Tag hät mit 3 Stimmä gwunnä und wer du würklich bisch hät mit 2 Simmä knapp verlorä.

Jetzt wünschä i eu än schönä Obig und denn viil Spass bim MusicStar luägä!!

Liäbi Grüäss
Aschi

P.S
Sind ihr zfriedä mit äm Resultat?

Sonntag, 22. März 2009 19:33:59 | geschrieben von Aschi

4 Kommentare

Kommentare ansehen
Min Tag- Wer du würklich bisch

Min Tag- Wer du würklich bisch

Hoiii alli Zämä

dMusicStars hend jetzt scho zwei Singles usägeh. Diä erschdi heisst "min Tag" und diä zweiti "wer du würklich bisch".
I han beidi Liäder mega gern und han au d CDs dä Hei.

Mir gfallt "wer du würklich bisch" chli besser.

Welli Single gfallt eu besser?

Bald gits denn ä Uflösig...

Liäbi Grüäss
Aschi

Samstag, 21. März 2009 19:46:42 | geschrieben von Aschi

7 Kommentare

Kommentare ansehen
Reglä vo Erwachsnä und Reglä vo üs Chind

Reglä für Elterä

Hoii liäbi Pirandöler

Äs git viil Reglä und vorallem dä Hei. Du muäsch am halbi 9i s Liächt lösche, am Ässä wird nöd ufs WC gangä oder am Tag 30min Fernseh luägä.
Diä Reglä machäd meischdens diä Erwachsenä. Doch was isch mit üs Chind? Hend mir au Reglä für d Elterä?

Jo, also i han ä Reglä für mis Mami: wenn si äs Buäch vo mir list muäss si immer wenn si fertig isch, äs Läsäzeichä ihnäduä, suscht wird s Buäch wüäscht.
Mengmol muäss is ihrä wiidermol sägä, aber suscht haltäd si sich dra!

Hend ihr au Reglä für eui Elterä?
Haltäd sis au ih?

Liäbi Grüäss
Aschi

Mittwoch, 18. März 2009 19:19:36 | geschrieben von Aschi

1 Kommentar

Kommentare ansehen
Do gsehnd ihr diä Ahenger (und dä Hoorschmuck uf mim Chopf isch nur mit äm PC gmacht!!;-))

Specksteiahenger

Heii liäbi Pirandomitglieder

Im Werkä machäd mir us Speckstei (än weichä Stei) Sachä wo mir chönd ufstellä oder ahlegä.

I han zerscht mol zwei Ahenger gmach, än Stern und än Tropfä.

Das muäss meh schliefä und dass goht ziemlich lang. Zerscht miterä Fielä und denn mit äm 80er Schliefpapier, den mit äm 100er, denn mit äm 120er, nochher mit äm 320er, denn mit äm 600er und am Schluss no mit äm 1000er. Denn isch dä Stei mega fiin und schön.

Hend ihr au mol öpis mit Speckstei gmacht?
Was würdäd ihr us Speckstei machä?

Liäbiii Grüäss
Aschi

Dienstag, 17. März 2009 12:56:46 | geschrieben von Aschi

3 Kommentare

Kommentare ansehen
Do gsehnd ihr s Lagerhuus, d Pischde und s Martinsloch

Skilager in Elm-Tagäbuäch

Saliiii liäbi Pirandomitglieder

Jetzt sind mir wiider do und mir hends mega cool gha im Lager!

Mentig:
Am halbi 8i sind mir vor äm Schuälhuusplatz gsi und hend üsäs Gepäck in Car ihgladä.
In Elm isch äs denn bewölkt gsi doch äs hät mega viil Schnee gha (fascht 3 Meter...).
Mir hend denn s ganzä Huus ihgrichtäd, hend ä Suppä gässä und sind denn am Nomi goh skifahrä.
Am Obig i dä Better hends mir denn mega luschdig gha und sind ziemli luut gsi.

Ziischdig:
Hend mir s erschdä mol s Martinsloch gseh. Am Morgä isch s Wetter nöd schlecht gsi doch am Nomi isch äs denn wiider schlimmer wordä.

Mittwoch:
Hend mir nöd chönä goh skifahrä. Zwüschäd Elm und Matt isch ä Lawine abä. Denn sind mir is Bergrestaurant und sind äs Elmer Citro goh trinkä. Am Nomi sind mir denn eifach goh Bügellift fahrä und hend Tricks usprobiert.

Donnschdig:
I bin do chli chrank gsi han aber trotzdem no chönä goh skifahrä. Han Chopfweh und Halsweh gha.

Friitig:
Isch s Wetter super gsi. Doch i han denn am Morgä nöd chönä goh skifahrä will i Ohräweh gha han. Am Nomi isch äs aber uf dä Pischdä super gsi!!

Samschdig:
Hend mir s ganzä Huus mössä putzä und sind denn leider au scho wiider Hei gangä. =(

Äs isch sooo lässig gsi!! Mir häts richtig guät gfallä!!!!!

Herzlichi Grüäss
Aschi

Sonntag, 15. März 2009 12:07:56 | geschrieben von Aschi

2 Kommentare

Kommentare ansehen
Ab is Skilager

Ab is Skilager

Salii liäbi Pirandomitglieder

Morn gohts ab is Skilager uf Elm. I freuä mi sehr druf!! I hoffä s Wetter wird guät und dä Schnee isch super!!

I werdä eu alli mega vermissä une wünschä eu schöni Wuuchä!!

Bis am Samschdig!!
HEUMMMMMMFGUL, ganz liäbi Grüäss
Aschi

Sonntag, 08. März 2009 19:19:44 | geschrieben von Aschi

8 Kommentare

Kommentare ansehen
sLogo vo Pirando

Happy Birthday Pirando

Hoiii liäbi Pirandomitglieder

Genau sit ämänä Johr gits d Radiosendig mit äm neuä Namä Pirando. Drum wünschä i alläs guäti zum Geburtstag!!
Das Johr isch mega lässig gsi und mir hend viil glernt mit dä Sendig!!

Hoffendli gits no lang Pirando mit äm süässä Grünschnabel!!!

Herzlichi Grüäss
Aschi

Sonntag, 01. März 2009 20:31:31 | geschrieben von Aschi

4 Kommentare

Kommentare ansehen
gölä, gioia und artemis

Byebye Gölä...

Heiii liäbi Pirandomitglieder

Sit geschder isch äs endgültig, dä Gölä trettäd vo MusicStar us.
Am Sunntig hät er stinkhässig s Theater 11 verloh. Dä Grund: d Gioia, d Favoritin vom Gölä. Er isch bös, will jetztä dä Leo und nöd d Gioia wiiter isch.

Neu chunt jetzt d Artemis i d Jury.

Was sägäd ihr zu dem Thema?

Liäbi Grüäss
Aschi

Mittwoch, 25. Februar 2009 19:08:12 | geschrieben von Aschi

6 Kommentare

Kommentare ansehen
do gsehnd ihr d autogramms...:-)

Autogramms vo dä MusicStars

Hoiii liäbi Pirandomitglieder

Hüt han i Poscht vo MusicStar übercho. I han uf www.musicstar.sf.tv Autogramms vo allnä MusicStars, dä Moderatorä und dä Jury äs Autogramm bstellt.
I han mega Freud ah denä!!!

Ihr chönd jo au unter www.musicstar.sf.tv Autogramms bstellä und viilicht hängt jo au bald bi eu d Autogramms im Zimmer.

Herzlichi Grüäss
Aschi

Montag, 16. Februar 2009 17:25:35 | geschrieben von Aschi

1 Kommentar

Kommentare ansehen
äs paar bilder vom treffä....:-)

Pirandotreffä

Hoiii alli Zämä

Hüt isch jo s Pirandotreffä gsi. Mir hends mega luschdig gha und sehr viil glachäd.

Doch ohni dä HCD hetti das Treffä niä stattgfundä. Drum will i ihm eifach äs riiiiiesigs Dankäschön sägä! Äs isch sooo liäb vo dir, dass mir Getränk und Esswarä übercho hend, super Spiili und dass mir än Ruum gha hend!!
Dankä, dankä, dankä!!

I hoffä dass äs wiidermol äs Pirandotreffä git!!

Herzlichi Grüäss
Aschi

Sonntag, 15. Februar 2009 19:33:24 | geschrieben von Aschi

6 Kommentare

Kommentare ansehen
Blogs vo dä MusicStars

Blogs vo dä MusicStars

Heeey liäbi Pirandomitglieder

Nöd nur mir vo Pirando dönd bloggä, nei, au d MusicStars machäd Blogs. Unter www.musicstar.sf.tv verzelläd sie über dä Tag, vo "Zickächriäg", dankäd dä Fans und stelläd üs s Theater 11 vor.

Luägäd doch au mol dri!! Äs git au no viil anderi Sachä uf derä Internetsiitä.

Sind ihr au MusicStar-Fan?
Gönd ihr amäl au uf musicstar.sf.tv?
Was gfallt eu dötä am beschdä?

Herzlichi Grüäss
Aschi

Mittwoch, 11. Februar 2009 19:09:50 | geschrieben von Aschi

Das bin i uf äm Einrad

Endlich wiider Einrad fahrä

Salii und heey liäbi Pirandöler

Endlich isch äs wiider Wetter fürs Einrad fahrä.

Hüt bin i s erschdä mol wiider druf gfahrä und i hans zum Glück nöd verlernt! sErschdä mol isch äs nonig gangä doch bim zweitä Ahlauf bin i wiider losgfahrä.

I han mi sehr ufs Einrad fahrä gfreut!!

Uf was hend ihr eu gfreut wenns nümä Schnee hät?
Sind ihr das Johr au scho uf äm Einrad gfahrä?

Herzlichi Grüäss
Aschi

Freitag, 06. Februar 2009 13:08:05 | geschrieben von Aschi

3 Kommentare

Kommentare ansehen
Littering - Abfall näbäd dä Strossä

Littering - Abfall näbäd dä Strossä

Heey liäbi Pirandomitglieder

Littering-das isch ä englischäs Wort für Abfall näbäd dä Strossä.

Viil Lüüt schüssäd Abfall us äm Auto uf d Wiisä. I findä das mega schlimm und eifach nur doof!!

Äs isch au blöd für d Landwirtä, sie mönd denn dä Abfall immer goh zämäläsä.
No schlimmer isch äs au für d Tiär wo uf dä Wiisä weidäd. Wenn sie viilicht mol ä Scherbä verschluckäd, chan das tödlich endä.

Wenn d Polizei so öpert verwütscht git das ä Geldbuäss (und dass find i super!!).

Achtäd doch au mol uf dWiisä näbäd dä Strossä.

Was sägäd ihr zu dem Thema?

Liäbi Grüäss
Aschi

Mittwoch, 04. Februar 2009 19:27:52 | geschrieben von Aschi

7 Kommentare

Kommentare ansehen
Stars-Quitz-Uflösig

Stars-Quitz-Uflösig

Heey und hoii liäbi Pirandomitglieder

Do isch d Uflösig:
1. Platz Josie mit 6 Pünkt, super gmacht!!

2. Platz HCD mit 5 Pünkt

3. Platz Stepdance mit 2 Pünkt

Do sind d Stars no vo 1-10:
1 Defago, 2 Corbin Blue, 3 Adrian Stern, 4 Fiona Hefti, 5 Cornelia Funke, 6 Duffy, 7 S. Schnebelli, 8 Röbi Koller, 9 Sina und 10 ABBA

Herzlichi Grüäss
Aschi

Dienstag, 03. Februar 2009 19:39:54 | geschrieben von Aschi

1 Kommentar

Kommentare ansehen
Stars-Quitz

Stars-Quitz

Salüü liäbi Pirandofamiliä

Jetzt gits wiider ä neus Starquitz.

Das mol hät jedä Star ä Nummerä und bimänä Kommentar söttäd ihr diä Nummerä au ufschriibä.

Bi dä Nummerä 10 isch d Band gsuächt.

I wünschä eu viil Glück und viil Spass!!
Herzlichi Grüäss
Aschi

Sonntag, 01. Februar 2009 09:52:13 | geschrieben von Aschi

3 Kommentare

Kommentare ansehen
logo vo gargellen

Skiferiä in Gargellen

Saliii und heey liäbi Pirandomitglieder

Mir sind ä Wuuchä in Gargellen i dä Skiferiä gsi.
Äs isch ä super Wuuchä gsi und 2 mol hät s Wätter nöd ganz ä so mitgmacht.

Mir sind i d Skischuäl gangä und dötä hend mir üsi Kollegä wiidermol gseh. Denn hätts au no äs Rennä geh und i bin 1. wordä.

Am Obig sind mir denn amäl öpis goh trinkä, hend gsungä und hends eifach luschdig gha!!

Äs isch eifach alläs super, super gsi, i dä Skischuäl han i mega viil däzuä glernt und han viil, viil glachäd!!

Herzlichi Grüäss
Aschi

Samstag, 31. Januar 2009 19:31:40 | geschrieben von Aschi

4 Kommentare

Kommentare ansehen
dä Saft, d Orangä und d Pressi

selbergmachtä Orangäsaft

Heey liäbi Pirandomitglieder

Jetzt im Winter brucht meh viil Vitamine und da däfür han i für eu än guätä Tipp:

Halbieräd ä Orangä und pressäd diä miterä Pressi us. Denn dönd ihr dä Saft in äs Glas und trinkets.

Äs gseht schön us, isch guät und isch no däzuä schnell gmacht!!

Probieräds doch unbedingt au mol us!!

Herzlichi Grüäss
Aschi

Freitag, 23. Januar 2009 17:51:44 | geschrieben von Aschi

4 Kommentare

Kommentare ansehen
Do gsehnd ihr d Sims mit Huustiär!

Sims 2

Liäbi Pirandomitglieder

Mengmol spiil i am PC Sims 2. Das isch ä Spiili wo meh muäss dä Sims luägä und si mönd sich wohl fühlä.
Mir hend au no Sims 2 Pets, das isch denn no mit Huustier.

I find das no ä luschdigs Spiili. Ich finds cool, dass i denä Sims muäss luägä, das i chan Hüser bauä und au Sims erstellä.

Wenn ihr Sims mol wönd usprobierä, denn luägäd doch mol inerä Ludothek, viilicht chönd ihr dötä mol das Spiil uslehnä.

Spiiläd ihr au Sims?
Was hend ihr für Spiili?

Liäbi Grüäss
Aschi

Donnerstag, 22. Januar 2009 19:27:40 | geschrieben von Aschi

4 Kommentare

Kommentare ansehen
Fernseh luägä-ohni Ton

Fernseh luägä-ohni Ton

Liäbi Pirandomitglieder

Hüt han i mini liäblings Sendig Wege zum Glück uf SF 1 iigschaltä.
Doch äs isch nur s Bild cho und kein Ton. sSchwiizer Fernseh hät hüt nämli so ä chlini Störig gha!

Das isch mega komisch gsi!! I han denn probiert vo dä Lippä abläsä. I han denn no ziemli viil verstandä.

Isch das eu au scho passiert?
Hend ihr au scho Lippä abgläsä?

Liäbi Grüäss
Aschi

Dienstag, 20. Januar 2009 19:51:50 | geschrieben von Aschi

6 Kommentare

Kommentare ansehen
dä Carlo Janka

Carlo Janka- Siiiiiiiiiiiiiiieg!!!!!:-)

Heey alli mini Liäbä

Hüt isch ä totals spannends Skirennä gloffä. Doch um diä Ziit sind mir i dä Schuäl gsi.

Üsän Lehrer (wo au gern Skirennä luägt) hät denn sSkirennä ah dä Liinwand laufäl oh und mir hend dörfä Skirennä luägä.
Eigendli hend mir jo zeichenä gha, aber mir hend dörfä luägä und zeichnä.

Mir hend natürli alli gjubläd wo dä Carlo Jankä gwunnä hät und au bi dä anderä Schwiizer wo eifach super gsi sind!!!

Hend ihr das au scho erläbt i dä Schuälstund?

Liäbi Grüäss und än mega Jubel,
Aschi

P.S
Hopp Schwiiz fürs Lauberhorn-Weekend!!!

Freitag, 16. Januar 2009 16:12:23 | geschrieben von Aschi

2 Kommentare

Kommentare ansehen
sMusicStar-Logo

MusicStar :-)

Salii liäbi Pirandofamiliä

Am 1. Februar fangt wiider dSendig MusicStar ah!!! I freu mi total druf!!

Was eifach ah dä ganze Sach blöd isch, isch dä Tag wohs chunt. Sunntigobig isch für üs Chind überhaupt nöd guät. Ahm anderä Tag müänd mir wiider i d Schuäl und mönd fit si.
Mir dönds denn immer ufneh. Doch äs paar Chind luägäd denn das und üsi Lehrer hend denn überhaupt kei Freud!!

Freuäd ihr eu au ufs MuiscStar?
Was sägäd ihr zu dä Sendeziit?
Luägäds ihr oder nämäds ihr uf?

Liäbi, liäbi Grüäss
Aschi

Sonntag, 11. Januar 2009 13:42:01 | geschrieben von Aschi

3 Kommentare

Kommentare ansehen
Miley oder Bligg?

Miley oder Bligg?

Heeeey liäbi Pirandöler

Leider hät niemert für d Amy abgstummä.

dMiley hät 4 Stimmä und dä Bligg 6. Also äs stoht fescht dä Bligg hät gwunnä!!!

BRAVO!!!

Dankä fürs abstimmä!!

Liäbi Grüäss
Aschi

Freitag, 09. Januar 2009 19:15:58 | geschrieben von Aschi

5 Kommentare

Kommentare ansehen
Liäder-Umfrogäblog-Top-3

Liäder-Umfrogäblog-Top-3

Liäbi Pirandomitglieder

Diä erschdä 3 Sänger sind:
Bligg mir 6 Stimmä
Miley mit 4 Stimmä
Amy mit 2 Stimmä

Jetzt chönd ihr nur no für öpert abstimmä. Mol luägä wer gwünnt!!

Dankä fürs abstimmä!!
Liäbi Grüäss
Aschi

Donnerstag, 08. Januar 2009 19:10:32 | geschrieben von Aschi

10 Kommentare

Kommentare ansehen
das sind äs paar beliebti sänger

Liäder-Umfrog

Heeey liäbi Pirando-Familiä

Danke für alli diä wo mitgmacht hend!! Jetzt chönd ihr abstimme. Ihr chönd für 2 Liäder abstimmä.

Do sind dLiäder:

-Rosalie vom Bligg
-Musig i dä Schwiiz au vom Bligg
-Amy MacDonald mit this is the life
-eifach d Rihanna
-Miley Cyrus
-Beatels
-Andrew Bond
-Beggin
-Kety Perry

Dankä fürs abstimmä!!
Mega liäbi Grüäss
Aschi

Mittwoch, 07. Januar 2009 20:08:57 | geschrieben von Aschi

14 Kommentare

Kommentare ansehen
das isch dä bligg

Rosalie, oh Rosalie...

Heeey liäbi Pirandomitglieder

Wenn im Pirando sLiäd Rosalie vom Bligg chunt hend diä meischdä so richti Freud und i dä Plauderbox isch voll Betrieb! Das find i voll läss!!

Was hend mir alläs suscht no so für Liäder wo mir nochher alli voll Freud i dä PB hend?

Schriibäd eui Ideeä. Nochher mach i ä Umfrog und denn gits denn än Gwünner.

Machäd doch mit!!
Liäbi Grüäss
Aschi

Do no dä Text vo Rosalie:

Rosalie oh Rosalie was wär diä Wält ohni sie?
Sie sitzt im Kaffi Rex und dänkt a ihri gmeinsami Ziit
mit ihrem Ex doch er isch weg es sind scho 2 Jahr verbi
Sie isch nie richtig drüber wäg cho resigniert vor sich hi
Ä Träne flügt in Espresso über ihre Gsicht lamped d'Haar
En attraktive Typ setzt sich an Tisch spricht sie aa
«Hallo!» Sie luegt apathisch empor und isch wie troffe vom Blitz
Für d’Rosalie isch's d'Liebi uf dä erschti Blick

refrain:

Rosalie – Die Rose sind für dich Mi Amor
Du gsehsch so truurig us als wär öpper gschtorbe
Wie cha das si? Ä hübschi Frau mit Auge wie du
So ganz allei amne Sunntig Morge

Rosalie oh Rosalie sie fühlt sich im Paradies
Er isch ihre vertraut und alles schtaht still rund um sie
Sie ärä halbe Ewigkeit hätt niemert meh mit ihrä gflirted
Er git ihrä Kompliment bis sie sich schämt und völlig erröted
Er frögt sie nach em Name und sie seit: «Rosalie»
Er seit: «lugg Mi Amor ich han ä Rose für dich»
«Hihihi.. das isch zwar nett aber ich cha’s unmöglich aneh
Mir känned eus grad mal paar Minute ich hoff du verschtahsch es...»

Refrain:

Sie nimmt diä Rose a und seit: «Wiä chan ich dir numme danke?»
Er hebt ä offni Hand entgäge es machi numme 5 Franke
«Das isch mies! Das isch fies! Ich ha gmeint sie seg für mich»
Er staht uf «Uf widerseh» und lauft zum Tisch vis-a-vis
«Hallo hübschi Frau wie isch ihre Name...?»

Melanie - Die Rose sind für dich Mi Amor
Du gsehsch so truurig us als wär öpper gschtorbe
Wie cha das si? Ä hübschi Frau mit Auge wie du
So ganz allei amne Sunntig Morge

Dienstag, 06. Januar 2009 19:49:47 | geschrieben von Aschi

5 Kommentare

Kommentare ansehen
ä süässi katz am usschlofä!;-)

Ä luschdigs Resultat

Salii liäbi Pirandomitglieder

Bi dä Umfrog Langschlöfer oder Früähufsteher stohts 5 zu 5. Das heisst, mir sind alli chli unterschiedlich.

I hetti jetztä denkt, äs gäbi meh Langschlöfer! Was hend ihr denkt?

Än liäbä Grüäss ah alli Langschlöfer
Än liäbi Grüäss ah alli Früähufsteher
Aschi

Sonntag, 04. Januar 2009 14:35:11 | geschrieben von Aschi

3 Kommentare

Kommentare ansehen
äs chätzli woh am schlofä isch

Langschlöfer oder Früähufsteher?

Saliiii liäbi Pirandomitglieder

I han denkt i machä wiider mol än Umfrogäblog.
Viil schlofäd jo am Morgä uh lang und äs paar stönd sehr früäh uf und chönd nümä schlofä.

Sind ihr eher än Langschlöfer oder än Früähufsteher?

I bin eher än Langschlöfer. I han hüt bis am 10 ab 9i gschlofä.

Bald mach i den d Uflösig!

Liäbi Grüäss
Aschi

Freitag, 02. Januar 2009 12:23:47 | geschrieben von Aschi

9 Kommentare

Kommentare ansehen
Rodlä im Montafon

Rodlä im Montafon

Heeey mini liäbi Pirandomitglieder

Hüt sind mir is Montafon goh schlittlä. Das isch mega luschdig gsi!!

dAbfahrt isch öpä 20 min. gangä. Denn sind mir mitänerä Bahn wiider ufägfahrä. Das alläs hend mir 3 mol gmacht.

Gäg dä Schluss häts so chlini Schantzä geh, dass isch uh läss gsi!

Sind ihr au scho goh rodlä?
Hätts eu gfallä?

Liäbi, liäbi Grüäss
Aschi

Donnerstag, 01. Januar 2009 19:26:46 | geschrieben von Aschi

4 Kommentare

Kommentare ansehen
Dankä, merci, ihr sind eifach suuuuper!!!

Das super Johr 2008

Liäbi, liäbi Pirandomitglieder

Das Johr mir eu allnä isch eifach so super toll gsi!! Mir hends immer voll läss i dä Plauberbox, bim Nochrichtä schriibä und bim bloggä.
Dankä viil, viil mol!! Ihr sind eifach alli soooooo super tolli Kolleginnä und Kollegä!!

I hoffä dass s 2009 üs au so viil Glück wird bringä und dass mir zämä viiiiil Spass hend!!

So, das isch min allerletschdä Blog im 2008 gsi...

Än guätä Rutsch is neuä Johr!! Fiiräd toll!!

Heummmmmmmmmmmmmmmfgul!!!
Herzlichi Grüäss
Aschi

Mittwoch, 31. Dezember 2008 19:33:45 | geschrieben von Aschi

4 Kommentare

Kommentare ansehen
Typisch Aschi...

Typisch Aschi...

Heeey liäbi Pirandomitglieder

Geschder han i 3 Minutäeier für dFamiliä zumzMorgä gmacht.
Doch irgändwiä hend üs diä Eier nöd grad fein ducht, dass heisst, sie sind nöd fein gsi.

Hüt han i am Mami us äm Küählschrank äs Ei geh. Denn han i sie gfrogäd: isch das guät? Sie hät denn gseit, nei dass isch nöd guät. Das Ei isch gchochät.
Mir isch denn sofort alläs klar wordä...vorgeschder han i scho kochti Eier gnoh.

Hend ihr au scho äs kochäds und ä rohs Ei verwächslät?

Liäbi Grüäss
Aschi

Montag, 29. Dezember 2008 19:02:49 | geschrieben von Aschi

5 Kommentare

Kommentare ansehen
Das isch so än Glückskeks

Glückskeks

Saliii liäbi Pirandofamiliä

Geschder sind mir bim Chines goh ässä. Äs isch sehr fein gsi!
Am Schluss häts für jedäs Chind än Glückskeks geh. Das isch än Keks und dötä drin hätts äs Zädäli woh än Wunsch oder so drin stoht.

Bi minerä Cousine isch das gstandä:
Fleiss bringt Brot,
Faulheit bringt Not

Bi dä Coco24 isch das gstandä:
Bald werden sich alle Missverständnisse aufklären

Und bi mir:
Dein Leben wird durch ungewöhnliche Erfahrungen bereichert

Hend ihr au scho so än Kekes gässä?
Was isch drin gstandä?

Liäbi, liäbi Grüäss
Aschi

Sonntag, 28. Dezember 2008 19:13:31 | geschrieben von Aschi

5 Kommentare

Kommentare ansehen
Do gsehnd ihr diä Riesäuhr und mich

Selbergmachti Uhr

Sehr geehrti Pirandöler

Im Werkä und i dä Handarbeit han i diä Riesäuhr gmacht.
So ä Uhr zum machä, brucht viil Ziit. I han im Summer dämit ahgfangä.

I han mössä planä, usschniedä, ufzeichnä, sägälä, schliefä, molä, nomol schliefä, neihä usw...

Jetzt bin i endli fertig wordä und sie chunt jetzt i mis Zimmer.

Hend ihr au scho ä so ä Uhr gmacht?

Liäbi, liäbi Grüäss
Aschi

Freitag, 19. Dezember 2008 13:03:14 | geschrieben von Aschi

8 Kommentare

Kommentare ansehen
Das sind bunti Notä

Wiähnachtskonzert

Heey liäbi Pirandomitglieder

Hüt hend d Coco und i ä Wiähnachtskonzert i dä Reha Klinik in Zihlschlacht gha. I därä Klinik betreuäds hirnverletzti Lüüt.

Äs isch än schönä Obig gsi. dChind hend Klavier, Gitarre und Flötä gspiilt. dElterä, diä Verwantä und diä Patzientä hend denn chönä mitsingä und sie hend uh Froid gha.

I han was soll das bedeuten gspiilt und vom Himmel hoch, ihr Englein kommt. Das han i uf ämänä schönä, schwarzä Flügäl gspiilt.

Zum Schluss hätts no än feinä Apéro geh und jedäs Chind hät än Biber dröfä mit Hei neh.

Hend ihr au scho äs Wiähnachtskonzert gha?

Liäbi Grüäss
Aschi

Donnerstag, 18. Dezember 2008 20:13:55 | geschrieben von Aschi

4 Kommentare

Kommentare ansehen
ä Luus

Lüüs

Heey liäbi Pirandomitglieder

Bi üs i dä Schuäl gönd jetztä dLüüs uhmä. Öpert vo üserä Klass hät Lüüs.

Das isch sehr liächt ahsteckend. Nur wenn eui Jackä näbädähnand sind oder wenn ihr s gliichä Küssi bruuchäd, d Chappä tuschäd oder Chopf ah Chopf sind.
Das isch öpis muähsams und meh chan nüt däfür wenn meh das hät.

Dägägä gits Luusshampoo.

Hend ihr au i dä SChuäl Lüüs?

Hend ihr scho Lüüs gha?

I han zum Glück kei Lüüs!

Liäbi Grüäss
Aschi

Dienstag, 16. Dezember 2008 20:00:24 | geschrieben von Aschi

6 Kommentare

Kommentare ansehen
Theater

Theater

Salüü liäbi Pirandomitglieder

Geschder bin i mitärä Kollegin is Theater gangä.
Äs isch mega luschdig gsi und aber au chli gruselig. Am Schluss sind nämli alli Lüüt gstorbä.
sTheater isch fascht 3 Stund lang gsi.

Mir häts mega gfallä!!!

Sind ihr au scho is Theater gangä?
Wiä isch äs gsi (luschdig, gruselig, unheimlich, fröhlich...)?

Liäbi Grüäss
Aschi

Sonntag, 14. Dezember 2008 12:08:22 | geschrieben von Aschi

3 Kommentare

Kommentare ansehen
Do gsehnd ihr äs paar so Handwärmer

Öpis für chalti Händ

Heeey ihr Liäbä

Dussä isch äs u chalt und drum hend mir alli viil chalti Händ.
Für das han i ä Lösig!!

Äs git so Handwärmer i verschiedänä Grössä und Figurä. Do muäss meh nur än chlinä Chip klickä und denn chunt ä warmi Massä usä.

Wenns denn nümä warm isch mönd ihr diä Figur is chochändä Wasser stellä und nochhher tröchnä loh.

Das isch ä super Sach!!

Hend ihr au so Handwärmer?

Liäbi Grüäss
Aschi

Freitag, 12. Dezember 2008 07:35:45 | geschrieben von Aschi

5 Kommentare

Kommentare ansehen
Der verschwundene Aufsatz

Der verschwundene Aufsatz

Salii liäbi Mitglieder

Do wiidermol ä Gschicht vo mir. Vill Spass bim läsä!!

Der verschwundene Aufsatz

„Kopf hoch.“ Meine beste Freundin schafft es immer mich aufzumuntern, doch dieses Mal schafft sie es bestimmt nicht. Das ganze Wochenende habe ich an meinem Aufsatz über Littering gearbeitet. Doch jetzt habe ich nur eine vier. Ich weiss nicht wieso. Habe ich zu viele Fehler oder sind die Erklärungen einfach nicht gut?
„Du hast leicht reden. Du hast ja eine fünf-fünf und meinen Aufsatz ist unter dem Durchschnitt. Du hast meinen doch noch durchgelesen und gesagt er seihe sehr gut.“ Meine Freundin seufzte. „Lisa, er ist auch wirklich gut, ich weiss doch auch nicht was Herr Winter gegen deinen Aufsatz hat. Wieso fragst du ihn nicht einfach?“
Genau das machte ich am anderen Tag. „Entschuldigung Herr Winter. Können sie mir sagen wieso sie mir nur eine vier in meinem Aufsatz habe?“ Herr Winter schaute mich an: „Weisst du, mit nur einer Seite ist das einfach zu wenig. Du bist in der 6. Klasse Lisa, ich erwarte einfach mehr von dir.“ Jetzt war ich sprachlos. „Her Winter, mein Aufsatz ist drei Seiten lang, ich habe ihnen alle Blätter abgegeben. Ich habe mich schon gefragt wieso dass sie mir nur eine Seite wieder gegeben haben.“ Herr Winter überlegte. „Lisa, gebe mir einfach deine anderen Blätter ab und ich werde es dann neu benoten.“ Also lief ich zu meinem Pult und durchsuchte mein Mäppchen. Doch so sehr ich auch suchte, die Blätter waren weg. „Herr Winter, ich finde sie nicht mehr. Wie kann das sein, sie können doch nicht einfach verschwunden sein?“ Herr Winter schaut mich jetzt mit einem bösen Blick an. „Lisa, dass ist ja nur ein fauler Trick. Mich kannst du nicht veräppeln!“
Dann fing die Stunde an. Ich kann mich aber nicht konsentrieren, ich muss immer an die verschwundenen Blätter denken.
Als dann endlich die Pausenlocke läutet, rennen meine beste Freundin Sofie und ich schnell ins Mädchenklo. „Sofie, das ist was faul, ich habe die Blätter abgegeben, ich bin so sicher.“ Sofie nickte. „Du hast Recht. Ich habe bemerkt dass Timo gegrinst hat, als Herr Winter böse wurde. Er hat sicher deine Blätter gestohlen.“ Ich stutze. „Ja, da könnest du Recht haben. Er ist ja sowieso immer so komisch zu mir. Vielleicht hat er sie ja noch im Mäppchen versteckt?“
So schleichen wir also ins Schulzimmer. „Lisa, ich bewache die Türe und du durchsuchst sein Mäppchen.“ Schnell durchsuchte ich also Timos Mäppchen. „Sofie, ich habe den Aufsatz gefunden!“ In diesem Moment kam Herr Winter ins Schulzimmer. „Lisa, Sofie, was macht ihr hier?“
Sofie und ich erzählten Herr Winter die ganze Geschichte. Er hat den Aufsatz nochmals angeschaut und ich habe dann auch eine fünf-fünf bekommen!
Was Timo angeht. Er musste mir einen Entschuldigungs-Brief schreiben und den von seinen Elter unterschreiben lassen.
Jetzt war alles gut und meine Arbeit am Wochenende hatte sich sehr gelohnt!

I hoffä sie hät eu gfallä!!

Liäbi grüäss
ASchi

Sonntag, 07. Dezember 2008 17:42:52 | geschrieben von Aschi

4 Kommentare

Kommentare ansehen
Grittibänz oder ???

Grittibänz oder ???

Salüüü liäbi Pirandomitglieder

Hüt hend mir äs paar Grittibänz gmacht. Das sind Männdli us Teig und diä sind denn uh fein!!

I sägä denä Grittibänze.
Wiä sägäd ihr denä Teigmänndli?

Mol luägä wiä viil verdschiedeni Antwortä das mir zämä bringäd!!

Hend ihr au scho Grittibänzä bachä?

Liäbi, liäbi Grüäss
Aschi

Freitag, 05. Dezember 2008 17:06:13 | geschrieben von Aschi

5 Kommentare

Kommentare ansehen
Viili gschminkti, fröhlichi Fuässballfans!!

Chumm bring än Hei - än Filmtipp

Saliii liäbi Pirandofans

Chumm bring en hei
Die Euro 08 beim Volk
Ein Film von Daniel Blickenstorfer

Am 4. Dezember 2008, 20.00 SF1
Am 5. Dezember 2008, 11.00 SF1

I dem Film luägäd mir nomol uf d Euro 2008 zrug. Das isch doch än so än schönä Alass gsi, obwohl d Schwiiz scho früäh usägheit isch. Mir hend gfänäd, sind vor äm Fernseh gsässä, i dä Schuäl hend mir über dSpiil gredäd und hend dra viil Spass gha.

Wenn ihr nomol äs Euro Gfühl wönd übercho, denn luägäd doch unbedingt dä Film!!!
I wünschä eu uf jedä Fall viil Spass!!

I bin sehr gspannt uf dä Film!!

Liäbi Grüäss
Aschi

Donnerstag, 04. Dezember 2008 12:51:20 | geschrieben von Aschi

2 Kommentare

Kommentare ansehen
Daumen hoch!!!

Star-Quitz Uflösig

Heey liäbi Pirandofans

Das Quitz isch chli schwieriger gsi!!

Do isch dRanglistä:
1. Manderindli!! (9 vo 13, häsch guät gmacht!!!)

2. HCD-Guggisberg (8 vo 13, super gmacht!!)

3. Tanja und Silv (7 vo 13, guät gmacht!!)

4. Matti (5 vo 13, au guät gmacht!!)

Do wäräd alli Stars:
Stress, Susanne, DJ Ötzi, Monika Fasnacht, Katy Perry, P!nk, Lara Gut, Sven Epiney, Silvie van der vaart, Vreni Schneider, Zac Efron, Vanessa Hudgens, Reto Scherrer

Liäbi Grüäss
Aschi

Mittwoch, 03. Dezember 2008 19:51:09 | geschrieben von Aschi

3 Kommentare

Kommentare ansehen
So gseht min selberbastlädä Engel us.

Ä schöni Bastelidee

Salii liäbi Pirandomitglieder

Hüt han i än Engel bastläd. Er isch sehr schön für ä Wiähnachtgschenkli oder als ä Dekoration.

Das bruuchäd ihr:
-Farbstift
-farbigi Blätter
-ä Schär
-Wullä für d Hoor (ev. Böndeli)
-Liim
-Glitter

Zerst schniidäd ihr än rundä Kreis us und moläd dötä sGsicht druf.
Denn nämäd ihr d Wullä und machäd dHoor.
Jetztä schniidäd ihr sKleid us, d Flügäl, dSchuäh und dHänd.
Zerscht chläbäd ihr dFlügel uf, denn sKleid, d Händ und no d Schuäh.
Ihr chönd denn alläs no mit Sternä oder chli Gliter verzierä.

Falls no Frogä offä sind, i helfä eu gern!!!

I wünschä eu viil Spass bim bastlä!!!

Hend ihr au no Ideeä?

Wiähnächtlichi Grüäss
Aschi

Mittwoch, 03. Dezember 2008 18:02:15 | geschrieben von Aschi

Ä chlini Wiähnachtsgschicht vo mir

Ä chlini Wiähnachtsgschicht vo mir

Heey liäbi Mitglieder

sPirandomitglied Zebra hät jo ahgfangä vo sich selber gschriibeni Gschichtä in än Blog ihnä duä. I findä das ä super Idee und drum han i das au gmacht.

Do also mini Gschicht:

„Was soll ich nur machen?“ Anna ist total verzweifelt. In drei Tagen ist Weihnachten und sie hat noch keine Ahnung was sie ihrer Mutter, ihrem Vater, ihrem Bruder und ihrer besten Freundin Mia schenken soll. Für ein gebasteltes Geschenk hat sie fast keine Zeit mehr, das muss Anna wohl etwas kaufen. Doch was? Ihre Mutter mag Parfum, doch das ist viel zu teuer. Ihr Vater mag Eisenbahnen, doch wo kann man so was kaufen? Ihr Bruder findet Playmobil toll und ihre Freundin liebt Mode über alles.
Anna ging nach der Schule in die Stadt. Zuerst ging sie in einen Kosmetikladen. Im Kosmetikladen stank es nach vermischtem Parfum. Alles war sehr teuer und Anna ging schnell wieder hinaus.
Neben dem Kosmetikladen hat es einen H&M. Vielleicht findet sie dort ein cooles T-Shirt für ihre Freundin. Doch es gab nichts was ihrer Freundin passen würde.
So ging sie in einen Spielzeugladen. Die Playmobil waren auch teuer. Leider gab es dort auch keine Eisenbahnen.
Anna ging enttäuscht nach Hause. Vor dem Schlafen las Anna noch ein Buch. Im Buch ging es einem Mädchen genau wie Anna. Eigentlich war es schon neun und sie sollte schlafen. Doch sie muss einfach wissen was die Lösung des Mädchens war. Um halb zehn erfuhr sie die Lösung. Das Mädchen hat einfach Gutscheine gemacht, Anna fand die Idee super und schlief sofort ein.
Am anderen Tag nach der Schule machte Anna sofort die Gutscheine. Für ihre Mutter machte sie einen Gutschein, dass Anna sie massiert. Für Papa dreimal Auto saugen. Für ihren Bruder zweimal Playmobil spielen. Und für ihre Freundin einen Nachmittag shoppen und Anna spendiert ihr eine heisse Schokolade.
Es wurde ein wunderschönes Fest und alle hatten sehr Freude an Anna`s Gutscheinen!

Liäbi Grüäss
Aschi

Dienstag, 02. Dezember 2008 18:14:01 | geschrieben von Aschi

4 Kommentare

Kommentare ansehen
Do gsehnd ihr sBuäch und i bin am läsä.

Freche Mädchen-Kalender

Gugus aller liäbschdi Pirandöler

Endli isch wiider dAdventsziit und so hät meh hald au än Adventskalender.

Coco und i hend än mega coolä Kalender. Er isch vo freche Mädchen.
Jedä Tag häts ä frechi Gschicht dinä zum läsä. Das find i eifach än super Kalender. Er isch mol öpis anders!!

Hend ihr au än bsunderä Kalender?

sBuäch hät 223 Siitä, also ziimili dick! Uf dä Vordersiitä häts au än Kalender und dötä häts eifach Bildli dinnä.

Was hät euän Kalender für än Inhalt?

I wünschä eu ä ganz ä schöni Adventsziit mit viil Freud und ä viil Spass bim Adventsdüürli ufduä!!
Herzlichi Grüäss
Aschi

Montag, 01. Dezember 2008 12:46:33 | geschrieben von Aschi

2 Kommentare

Kommentare ansehen
Das sind dStars

Neus Star-Quitz

Liäbi Pirandodöler

Do han i für eu äs neus Stars-Quitz.

Do sind nomol d Reglä:
Wer alli oder am meischdä Stars usäfindäd hät gwunnä.

I wünschä eu viil Glück!!

Liäbi Grüäss und viil Spass bim lösä
Aschi

Sonntag, 30. November 2008 19:13:12 | geschrieben von Aschi

5 Kommentare

Kommentare ansehen
Uflösig vom Stars-Quitz

Uflösig vom Stars-Quitz

Heey liäbi Mitglieder

1.Riri (herzlichä Glückwunsch 14 Pünkt vo 14!!)

2. Zebra und Josie (13 Pünkt, au sehr guät, äs wäri denn d Rihanna gsi)

3. HCD-Guggisberg (au ganz guät gmacht! 11 Pünkt)

Dankä ah diä woh mitgmacht hend und herzlichä Glückwunsch!!

Liäbi Grüäss
Aschi

Samstag, 29. November 2008 19:40:50 | geschrieben von Aschi

3 Kommentare

Kommentare ansehen
Das sind Gondlä

Än Skitag in Gargellen

Salüü liäbi Mitglieder

Hüt sind mir uf Gargellen goh skifahrä (s1. mol i derä Saison). Äs isch sehr schön gsi, äs hät sehr wenig Lüüt gha!
Am Ahfang isch äs scho chli komisch gsi, wiidermol uf dä Ski stoh! Doch i hans denn schnell wiider im Grif gha.
Äs hät no ziemli viil Schnee gha.
I bin zum Glück niä umgheit!

Sind ihr das Johr au scho goh skifahrä oder snöbä?
Wiä isch äs gsi?

Liäbi Grüäss
Aschi

Samstag, 29. November 2008 19:31:29 | geschrieben von Aschi

2 Kommentare

Kommentare ansehen
Do gsend ihr alli Stars!! Viil Glück!!!!!

Stars-Quitz

Heeey liäbi Pirando-Mitglieder

Do han i für eu äs Star-Quitz!!

Wer findet ächt alli Stars usä? Wünschä eu uf jedä Fall viil Glück!!

Bis am Friitig-Obig hend ihr Ziit und denn duäns is uflösä.

Herzlichi Grüäss
Aschi

Mittwoch, 26. November 2008 19:07:15 | geschrieben von Aschi

4 Kommentare

Kommentare ansehen
Bravo ahs Pirando-Team!!!!!

Zürcher Radio/Fernseh Preis 2008

Saliii liäbi Pirandomitglieder

Geschder isch dVerleihig vom Zürcher Radio und Fernsehpriis 2008 gsi.
Im Zunfthaus zur Meisen isch d Verleihig gsi. Alläs isch schön dekoriert gsi im Huus, mit Kerzä und Bluämä.
Dä President vo dä Radiostiftig, dä Professor Doktor Larese hät verzellt, dass us 61 Bewerbigä 2 usgwählt wordä sind.
Fernsehpreis an: Pino Aschwanden
Radiopreis an: Susanne Eberhart

Äs hät au Musik gha, dass sind die Geschwister Küng gsi. dLüt, mit Hackbrett, Giigä, Bass hätts no schön tönt. Alli hend ä wunderschöni Tracht ahgha.
Mit dä Susanne, am HCD-Guggisberg han i dörfä uf dä Bühni dä Priis engägäneh. Das isch sehr schön gsi so uf dä Bühni z stoh!
dZuäschauer hend u Freud gha, dass sPirando dä Priis gwunnä hät!!

Zum Schluss hät än Herr gredät, stelläd eu vor ä ganzi halbi Stund!! Das isch ziemli langwilig gsi, fascht niemert hät verstandä was er mit derä Red sägä will. s Einzigä wohn i no weiss isch: ä Geiss isch glücklich, will s immer alläs vergisst.

Noch dä Priisverleihig häts no än feinä Apéro geh und hend nochli gredät.

Äs isch eifach super läss gsi!!!!

Liäbi Grüäss
Aschi

Dienstag, 25. November 2008 12:41:55 | geschrieben von Aschi

2 Kommentare

Kommentare ansehen
pirando logo

Umfrog-Pirando

Saliii liäbi Mitglieder

Gern würd i wiider mol ä Umfrog machä.

Wiä viil i dä Wuuchä losäd ihr s Pirando?

- praktisch niä
- 1-2 mol
- 2-3 mol
- 3-4 mol
- 4-5 mol
- 5-6 mol
- 6-7 mol

Stimmäd doch ab, bin sehr gspannt!!

Noch äs ppar Tag mach i den dUflösig!

Herzlichi Grüäss
Aschi

Sonntag, 23. November 2008 19:23:11 | geschrieben von Aschi

11 Kommentare

Kommentare ansehen
Ä künstlichs Land und armi Chind

Ä künstlichs Land und armi Chind

Saliii liäbi Pirando-Mitglieder

zDubai hends jetztä ä riesigs Hotel bauä uf künstlichem, ufgschüttetäm Land. Geschder isch dEröffnig gsi, viil Stars sind dötä gsi und äs hät ä riesigs Füürwerk geh. Das alläs hät mega, mega viil Geld kostet.
Uf dä Welt sterbäd sehr viil Chind pro Tag wiils kei zÄssä hend. Doch diä riichä Lüüt hend nüt bessers z tuä als ä so äs Hotel bauä.

I findä das mega, mega blöd!! Statt so äs Hotel sött meh dä armä Lüüt helfä!!!!

Was sägäd ihr zu dem Thema?

Grüässli
Aschi

Freitag, 21. November 2008 19:16:49 | geschrieben von Aschi

9 Kommentare

Kommentare ansehen
"Ha, ha, hatschiiiiii...!!!!!"

Hatschii und Gsundheit

Heey liäbi Pirando-Mitglieder

Äs isch wiider chalt und drum chömäd viili vo üs ä Erchältig über.
Mi hätts glaubs au chli verwütsch und do han i für eu Tipps:

-ä Erchältigs Bad
-warm ahleggä (dussä än Schaal und ä Chappä)
-i dä Nacht Bettsockä ahziäh
-d Händ immer wiider wäschä
-än Pulli ahziä vo dä Hals warm haltäd

Hend ihr au no Tipps?

Herzlichi Grüäss
Aschi

Mittwoch, 19. November 2008 19:08:20 | geschrieben von Aschi

3 Kommentare

Kommentare ansehen
Basketball spiilä

Basketball spiilä

Salii liäbschdi Mitglieder

I dä Schuäl nämäd mir Basketball spiilä durä. I machä das mega gern, das isch öpis wohn i sehr gern im Turnä mach!
Hüt han i 4 Chörb gschossä, juheee!

Dönd ihr au gern Basketball spiilä?
Hend ihr das au scho im Turnä durägnoh?

Im Turnä duän i au gern Tanzä, Brennball spiilä, Ball über Schnuur und äbä Basketball spiilä.
Was i nöd so gern mach isch ah Grät turnä.

Was machäd ihr gern?
Was machäd ihr nöd gern?

Freu mi uf eui Kommentär!!

Herzlichi Grüäss
Aschi

Montag, 17. November 2008 19:27:26 | geschrieben von Aschi

7 Kommentare

Kommentare ansehen
Wiähnachtsgschenkli

Wiähnachtsgschenkli

Saliii liäbi Pirandomitglieder

Bald isch äs so wiit, d Wiähnachtä stod vor dä Tür. Meh will für alli Lüüt wo meh gern hät äs Gschenkli chaufä oder baschdlä.

Wenn ihr no kei Idee hend i für eu äs paar Vorschläg:

-ä Chettlä us Fimo und Filz
-ä Girlandä us Fimo und Filz
-än Schaal selber lismä
-selber äs Bild molä uf ä Liinwand
-Sheepworld hät au immer schöni Sachä
-Ohräring (für ä Fründin)
-ä CD
-äs schöns Chärtli
-än Kino-Guätschii

Hend ihr au no Ideeä? Schriibäd sie doch inänä Kommentar! MERCI!!

Herzlichi Grüäss
Aschi

Samstag, 15. November 2008 19:28:06 | geschrieben von Aschi

5 Kommentare

Kommentare ansehen
Äs Tanzpaar

Tanzä im Turnä

Salii liäbi Pirandomitglieder

Im Turnä dönd mir jetzt tanzä. Das macht dä ganzä Klass mega Spass!!

Hüt hend mir i 3-4 Gruppä selber chönä än Tanz usäfindä. dMusic däzuä isch eher Hip-Hop mässig gsi. Äs isch eifach suuuper gsi!

Mir dönd au no anderi Tanzartä ahluägä, was dLüüt zum Biischbil früähner i dä Disco tanzäd hend!

sTanzä isch eifach mol öpis anders und für alli!!

Dönd ihr gern tanzä?
Hend ihr im Turnä au mengmol Tanzä?

Liäbi Grüäss
Aschi

Freitag, 14. November 2008 20:04:44 | geschrieben von Aschi

6 Kommentare

Kommentare ansehen
Das bin i am Schalter.

Tochtertag 2008 bi dä SBB

Salii liäbi Pirandomitglieder

Hüt bin i mit mim Mami am Tochtertag bi dä SBB gsi.

Am Morgä am 5i sind mir ufgstandä und am 6i sind mir scho zRomanshorn am Bahnhof gsi.
Am Billett-Schalter hend mir denn zerscht Geld mössä zellä und alli Beleg vo geschder kontrollierä. Nochher sind diä erschdä Kundä cho. Diä meischdä hend äs Billett wöllä. I han das au selber dörfä usprobierä und das isch no luschdig!
Dä Lüüt hend mir denn au Uskunft geh uf welläs Gleis dass sie mönd goh und wenn dass dä Zug fahrt, han au Fahrplan-Uskünft geh.
Mir hend au äs Ticket für än Fuässballmatch verchauft und Uskunft geh über äs Musical, denn hend mir au äs Handy verchauft und Geld gwechslät.
Eimol hend mir au i dä Schalterhallä alli Heftli oder Proschpekt schön hieduä, dass alläs schön usgseht.
Natürli hend mir den au ä Pausä gmacht und 13.10 sind mir denn fertig gsi.

Dä Tochtertag isch sehr schön gsi und i chans nur wiiter empfehlä!!

Sind ihr au am Tochtertag gsi?

Liäbi Grüäss
Aschi

Donnerstag, 13. November 2008 14:20:35 | geschrieben von Aschi

1 Kommentar

Kommentare ansehen
Affä hends schön, diä hend kei Huusi!

Uflösig-Huusufgobä

Salii liäbi Pirando-Mitglieder

Do isch dUflösig vom Huusufgobä-Blog. Dankä a allnä wo mitgmacht hend!!

1. Platz 30min-1h (5 Stimmä)
2. Platz 5min-30min (2 Stimmä)
3. Platz 1h-1h 30min und 1h 30 min-2h

Ihr gsehnd äs isch ziemli unterschiedlich. Umso älter meh wird, umso meh Huusi gits!

Herzlichi Grüäss und viil Geduld bi dä Huusi
Eui
Aschi

Mittwoch, 12. November 2008 19:52:18 | geschrieben von Aschi

1 Kommentar

Kommentare ansehen
WEllness-Tipps

Tipps für Körperpfleg

Heey mini Liäbä

Am Samschdig hend mir i dä JUBLA ä Wellness-Schönheits-Stund gmacht.

Für äs fiins Gsicht muäss meh das machä:

Nehmäd Quark und verteiläd das ufs Gsicht. Nochher müänd ihr no Gurkäschiibä schniidä und diä uf dAugä duä.
Äs gseht denn mega luschdig us!!
Ihr mönd denn dä Quark tröchnäloh. Denn mit lauwarmen Wasser abwäschä. Wow, eui Huut isch denn so fii äs äs Babypopo!

Füür fiini Händ:

Ihr bruuchäd chli Zucker und Handcreme (Massieröl isch au sehr guät!!). Denn nämäd ihr Zucker i dHänd mit dä Creme, nochher duänds ihr riibä.
Wenn ihr gnuäg griibä hend wiider mit lauwarmen Wasser abwäschä.
So hend ihr sehr fiini Händ.

Massierä:

Ihr chönd eu no Massieröl chaufä und eu vo öperäm massierä loh.
Am Schluss chönd ihr no euän Körper mit Körpercreme ischmierä.

Füässpfleg:

Üsi Füäss hends au gern wenn meh si duät pflegä. Drum machäd doch ä Füässbädli und dönds ahschlüssänd no icremä.

Hend ihr au no Wellness-Tipps?

Viil Spass bim wellnessä
wünscht eu
dAschi

Dienstag, 11. November 2008 18:36:05 | geschrieben von Aschi

4 Kommentare

Kommentare ansehen
Äs Mädel ah dä Huusi...

Umfrog-Huusufgobä

Salii liäbi Pirando-Mitglieder

Gern möcht i vo eu wüssä wiä viil Huusi das ihr hend.

Do han i d Vorschläg:
-5 min bis 30 min
-30 min bis 1h
-1h bis 1h 30 min
-1h 30 min bis 2h
-no meh

Machäd ihr gern Huusufgobä?

Würd mi freuä uf äs paar Kommentär. Ähn Zämmähang mach i denn am Mittwoch-Obig!

Liäbi Grüäss
Aschi

Montag, 10. November 2008 19:48:10 | geschrieben von Aschi

8 Kommentare

Kommentare ansehen
Das isch sLogo

Markä verchaufä

Salii liäbi Pirando-Familiä

I dä Schuäl dönd mir Projuventute-Briäfmarkä, Büächer für Chind, Chartä und so wiiter verchaufä.
Mir gönd do vo Tür zur Tür und wend das verchaufä. Mir macht das Spass!
Das Geld isch denn für än guätä Zweck.

Äs git 4 verschiedeni Markä. 3 vo denä hend Chind zeichnät, sie sind uh schön!

Dönd ihr au Markä verchaufä?
Macht eu das Spass?

Liäbi Grüäss
Aschi

Freitag, 07. November 2008 19:18:37 | geschrieben von Aschi

3 Kommentare

Kommentare ansehen
Logo vo dä SBB

Tochertag am 13. November

Heey liäbi Pirando-Mitglieder

Am 13. November isch dä Tochtertag und do chönd d Töchterä zu dä Elterä goh und ihnä bim schaffä zuäluägä.
I gang mit mim Mami und sie schaffäd bi dä SBB am Schalter und verchauft Billett usw.. I freu mi sehr!!

Wenn i denn gsi bin schriib i natürli än Blog wiäs gsi isch!!

Gönd ihr au ahn Tochtertag?

Herzlichi Grüäss
Aschi

Dienstag, 04. November 2008 18:46:38 | geschrieben von Aschi

10 Kommentare

Kommentare ansehen
Das isch dSüässmoscht-Crème mit dä Zuätatä.

Süässmoscht-Crème

Salüü liäbi Pirando-Familiä

Hüt han i serscht mol Süässmoscht-Crème gha und selber gmacht. Äs isch uh fein gsi!!
Do han i für eu sRezept:

-5dl Süssmost, naturtrüb (dass heisst frisch presst)
-2 Esslöffel Maizena
-3 Eier
-3 Esslöffel Zucker

Das mönd ihr alläs zämä mischä und denn uf dä Herd stellä. IHR MÖND IMMER RÜÄHRÄ BIS ÄS CHOCHÄD!!!! Nochher dä Herd abstellä und nomol 2 min. rüährä.

Äs isch sehr fein wenn ihr no Rahm däzuä dönd, äs gseht au schön us!!

Probieräds doch au mol us, äs isch sehr eifach!!

Liäbi Grüäss
Aschi

Sonntag, 02. November 2008 19:20:17 | geschrieben von Aschi

3 Kommentare

Kommentare ansehen
Das bin i und säg: suuuper Lupa

Uflösog vom Umfrogä-Blog

Saliii liäbi Pirando-Mitglieder

Suuuuuuper Lupa, du häsch äs gschafft, äs sind genau 100 Chärtli!!
I han fürs Französisch 100 Chärtli mössä schriibä, alli Zahlä vo 1-100.

Au äs Kompliment ah alli Mitglieder diä wo mitgmacht hend!!

Hoffendlich hend ihr Spass ah mim Umfrogä-Blog gha!!

Liäbi Grüäss
Aschi

Sonntag, 02. November 2008 18:46:52 | geschrieben von Aschi

2 Kommentare

Kommentare ansehen
Do gsehnd ihr 3 Bilder vo derä Chärtli-Biig.

Umfrog.... Wiä viil Chärtli sinds?

Saliii liäbi Pirando-Familiä

Als Huusufgobä hend mir mössä Chärtli schriibä. I will jetztä vo eu wüüsä: Wiä viil Chärtli sind das uf derä Biig wo ihr uf mim Bild gsehnd?

sSpiil goht ä so:
Wer am nöchschdä ah derä Zahl isch dä hät gwunnä. Ihr hend bis morn Obig Ziit, denn lös is uf.

Do no än Tipp:
sPapier isch ziemli dick.

Wer gwünnt ächt?

Liäbi Grüäss
Aschi

Samstag, 01. November 2008 15:48:58 | geschrieben von Aschi

21 Kommentare

Kommentare ansehen
Das sind Bilder vom Super 10 Kampf, i dä Mitti gsehnd ihr dä Stephan Lambiel....

Super 10 Kampf 2008

Heey liäbi Pirando-Familiä

Geschder sind mir an Super 10 Kampf gangä. Äs isch u luschdig gsi!! sSpeziällä isch gsi, dass äs uf äm Iis gsi isch.

18 Pirando-Chind hend dörfä dSportler begrüässä uf äm Iisfeld.

Äs hät viil berüähmti Sportler gha und mir hends au vo nöchäm gseh!
dSpiili sind super luschdig gsi!!! Am beschdä hät üs sSpiili mit dä Cörling gfallä. dSportler hend sich do als Görling verkleidet und sind so vo dä Stegä is Iisfeld abägrutscht. Wer amnöchschdä i dä Mitti isch, dä hät gwunnä.
Was au sehr schön gsi isch, 2 11-Jöhrigi Chind (äs Meitli und än Buäb) hend uf äm Iisfeld tanzäd. Sie wönd spöter mol Iiskunschtläufer werdä. sMeitli trainiert jetztä scho 6 mol i dä Wuuchä!!

Ah jedäm Platz hätts so Klatscher geh. Diä hett meh chönä ufblosä und chönä klatschdä. Diä hend no luut tönt!! Äs hät verschiedeni Farbä geh.

Dä Stephan Lambiel isch denn au no cho. Mir hend denn sozägä chönä Abschied vo ihm ne. Er hät än mega luutä und än gaaaanz an langä Applaus übercho, alli Lüüt im Hallästadion sind ufgstandä!!!!

Was schaad gsi isch, äs hät kei Autogrammstund geh!

Meh möcht i eu nöd verrotä. I chan eu nur empfehlä, luägäd am:
SONNTAG 2.November 14.00- 14.50 SF2
oder
MITTWOCH 31.Dezember 15.15 bis 16.00 SF2
dä Super 10 Kampf!!!

Sind ihr au mol am Super 10 Kampf gsi?

Herzlichi Grüäss
Aschi

Samstag, 01. November 2008 10:34:35 | geschrieben von Aschi

2 Kommentare

Kommentare ansehen
Das isch ä Fledermuus und im Hintergrund dä Vollmond.

Flerdermuus- s neuä Thema

Salii liäbi Pirando-Familiä

Üsäs neuä Thema isch Fledermuus.

Hüt hend mir än chliniä Film über Fledermüüs gluägäd und mir hend scho recht viil glernt:

-äs git öpä 1000 Artä vo Fledermüüs
-d Fledermüüs läbäd nur i dä Antarktis nöd
-ä Fledermuus chan pro Stund 500-1000 Insektä fressä
-sie sind sehr wichtig für d Pfalnzäwelt, sie befruchtäd d Pflanzä oder bestäubäd sie
-ä Fledermuus-Muätter erkennt ihrä sis Junge vom Gruch oder vom Schrei
-dä Kot vo ihnä duänd Lüüt als Dünger benutzä

Mir hend no viil anderi Sachä glernt...

Was wüssäd ihr über Fledermüüs??
Hend ihr auscho sThema Fledermuus gha??

Herzlichi Grüäss
Aschi

Donnerstag, 30. Oktober 2008 18:26:12 | geschrieben von Aschi

4 Kommentare

Kommentare ansehen
Das bin i mit minerä neuä Brillä....

Mini neu Brillä

Salüü liäbi Pirando-Mitglieder

Sie isch do, mini neu Brillä. Mit ihrä gsehn i nöchher und chli klarer. I bruuchs sie vorallem am PC und vor äm Fernseh doch i dä Schuäl ziähn i sie au ah.

Wenn i mit ihrä lauf fühl i mi irgändwiä so gross! Hend ihr das am Afang au gha?

Uf jedä Fall, ä Brillä isch ä guäti Sach!!

Hend ihr au ä Brillä??
Für was bruuchäd ihr eui Brillä??

Liäbi Grüäss
Vo dä Brilläschlangä
Aschi

Mittwoch, 29. Oktober 2008 20:09:05 | geschrieben von Aschi

9 Kommentare

Kommentare ansehen
Das isch äs Schwein

dSternzeichä vo China

Liäbi Pirando-Familiä

In China gits au Sternzeichä und das sind 12 Tiär. Diä heissäd so:
Büffel, Tiger, Hase, Drache, Schlange, Pferd, Schaf, Affe, Hahn, Hund, Schwein und Ratte.

I bin äs Schwein. Wenn ihr wüssäd wönd was ihr sind, luägäd uf diä Tabellä:
BÜFFEL: 7.2.1997-27.1.1998
TIGER:28.1.1998-15.2.1999
HASE: 16.2.1999-4.2000
DRACHE:5.2.2000-23.1.2001
SCHLANGE: 24.1.2001-11.2.2002
HAHN:23.2.1993-9.2.1994
HUND:10.2.1994-30.1.1995
SCHWEIN:31.1.1995-18.2.1996
RATTE: 19.2.1996-6.2.1997

Schaf, Aff und Pferd sind kei Johrgäng vo dä Pirando-Mitglieder.
Wenn ihr aber än Johrgang vo euäm Mami, Papi, Götti, Gotti wönd wüssä chönd ihr mich frögä oder eu informierä unter: www.google.ch, do findäd ihr viiliinfos dodrüber.

Jedäs Zeichä hät ä anderi Begründig und das findäd ihr au im Google.

Und, hend ihr euäs Sternzeichä gfundä?

Liäbi Grüäss
Aschi

Mittwoch, 29. Oktober 2008 19:40:50 | geschrieben von Aschi

5 Kommentare

Kommentare ansehen
Büächer.....

Wuuchäplan

Salüü liäbi Pirando-Familiä

I dä Schuäl hend mir jetzt än Wuuchäplan.

Wenn ihr nöd wüssäd was das isch, denn erklär i s eu:
Mir hend äs Blatt übercho mit luter Ufträg. Alli Ufträg mönd mir selber planä (ah welläm Tag mir das wönd machä). dHuusufgobä ghöräd do au däzuä.
Jedä Tag düänd mir denn 45 min. -60. min dra schaffä.
Wenn mir das nöd schaffäd denn muänd mir alläs norarbeitä.

So än Wuuchäplan find i guät. Mir lernäd so, ä Verantwortig zha und mir mönd selber planä. I findä das wichtig für spöter!!

Hend ihr au Wuuchäplän??
Wiä findäd ihr das??

Liäbi, liäbi Grüäss
Aschi

Donnerstag, 23. Oktober 2008 19:23:25 | geschrieben von Aschi

5 Kommentare

Kommentare ansehen
Hihihi..., das bin i miterä Brillä!;-)

Ä Brillä......

Heey liäbi Pirando-Familiä

Hüt han i än Seetescht gmacht. Das heisst, än Maa hät mir dAugä kontroliert. Vor äm PC und vor äm Fernseh muänd sich mini Augä zfescht aastrengä und jetztä bruch i für das ä Brillä.
I han mi denn für ä bruun-wiisi Brüllä entschidä. Bald chan i sie den go abholä.

I freu mi uf mini Brillä, denn i find sie voll schön und sie nütz au öpis!

Hend ihr au ä Brüllä??
Für was bruuchäd ihr eui Brüllä??
Legäd ihr sie gern ah??
Wiä gseht sie us??

Liäbi Grüäss
Vo dä bald Brillä-Schlangä
Aschi

Mittwoch, 22. Oktober 2008 18:03:47 | geschrieben von Aschi

4 Kommentare

Kommentare ansehen
Das bin i am Marroni machä....

Marroni, mhhh........

Liäbi Pirando-Familiä

Äs isch Herbscht und Marroni-Ziit.

Hüt hend mir Marroni zum zNacht gmacht und äs sehr fein gsi!!
Äs isch u fein wenn meh no Salami däzuä isst. Meh muäss nur dMarroni in Salami ihwicklä und is Muul ihnäschiäbä!

Hend ihr Marroni au gern??
Was ässäd ihr zu dä Marroni??

Herzlichi Grüäss und än guätä,
Aschi

Dienstag, 21. Oktober 2008 19:03:43 | geschrieben von Aschi

8 Kommentare

Kommentare ansehen
Das isch än Öpfel mit ämänä Smilie!:-)

Öpfel für än guätä Zweck

Hoii liäbi Mitglieder und Mitgliederinnä

Jedäs Johr dönd 5. und d 6. Klässler ah üserä Schuäl Öpfel sammlä für än guätä Zweck.
Vo äs paar Landwirt i üsäm Dorf chömäd mir Öpfel über und diä mönd mir i Chischdä umpackä. Nochher chömäds inäs chlisäs Dörfli in Bern. Das Dörfli isch wiit i dä Bergä obä.
1.-9. Klässler sind alli im gliichä Schuälhüüsli.
So hend sie än Znüni und dörfäd au äs Chischdli mit Hei neh. Dä Hei hends denn im Winter Öpfel.
Mir schriibäd au mit ihnä Briäf und Mails. Das isch mega luschdig!! Jedäs Johr chömäd mir vo ihnä dSchüälerziitig über. Dötä stönd Erläbniss und Gschichtä vo dä Schuäler drin.

Machäd ihr au so öpis i dä Schuäl?
Wiä findäd ihr das wo mir machäd?

Liäbi, liäbi Grüäss
Aschi

Dienstag, 21. Oktober 2008 12:41:10 | geschrieben von Aschi

2 Kommentare

Kommentare ansehen
Do gsehnd ihr Tier, Bergä und alläs woh mir uf dem Wäg erläbt hend.

Tierliwäg in Elm

Salüüü liäbi Pirandofans

Mir sind mit dä Familiä äs paar Täg in Elm gsi.
Dötä hend mir dä Tierliwäg gmacht.

Dä Tierliwäg isch än Wäg wohs uf äm ganzä Wäg gschnittsti Tier hät. Äs sind eher Tiär wo im Wald läbäd.
Dä Wäg goht öpä ä Stund und isch eifach zum laufä.

Mir sind öpä ä halbi Stund glofä und denn hend mir äs Füür gmacht. Näbäd dä Füürstell hätts so ä Seilbahn gha. Dötä chasch uf so ä runds Plastikstück sitzä und denn chan meha abärutschä. Das isch uh luschdig!! (Uf äm Bild gsehnd ihr das Plastikstück und mi.)
Wo mir fertig "gseilbähnlet" hend hätts denn ä Wurscht geh.
Nochher sind mir dä Wäg fertig glofä.

Sind ihr au scho in Elm gsi??
Hend ihr au mol än Tierliwäg gwanderät??

Herzlichi Grüäss
Aschi

Mittwoch, 15. Oktober 2008 13:27:24 | geschrieben von Aschi

4 Kommentare

Kommentare ansehen
Das bin i und i duän lismä.

Selber än Schaal lismä

Salüü liäbi Pirandomitglieder

In Moment bin ich amänä Schaal am lismä (stricken).

Wenn meh so än Schaal lismä duät bruucht das ziemli viil Geduld. I han jetztä scho 2 Chnäuel Wullä bruucht und bis äs fertig wird bruuch i nomol zwei.
I duä meischdens vor äm Fernseh lismä oder vor äm Radio, so han i nochli Unterhaltig.

sLismä han i vom Grossi und i dä Handarbeit glernt.

Hend ihr au scho öpis glismät??
Machäd ihr das gern??
Wo hend ihrs glernt??
Wo lismäd ihr??

I würd mi sehr freuä uf äs paar Kommentär!!

Herzlichi Grüäss
Aschi

Dienstag, 07. Oktober 2008 18:25:43 | geschrieben von Aschi

4 Kommentare

Kommentare ansehen
Das isch dä Ihgang vom Musical

Ewigi Liebi-Musical

Salii liäbi Mitglieder

Am Wuuchäend sind mir sMusical EWIGI LIEBI goh luägä. Äs isch äs super Musical.

dBühni isch mega schön gmacht. Äs hät ä Hüttli, äs Gondeli und ä Murmelhöhli.

Um das gohts Musical:
dHeidi und dä Däneli hend ä grosses Missverständnis wo nonöd glöst wordä isch. Sie hend sich scho lang nümä gseh und viili Johrä spöter hend sie sich troffä.
Zämä sinds zrugg zu dem Missverständins "greist" und wönds lösä. Chönds äs ächt lösä??

Sie singäd Schwiizerlieder, äs tönt super mega schön!!

Üs hät dGret und dä Bruno äs pinks Murmeli sehr guät gfallä.

Hend ihr das Musical au scho gseh??

Das Musical würdäd mir sofort wiiterempfehlä!!

Liäbi, liäbi Grüäss
Coco und Aschi

Mittwoch, 01. Oktober 2008 19:05:07 | geschrieben von Aschi

4 Kommentare

Kommentare ansehen
Das isch d Whitney

Diä neu Schönheitskönigin

Saliiii Zämä

Geschder isch d Whitney Toyloy zur Miss Schweiz krönt wordä. I find si ä mega herzigi!!!

I han mit dä Familiä und miterä Kollegin gluägät, äs isch mega luschdig gsi!!

Hend ihr au Miss Schweiz gluägäd??
Wiä findäd ihr diä neu Miss Schweiz??

Liäbi Grüässli
Aschi

Sonntag, 28. September 2008 19:19:12 | geschrieben von Aschi

14 Kommentare

Kommentare ansehen
Än Zah, glücklich und ohni Löcher!;-)

Bim Zahnarzt......

.....isch äs tip-top gangä!!!

Hoiiii liäbi Mitglider

Hüt bin i bim Zahnarzt gsi und i han 0 Löcher gha!!!!! I bin voll erliächderät und han mega Freud!!!!
Äs isch aber mega luschdig gsi!!

Sind ihr au immer froh wenn ihr ohni Löcher vom Zahnarzt chönd goh??

Liäbi, liäbi Grüäss
Aschi

Mittwoch, 24. September 2008 17:40:04 | geschrieben von Aschi

4 Kommentare

Kommentare ansehen
Das isch än Zah!!!

Zahnarzt

Heeeey Zämmä

Morn gang i zum Zahnarzt und loh mini Zäh kontrollierä.

I han eigendli vor äm Zahnarzt kei Angscht, doch wenn denn du so uf äm Stuähl sitzisch und meh sMuul ufmachä muäh, denn han i scho chli Angscht!

Hend ihr Angscht vom Zahnarzt??
Gönd ihr gern zum Zahnarzt??

Liäbi, liäbi Grüäss
Aschi

Dienstag, 23. September 2008 19:44:37 | geschrieben von Aschi

7 Kommentare

Kommentare ansehen
Chinesichi Zahlä vo 1-12.

Chinesischi Zahlä

Saliii liäbi Mitglieder

I dä Schuäl hend mir jo sThema China.
Jetzt üäbäd mir diä chinesischä Zahlä.

Diä sind mega schwierig zum machä. Äs bruucht viil Konsentration und ziemli viil Geduld.

Uf äm Bild gsehnd ihr dZahlä vo 1-12. Diä han i gmacht mit Pinsel und schwarzer Wasserfarb.

Chönd ihr au chinesichi Zahlä oder Zeichä??

Wiä findäd ihr diä Zeichä??

I find chinesischi Zeichä allgemeint mega schön!! Doch äs isch mega schwierig, viiiiiiiiii..il schwieriger als Dütsch!

Herzlichi Grüäss,
Aschi

Dienstag, 23. September 2008 16:44:18 | geschrieben von Aschi

7 Kommentare

Kommentare ansehen
Öpfel und d Bella! <3

Öpfel ablässä

Heeey liäbi Pirando-Fans

Geschder bin i mit dä Grosselterä goh Öpfel ablässä. Si hend do ä grossi Ahlag mit viilä verschiedänä Öpfelsortä.
Äs isch uh schön gsi und äs isch ä luschdigi Arbät.

Meh muä ufpassä das meh nöd ä ganzäs Ästli "abrisst" oder dä Stiil vergisst. Diä Öpfel woh riif sind diä gönd besser als diä woh nonig ganz riif sind wäg.

dBella dä Hund (gsehnd ihr uf äm Bild) hätt au gern Öpfel und denn isst si mengmol au einä!

I han Öpfel mega gern!! Diä frischä sind besser als diä us äm Ladä.

Hend ihr au scho Öpfel abglässä??
Kennäd ihr au än Hund woh gern Öpfel hät?
Hend ihr au gern Öpfel??

Liäbi, liäbi Grüäss
Aschi

Sonntag, 21. September 2008 15:24:38 | geschrieben von Aschi

4 Kommentare

Kommentare ansehen
Das isch d Mona, vo vornä, vo hinä und mit mir! : - )

Mini selber gmachti Marionettä

Heeey liäbi Pirandöler

Juhui, jetzt isch si endli fertig! Mini selber gmachti Marionettä d Prinzessin Mona.
Ah dä Mona han i sehr viil i dä Handarbeit mössä schaffä. Doch äs isch ä schöni Arbät und äs hät sich glohnt!! Im April 08 han i mit dä Marionettä agfangä.
Jetzt bin i mega HAPPY!! : - )

So ä Prinzessin zmachä isch ziemli schwierig. sKleid, sGsicht, sGstell usw.....

Hend ihr au scho ä Marinonettä gmacht??
Wiä findäd ihr d Mona??

Liäbi, liäbi Grüäss
Aschi

Donnerstag, 18. September 2008 12:44:35 | geschrieben von Aschi

7 Kommentare

Kommentare ansehen
Hihihihi.....;-)

Än Lern-Tipp

Gugus liäbi Pirando-Fans

Am Donnschdig hend mir ä China-Prüäfig. Mir hend zu jedem Thema Chärtli mit Frogä mössä schriibä und so chönd mir für d Prüäfig üäbä.

Und so chann mehs machä:
Nähmäd chlini Chärtli und schriibäd uf ei Siitä ä Frog. Uf dRücksiitä schriibäd ihr d
Antwort.

So chan mehs ahwendä:
Will diä Chärtli ziemli chli sind chan mehs überall mitneh. Du chasch zum Biischbil im Auto lernä, im Zug oder suscht irgendwoh.
Wenns du nöd chasch chöntisch jo ufs Chärtli än Punkt machä und wenns äs weisch äs Högli.
Du chasch äs au sortierä und so nur mol diä trainerä woh du nonöd chasch....

I findä diä Strategie mega guät. Es bruucht aber äs bitzli Arbät zum diä Chärtli machä aber ÄS LOHNT SICH!!!!!

Kennäd ihr sucht noh Ideeä wiän meh sich uf Prüäfigä chan vorbereitä??

Hend ihr das au scho usprobiert und wiä isch äs eu gangä??

Liäbi Grüäss
Aschi

Dienstag, 16. September 2008 16:34:59 | geschrieben von Aschi

3 Kommentare

Kommentare ansehen
Ä Regä-Wolke mit Regätropfä

Regä, Rägä-Tröpfli

Gugus liäbi Pirandöler

Rägä, Rägä-Tröpfli, si falläd uf mis Chöpfli....... das Liäd hettäd mir hüt dä ganzi Tag chönä singä! Äs regnät und regnät.

Hüt bin i usägangä und han mi so aagleit: Jeans, än Pulli, än Schaal, Gugmmistifel und ä Regäjackä.

Was hend ihr im Regäwetter ah??

Im Regäwetter find is dä Hei i dä Stubä mega gmüätlich!

Und ihr??

Liäbi, liäbi Grüäss
Aschi

P.S
Oh du goldigs Sünneli duä doch wieder schiinä....!!!; - )

Samstag, 13. September 2008 18:55:49 | geschrieben von Aschi

3 Kommentare

Kommentare ansehen
sMaskottchen, dMedaliä und dAschi

Sporttag 2008

Hoiii liäbi Mitglieder

Hüt hend mir kantonalä Sporttag gha.

I bin inerä Mixgruppä gsi, das heisst Meitli und Buäbä zämä. Mir hend Blitterbärli gheissä und als Maskottchen hend mir Bärli gha.

Bim Wiitwörfä sind mir alli mega guät gsi, mir hend sehr viil Pünkt dötä gholt.
Bim 80 Meter-Lauf sind mir eigendli au guät gsi.
Doch bim Stafettä-Lauf hend mir dä Stab 4 mol fahlä loh!
Bim Wiitsprung isch alläs guät glofä!

Doch mir hend starchi Gägner gha und mir hend denk mir wäräd so öpä 8. oder so.

Bi dä Rangverkündigung isch di grossi Überraschig cho. Woh dPlatzsprecherin gseit hät mir sind uf äm 2. PLATZ hend mir nur no gschrauä und hends fascht nöd chönä glaubä!!! Dä 2. Rang vo 20 Gruppä, mir sind mega stolz uf üs!!!

Mit dä ganzä 5. und 6. Klass zämä hend mir 2 mol Silber gholt, eimol 5. Rang und eimol 8. Rang. Mir sind alli super zfriedä.
Äs isch än schönä Tag gsi!!!

Liäbi, liäbi Grüäss
di oberglücklich
Aschi

Mittwoch, 10. September 2008 14:26:49 | geschrieben von Aschi

3 Kommentare

Kommentare ansehen
Hihihihi.. das bin i!

Luschdigi Frisurä

Hoiiii liäbi Mitglieder

Geschder han i mir ä Frisur gmacht und han voll viil Lippästift und Lippglos anäduä. Das isch uh.. luschdig gsi!!

Wiä findäd ihr mis Bild??

Machäd doch das au! : - )Und dönds i euäs Profil oder so!!!
Das wäri doch mega luschdig wenn mir so luschdigi Bilder drin hettäd!

Also, tschüss Zämä
Hel,
Aschi

Sonntag, 07. September 2008 19:29:22 | geschrieben von Aschi

2 Kommentare

Kommentare ansehen
Das bin i und dPommes-Maschine wohn meh muän druckä!!

Selber gmachti Pommes

Liäbi Pirando-Mitglieder

Hüt sind mir bi dä Grosselterä gsi. Als zMittag hend mir Pommes gmacht.
Viili Lüüt machäd dPommes im Backoffä doch mis Grossi macht das andersch!!
Si hend selber Herdöpfel und diä dönd mir denn schelä. Nochher chan meh diä durch so ä Maschinä (uf äm Bild) druckä. Denn chömäds i dFritös. Wenns duärä sind bruuchäds nur nochli Salz und denn sinds fertig!!
Mmmmhhhh....., das isch würkli mega fein!!!

Hend ihr au scho selber Pommes gmacht??
Wiä machäd ihr Pommes dä Hei??

Äs würd mi uh.. freuä wenn ihr än Kommentar würäd schriibä!!

Liäbi Grüäss
Aschi

Sonntag, 07. September 2008 19:09:09 | geschrieben von Aschi

2 Kommentare

Kommentare ansehen
Läsä und läsä und nomol läsä, läsä, läsä................: -)

Neui Büächer : - )

Huhu liäbi Pirandöler

Im Tonsalat han i jo mol än Büächerguätschii gwunnä. Jetzt han i mir 2 Büächer kauft.

Sie heissäd Superstars und Liebesstress, Liebestrank und Schokokuss. Sie sind 2 Bänder vom neuä frechä Mädchen-Film.

I freu mi scho zum läsä!!! Bin jo ä RIESÄ Läsäratte!!

Hätt vo eu öpert diä Büächer scho gläsä?
Wiä isch äs gsi??

Sind ihr au ä Läsäratte??

Was läsäd ihr so??

Herzlichi Grüäss
Aschi

Freitag, 05. September 2008 19:11:37 | geschrieben von Aschi

5 Kommentare

Kommentare ansehen
Schule-Bewegt

Schule-Bewegt

Hoiii liäbi Mitglieder

Mir i dä Klass hend äs Projekt und das heisst Schule-Bewegt.
Do dönd mir üs jedä Tag bewegä aber nur so 3-5 Minutä. So hend mir eifach mol ächli bewegig und meh blibt fit.

Mir hend i dä Schuäl so äs Dart-Spiil. Uf dem Spiil hätts verschiedäni Felder und jedeäs Feld bedütäd öpis anders. Äs Chind chan denn mit Pfil do druf schüssä. Dä Lehrer hät den Chartä, dötä stönd verschiedäni, kurzi Üäbigä druf.

Wiä findäd ihr das Projekt??
Hend ihr das au??

Liäbi, beweglichi Grüäss
Aschi

Mittwoch, 03. September 2008 19:15:02 | geschrieben von Aschi

9 Kommentare

Kommentare ansehen
Wiä findäd ihr dä Sturm Gustav??

Dä Sturm Gustav

Saliii liäbi Pirando-Mitglieder

Ihr hends sicher au scho ghört oder gläsä. Äs isch än Wirbelsturm unterwägs.
Jedä Sturm hät än Namä und dä heisst Gustav.

Dä Gustav goht uf New Orleans zuä. Genau wiä vor 3 Johr scho. Das isch mega, mega schlimm.
1 Million Menschä sind gflüchtäd. 20 000 Menschä sind aber bliibä. Das hät dä Grund, dass diä Lüüt vor Plünderigä Angscht hend. Wenn nämli fascht niemert i dä Stadt isch, gits viil Plünder....

So än Wirbelsturm find i uh... mega schlimm!!

Wiä findäd ihr so Stürm??
Was denkäd ihr über das Thema??

Liäbi, liäbi Grüäss
Aschi

Montag, 01. September 2008 19:27:29 | geschrieben von Aschi

2 Kommentare

Kommentare ansehen
Das isch sLogo

Slow-Up

Hoiii liäbä Pirandomitglieder

Hüt sind mir äbä am Slow-Up gsi. Äs isch uh... schön gsi, hihih am Schluss sind mir äs bitzli k.o gsi! ; - )

Äs hät ganz viil tolli Sachä geh. Mir hend zum Biischbil Öpfel, Rivella, Farmer und so wiiter übercho.

Äs hät uh... viil Lüüt gha, scho klar bi dem Traum-Wetter!!

Mir hätts gfallä am Slow-Up und i freuä mi scho wieder ufs nögschdä Johr!! Mir sind 41 Kilometer mit äm Velo gfahrä. Hmm.... wer weiss, viilicht gang i nögscht Johr mit äm Einrad?? : - )

Liäbi Grüäss
Eui Aschi

P.S
Wenn ihr nöd wüssäd was dä Slow-Up isch denn gönd ihr min Blog goh aaluägä oder gäbäd im Google Slow-Up i!!

Sonntag, 31. August 2008 19:14:50 | geschrieben von Aschi

3 Kommentare

Kommentare ansehen
dFlora, dBella und i im Stall.

Ufwiederseh noch 2 Johrä

Salüü liäbi Pirandofans

Am Mittwoch han i mini Chuäh dFlora noch 2 Johr wieder gseh. Si isch 2 Johr uf dä Alp gsi und isch ä richtigi Chuäh wordä.
Woh si chli gsi isch bin i immer bi ihrä gsi und han si gstreichläd. I han si uh gern gha und jetzt bin i froh das mir wieder zämä sind!!!
Si hät ä Drüüeck uf dä Stirn, das gfallt mir mega guät und drum chan i si au guät erkennä.

In ein bis zwei Wuuchä chunt si ä Chalb über, freu mi scho!!!!!!!

Uf äm Bild gsehnd ihr dFlora. Jetz hät si so än Wuschel uf dä Stirn, gseht mega herzig us!

Hend ihr au scho ä Tier/än Mensch oder suscht öpis lang nümä gseh?

I würd mi freuä uf äs paar Kommentär!!

Liäbi Grüäss vom Pirandomitglied
Aschi : - )

Sonntag, 31. August 2008 16:44:38 | geschrieben von Aschi

2 Kommentare

Kommentare ansehen
Chömäd au an Slow-up!!!!!!!!!!!!!

SLOW-UP Bodensee

Hoiiii liäbi, liäbi Pirandöler

Am Sunntig isch äs so wiit dä Slow-up.
Dä Slow-up isch öpis ganz bsundrigs. Dötä werdäd Strossä gsperrt und mir Menschä chönd denn mit dä Velos, Inline, Einrad usw.. uf dä Stross fahrä. Äs git denn immer so Haltästellä wohn meh chan öpis Ässä, Wettbewerb mirmachä und no viili anderi Sachä meh!
Alläs zämä isch 40 Kilometer lang. Bi schönäm Wetter rächnet meh mit 80 000 Lüüt.

Äs lohnt sich sehr dötä ahnäzgo!!

Wer goht au dötä hie??
I gang au und denn gsehnd mir üs viilicht!?!?! : - ) Freu mi scho!!!!!

Also alli am Sunntig an Slow-up!!
Bis denn,
Aschi

Donnerstag, 28. August 2008 17:55:15 | geschrieben von Aschi

3 Kommentare

Kommentare ansehen
Das sind diä füf Maskottchen vo dä Olympiadä 2008!!!!

Olympia Maskottchen

Liäbi Pirando-Mitglieder

Gern würd i eu meh vo dä Olympia Masskottchen verzellä.

Beibei: isch blau und gliich amänä Fisch. Sie isch dä blau Ring vom Olympischä-Zeichä.

Yinjying: isch ä tibetschi Antilopä und isch für dä gelbi Ring doh.

Huanhuan: isch sOlympischä-Füür und isch dä roti Ring.

Jingjing: isch än schwarzä Panda. Jo und sie isch dä schwarzi Ring.

Nini: isch grüän und ä flügändi Schwalbä. Sie isch für dä grüäni Ring doh.

Alli Maskottchen hend ä Bedütig zämä und das heisst: Peking heisst Dich willkommen!

Hätt vo eu öpert so äs Maskottchen dä Hei??

Wiä findäd ihr diä Maskottchen??

I find d Maskottchen ächli kitschig aber doch find i sie uh herzig!!!!!

Liäbi Grüäss
Aschi

Mittwoch, 20. August 2008 18:33:30 | geschrieben von Aschi

4 Kommentare

Kommentare ansehen
Sporttag, voll cool!!

Kantonalä Sporttag

Heiii liäbi Mitglieder

In äs paar Wuuchä hend mir dä Kantonali Sporttag. Do trättäd Gruppä gägäänand ah. Meh chas sich do als Klass ameldä und isch denn ein Morgä eifach ah dem Sporttag.

I bin ei mol gsi und äs macht uh..... viil Spass, obwohl mir nöd so guät gsi sind.

Mir mönd: 80 Meter rennä, Bäll worfä, Stafettä und Wiitsprung.

I dä Schuäl traineräd mir jetzt immer! Isch no ziemli streng.

Hend ihr au scho än Sporttag gha??
Dönd ihr gern turnä??

Liäbi Grüässli
Aschi

Dienstag, 19. August 2008 19:05:22 | geschrieben von Aschi

2 Kommentare

Kommentare ansehen
Das isch dPupsegal-Tasse! : - )

Ä süässi XXL-Tassä zum Geburi

Liäbi Pirando-Mitglieder

Ä richtig, cools, nützlichs Geburi-Gschnek für dElterä zfindä find i ziemli schwierig. Doch dCoco und i hend do öpis super, richtig, cools und nüzlichs gfundä.

Ä Sheepworld Pupsegal XXL Tassä. Dotä druf stoht: Wenn wir zusammen sind, ist alles ander pupsegal!
I find das mega süäss und i chan eu sägä, üsäs Mami hät mega, mega Freud gha.

Uf äm Bild gsehnd ihr diä Tassä, isch sie nöd schick??

Hend ihr genau di gliich Tassä??

Wiä findäd ihr Sheepworld??

Sheepworld find i uh... süäss und macht Freud!!!

Liäbi Grüäss vom Pirando-Mitglied
AScHi : - )

Montag, 18. August 2008 17:31:54 | geschrieben von Aschi

1 Kommentar

Kommentare ansehen
sZeichä vo dä Olympiadä

Olympia 2008 in Peking

Hoii liäbi Mitglieder

Jetzt laufäd di Olymipischä-Spiil in Peking. Peking isch dHauptstdt vo China und riiiiieesä gross!!!
dSportler machäd do logisch Sport. Wiä zum Biischbil: Schwimmä, Baseball, Fuässball, Radfahrä, Tennis, Tischtennis, Judo usw. Äs git no ganz viili meh.

I dä Schuäl hend mir sThema China und mir nämäd dOlympiadä au ächli durä. Hüt hend mir zum Biischbil diä 5 Maskottchen vo dä Olympiäd durägnoh. Sie heissäd: Beibei, Huanhuan, Yangyang, Jangjang und dNini. Zämä heisst das : Beijing, herzlich Willkommä.

Nämäd ihr au dOlympiadä i dä Schuäl durä??
Vervolgäd ihr dOlympiadä??

Am Afang han i denk das i mi nöd für dOlympiadä intressier. Doch jetzt find is mega cool.

sOlympia-Zeichä bestoht us füf Ring. Das gsehnd ihr uf mim Bild.

dSchwiizer hend jetzt scho 4 Medaliä gwunä, 1 Gold und 3 Bronze.

Liäbi Grüäss
Aschi

Donnerstag, 14. August 2008 12:59:14 | geschrieben von Aschi

1 Kommentar

Kommentare ansehen
Das sind zwei gzeichnädi Schüäler i dä Schuäl.

1.Schuälmorgä

Liäbi Pirando-Mitglieder

Jetz sind sicher au vo eu äs ppar wieder noch 5 Wuuchä Feriä i dSchuäl gangä.

Bi mir isch alläs guät gangä. I bin mega zfriedä mit mim Platz und dKlass isch au läss. I glaubä das wird ä cools neus Schuäljohr und mirwerdäd viiiiiiiiil Spass mitänand ha.

Wiä isch äs eu gangä??

Mir chömäd jedä Monet ä neus Sprichwort über und das nöd mir denn mit dä Klass besprächä und aaluägä.

Hend ihr au scho äs Thema??

I bin jetzt i dä 6.Klass und mir sind mit dä 5.Klässler no im Schuälzimmer. Phuuu.., mir sind 26 Kind, ganz schön viil!!

I welli Klass sind ihr jetzt und wiäviil Schüäler sind ihr??

Würd mi mega freuä wenn ihr än Kommentar würdäd schriibä!!!

Liäbi Grüäss
Aschi

Montag, 11. August 2008 12:29:29 | geschrieben von Aschi

4 Kommentare

Kommentare ansehen
Das isch äs Bild, woh meh Füürwerk gseht

Seenachtsfest und sFüürwerk

Heiii liäbi Pirando-Mitglieder

Geschder isch sSeenachtsfescht in Kreuzlingen und Konstanz gsi. Das isch ä Fescht am See mit Ständ zum öpis kaufä oder ässä, äs hät ä Bahnä und dä grossi Höhepunkt: sFüürwerk

Das Johr isch sFüürwerk öpis gaaaanz speziäls gsi. Sie hend nämli zum Teil au Füürwerk us äm Helikopter usäloh. Usserdem isch das Füürwerk meeeeegaaa lang gsi und eifach mega-super schön!! Äs isch glaubs schönschdä Füürwerk gsi wohn i je gseh han. Äs hät ziemli luut klöpft und täscht.

Sind ihr au am Seenachtsfescht gsi??
Wiä hät eu sFüürwerk gfallä??

Uh mega liäbi Grüäss
Aschi

Sonntag, 10. August 2008 11:48:04 | geschrieben von Aschi

2 Kommentare

Kommentare ansehen
Das isch än Sternähimmel!!

Schlofä uf Balkoniä :-)

Liäbi Mitglieder

Wenn meh än grosä Balkon hätt, denn isch das mega cool. Mir hend das z.B und schlofäd im Summer wenns schön isch uf äm Balkon. Mir sägäd dem: schlofä uf Balkoniä.
Do gseht meh dä Sternähimmel und geschder han i ä Sternschnuppä gseh. Vor üs isch dä grossi Waagä gsi.

Das würd i uh empfehlä!! Äs isch uh schön und meh hätt au nöd immer so heiss. Äs hätt kei Muggä und Flügä woh eim störäd. S Einzigä woh ächli blöd isch, dass äs früäh hell isch.

Mengmol dörfäd Coco und i au ufäm Balkon zMorgä ässä!

Wer schloft amäl au uf äm Balkon??

Liäbi Grüäss
Aschi

Freitag, 01. August 2008 12:10:58 | geschrieben von Aschi

1 Kommentar

Kommentare ansehen
So hend mir geschder ächli gfieräd.........

Schönä 1. Auguscht!!!!

Liäbi Pirando-Mitglieder

Happy Birthday Schwiiz, alläs guäti zum Geburi!! Genau, am 1. Auguscht hät jo dSchwiiz Geburi und do isch jo viiiiiiil los!! Am Obäd gits überall wunderschöni Füürwerk und i dä ganzä Schwiiz isch guäti Stimmig. Das gfallt eu sicher au mega guät und sind voll am fierä.

I wünsch eu uf jedä Fall än mega schönä 1. Auguscht und gnüsäd dä Tag!!!

Uf äm Bild:
Geschder sind mir no dussä gsi und hend ächli gfieräd. Mir hend än feinä Drink gmacht. Er heisst Ipanema und hät än feinä Lemonägschmack. Denn hätts no öpis zum Knabberä geh.

Mini Frogä:

Wiä fieräd ihr dä 1. Auguscht??
Findäd ihr sFüürwerk au sbeschdä??

Än mega schönä Tag wünscht eu
dAschi

Freitag, 01. August 2008 11:39:57 | geschrieben von Aschi

2 Kommentare

Kommentare ansehen
dLotti, dCoco und i und im Hindergrund ä schöni Chüäh und Bergä

sTreffä mit dä Lotti

Saliiii liäbi Mitglieder

Geschder isch für dLotti, für dCoco und für mi än bsundrigä Tag gsi. Mir 3 Pirandomitgliederinnä hend zämä abgmacht.
Am Anfang hend mir fascht kei Wort mitänand gredät. Mir sind alli irgendwiä voll schüch gsi. Mit dä Ziit hend mir aber mega viil gschnöräd und gschnöräd!
Äs isch ä mega luschdigs Treffä gsi und äs isch luschdig mit ämänä Chind abmachä, wohn meh früähner nur chattäd und E-Mail und Briäf gschriibä hätt.
dLotti isch jetzt ä richtigi Kollegin wordä!!

Hend ihr au scho mit ämänä Pirandomitglied abgmacht??

Verzelläd mir doch wiäs gsi isch! Sind ihr au sooo schüch gsi??

Liäbi Grüäss
Aschi

Mittwoch, 30. Juli 2008 11:06:07 | geschrieben von Aschi

4 Kommentare

Kommentare ansehen
Das isch s Büäch vo dä Emma!!!!

Verrückt nach Emma

Hallo liäbi Mitglieder

I dä Feriä bin i sehr viil am läsä. Und do han i für eu än Büächtipp:

s Büäch heisst verrückt nach Emma. d Emma isch äs Meitli und wohnt mit ihrä sim Zwillings Brüäder, mit äm grossä Brüäder Klaus, mit dä Müätter, mit dä Gesa und mit dä Mona in erä WG wohnt. Gesa und ah dä Emma ihrä sii Müätter machäd zämä sä äs Gsundheits-Projekt. Drum gits immer gsundi Sachä zum Ässä und dä Emma passt das nöd ä so.
Ah dä Emma sis Mami wird uf zmol chrank und mag nümä ässä..... Usserdem redät ah dä Emma ihrä sii EX-besti Fründinn nümä mit ihrä. Denn hät sie mit ihräm Fründ Problem. Jo, denn verlüürt d Emma no d Klassäklassä woh sie hetti söllä ufpassä.
Hmmmm... ob das guät chuunt??

Läsäd s Büäch doch au. Gschriibä hätts Maja von Vogel und äs isch sviertä Büäch vo dä Emma.

Wer hätt das Büäch au scho gläsä??
Was für ä Notä würdäd ihr dem Büäch geh??

I würd d Notä: 5,5 geh.

Liäbi Grüäss
Angela

Montag, 28. Juli 2008 19:11:39 | geschrieben von Aschi

4 Kommentare

Kommentare ansehen
Das isch dDonna nd d Sophie im Hochziitskleid.

Mamma Mia der Film

Saliiii liäbi Mitglieder

Hütt sind mir mit dä ganzä Familiä dä Film Mamma Mia goh luägä.

Do ä chlini Zämäfassig:
dSophie isch 20 Johr alt. Sie will mit ihrä sim Fründ hürotä. d Muätter vo dä Sophie d Donna hilf bi dä Hochziitsvorbereitigä viil mit. Sie hätt äs Hotel uf erä fascht einsamä Inslä. Donna hätt 2 beschdi Fründinnä und diä sind uh... luschdig!!
dSophie hätt vor erä Ziit a dä Donna sis Tagäbüäch gfundä. Dötä stönd 3 Mannä dinnä woh sie früähner mol zämä gsi isch. d Sophie weiss immer nonig wer ihrä sin Vater isch.So ladät sie diä 3 Mannä zu ihrä Hochziit ih und will d Muätter überaschä. Ob das ächt güät chunt??

Dä Film chan i eu nur empfehlä!! Wenn ihr ABBA-Fan sind, müänd ihr in eifach goh luägä!! Sie singäd sehr viil Liäder, tänzäd däzuä und meh muän viiiiiiiil lachä!!

Dä Film hätt noch minerä Meinig kei Altersbeschränkig. Äs isch än güätä Familiä-Film!!

Wer hätt vo eu dä super Film scho gseh??

Liäbi Grüäss und ab is Kino!!
Aschi

Sonntag, 27. Juli 2008 18:56:45 | geschrieben von Aschi

3 Kommentare

Kommentare ansehen
Feriä am Schwarzsee

Feriä am Schwarzsee

Salüüü liäbi Mitglieder

3 Täg sind mir am Schwarzsee i dä Feriä gsi. Dä Schwarzsee heisst so, will er än Moor-Bodä hätt und so gseht dä See schwarz us.

Am erschdä Obig sind mir goh Minigölflä. Das isch mega cool gsi. Dä Papi isch 1. wordä, i 2., s Mami 3. und d Coco 4. .

Am anderä Tag hend mir ä Wanderig gmacht. Das isch au sehr schön gsi. Wohn mir öpä 2 Stund glofä sind, sind üs uh viil Geissä entgägä cho. Diä hend dä Kopf ah üsnä Bei gribä, d Pfotä uf d Bei gleit. Diä sind würkli mega herzig gsi!!!!

Noch dä Wanderig hend mir än feinä Cup gässä, mmmmhhhhhhhh.......!

Denn sind mir no goh Trottinet fahrä. Diä Trotti hend riesigi Räder. Naja, i bin denn scho ächli langsam dä Berg durab gfahrä, isch äbä no ziemli steil gsi.

Noch dä Trotti-Fahrt sind Coco und i no sehr muätig gsi und sind in Schwarzsee goh badä. Dä isch nur 17 Grad warm.

Am nögschdä Tag sind mir mit äm Auto an Murtäsee gangä. Dötä sind mir in ä See-Badi gangä. Dä See isch nur 21 Grad gsi, brrrrrrr.....!!!
Hihihihihi, dä Papi hätt jetzt än Sunnäbrand am Ruggä, will er voll ä dä Sunnä glägä isch.

Am Obig sind mir denn nomol goh Minigölflä. Hihihi, s Resultat säg i eu liäber nöd.....

Liäbi Grüäss
Angela

Samstag, 26. Juli 2008 20:58:46 | geschrieben von Aschi

3 Kommentare

Kommentare ansehen
Wenn mir am Morgä kei milch trunkä hettäd, hettäd mir di ganz Tour nöd gschafft! ;-) Milch gibt starke Knochen

Än Usflug mit äm Velo

Saliii liäbi Mitglieder

Hütt am Morgä hend mir denkt, mir wönd ä Velotour machä.

Mir sind also uf dVelo gstiegä und sind losgfahrä. Üsäs erschdä Ziil isch Istighofä gsi. Dötä sind mir denn än Weiher anäghockäd und hend öpis trunkä. sNögschdä Ziil isch Frauäfeld gsi. Dötä sind mir in MC Donald gangä. Mmmmhhhhh......, das isch fein gsi.
Mir hend denn no uf Wintertuhr wöllä. So sind mir dä Stich ufägfahrä, er heisst Liäbäsberg. Doch woh mir bim drittä steilä Stich acho sind, hend mir ufgeh.
So sind mir alläs wieder abägfahrä uf Isliken. Dötä isch kein Zug gfahrä. Also hend mir no mössä uf Frauäfeld fahrä. Aber denn hätts no ä feins Twix geh. Wers nöd weiss: Twix isch feini, feini Schoggi.
Wohn mir zFrauäfeld acho sind, sind mir mit äm Zug wieder Hei gfahrä.

Mir sind 48 Kilometer gfahrä.

sWätter isch nöd ä sooooo guät gsi, das isch aber sehr agnehm gsi. Äs isch eifach ächli bewölkt gsi und nöd ä so warm. Üs isch äs aber grad rächt gsi, nöd zheiss!
Wohn mir dä Hei gsi sind hätts agfangä rägnä, hihihi!

Hend ihr i dä Summerferiä au scho ä Velotour gmacht??

Wiä isch äs gsi??

Liäbi Grüäss
Angela

Sonntag, 20. Juli 2008 16:26:24 | geschrieben von Aschi

2 Kommentare

Kommentare ansehen
Uf äm Buurrähof isch äs suuuuuuuuuuuuuuper läss!!!!

Feriä uf äm Buurähof

Heiiiii Zämä

Coco und i sind äs paar Täg uf äm Buurähof bi dä Grosselterä gsi. Äs isch uh.... läss gsi!! Äs paar Täg sind au no dä Cousä und dCousinä do gsi. Mit denä hends mir au sehr luschdig gha!

Ah eim Tag hend mir mit Wasserfarbä Bilder gmoläd. Wiä diä gönd erklär i eu:
Zerscht nimmt meh am beschdä ä schwarzäs Blatt. Denn molt meh ä Vasä uf das Blatt. Mit äm Pinsel molt meh denn Blumä und wiä meh diä Blumä macht isch sehr speziäll. Wenn meh dä Pinsel doch so aaluägät gseht doch das us, wiä ä Blüätä vonerä Bluämä. So legt meh dä Pinsel ufs Blatt und goht so rundumä. Machäd so ganz viil Blumä und i chan eu sägäm, äs gseht suuuuuper us!
Das isch no schwierig zum erklärä, wenn ihr denn no Frogä hend chönd ihr mi frogä!

Ah eim Tag sind mir immer bi dä Kälber gsi. Wenn dä Fraz so do glägä isch, sind mir zu ihm is Stroh glägä und hend mit ihm ächli "gschmüsäläd". =) Denn hät er ä ganz ä wuscheligs Fäll, mega herzig!!

Am änänä anderä Tag hend mir alli üsi Händ uf äs farbigs Blatt zeichnät und hends denn usgschnittä. Nocher mit Wasserfarbä verziert. Mis Mami hät denn diä Händ laminiert und an änä farbigä Stäckä kläbät. Denn hät si ä Pflänzä kauft und mir hend denn diä Händ am Stäckä ihnägsteckt. Dä Topf isch us Mosaik. Das ganzä hend mir denn a mim Gotti gschenkt uf dä Geburi.

Wieder amänä anderä Tag sind mir zu dä Küäh gangä woh bald äs Kalb überchömäd. Bi denä hätts so cooli Stangä und bi denä hend mir denn umäturnät. Isch au uh... läss gsi!!

Eimol han i mit Farbstift Küäh gmoläd woh mir fescht am härzä liegäd. Diä Küäh han i uf äs Blatt kläbät und äs gseht nöd schlecht us.

Natürli hend mir au uf äm Buurähof ächli gholfä. Eimol sind mir zum Biibil goh hälfä melchä. Das isch suuuuper läss. Denn hend mir au dKüäh gfüättäräd, i dä Kuchi abtröchnät und sooooo wiiter.

Mir hend no meh uf äm Buurähof erläbt, aber wenn i das alläs würdi ufschriibä, het i morn Finger-Muskelkater!=)

Liäbi Grüäss
Angela

Donnerstag, 17. Juli 2008 19:40:30 | geschrieben von Aschi

äs Auto! :-)

Tipps fürs "Autositzä" :-)

Hoiiii Zämä

Hüt sind mir ächli i dBergä goh Autofahrä. Hilfeeee, dötä hätts sooooo viil Kurvä gha und mir isch äs super schlecht wordä.

Do han i än Tipp für eu:
Sitzäd möglichscht wiit vornä. Denn konsentrieräd eu voll uf dStross. Stelläd eu alli Kurvä grad vor! Hihihi, äs goht, hans selber probiert!
Suscht würd i eifach schlofä.

Hend ihr das au, dass äs eu immer im Auto so schlecht wird??

Das isch sehr, sehr müäsam. Drum fahr i au nöd gern Auto. Aber s komischä isch das mir bi Achterbahnä nöd schlecht wird. Dötä gits jo no viiiiiiil meh Kurvä?!?!?

Also, hoffendli han i eu chönä hälfä und i wär au froh wenn ihr mir no äs paar Tipps hättäd! DANKE!!!

Liäbi Grüäss
Angela

Dienstag, 15. Juli 2008 19:04:18 | geschrieben von Aschi

3 Kommentare

Kommentare ansehen
Piranda und i!:-)

Piranda, Piranda!?!?!?

Hoiiii liäbi Mitglieder

Wiän i eu scho gseit han, dPiranda sötti bald, bald ä Kalb übercho.
Mir hend gmerkt (am Suuntig) das dPiranda sehr unruig isch und das sie immer stämpfälä duät. Das heisst, sie chuunt bald das Kalb über. Mir hend gwartäd und gwartäd. Coco und i hend bi dä Grosselterä dörfä schlofä. I dä Nacht sind mir goh luägä, immer wieder. Doch dPirando hät eifach nöd kälbläd. Jo, jetzt isch das Kalb immer nonöd uf dä Wält und mir mönd immer no wartä.

Wartä, wärtä....... das find i voll doof!!

Wiä findäd ihr wartä??

Hend ihr Tipps gägä swartä??

Suuuuper, mega, liäbi Grüäss
Aschi

Dienstag, 15. Juli 2008 13:05:43 | geschrieben von Aschi

2 Kommentare

Kommentare ansehen
Das isch dPiranda und i!:-)

Piranda diä neu Küäh

Heiiii liäbi Mitglieder

Hütt sind mir bi dä Grosselterä gsi. Sie hend zwei neui Küäh kauft. Eini isch ä roti und sie heisst Rubis. Will mir dä Namä nöd so gfallt säg i ihrä eifach Rubi. Di zweit heisst Piranda. Diä hend mir selber chönä taufä. Sie isch wiis-schwarz und no ziemli schüch. Mir wönd si aber zähmä!
In äs paar Täg chuunt si äs jungs Kalb über. Do freuäd mir üs scho sehr druf. Mol luägä, wiä mir das Kalb taufäd?

Wenn dPiranda sKalb überchoo hät, schriib i gaaaaaanz sicher sofort än Blog!

Uf äm Fötäli gsehnd ihr dPiranda.
Wiä findäd ihr si?

Liäbi Grüäss
Angela

Samstag, 12. Juli 2008 20:22:42 | geschrieben von Aschi

Das isch äs Bild wo dä Magnus und dä Patrick, d Kälber goh bsüächä cho sind!

News vom Kalb Pirando

Saliii liäbi Mitglieder

Viili hend üs scho gfrogäd wiäs dä Kälber Magnus, Patrick und Pirando goht. Wiäs am Magnus und am Patrick goht wüssäd mir leider nöd. Dä für hend mir positivi Nochrichtä vom Pirando.

Mir sind ihn goh bsuächä und äs goht ihm sehr guät. Er isch uf ärä Wiisä mit viilä anderä Kälber. Mengmol fahrt dä Zug duurä und denn bewachäd än Hund dä ganzi Hof. Er isch ächli gwachsä und er isch voll süäss!!

Leider hend mir dä Foti nöd däbi gha, drum hend mir jetzt au kei neus Foti!

Also, liäbi Grüäss
Angela

Freitag, 11. Juli 2008 19:13:50 | geschrieben von Aschi

1 Kommentar

Kommentare ansehen
d Yara und i! :-) Mir sind Zwilling!!!!!

Zuäfall

Saliii liäbi Mitglieder

Äs git doch uh viil Zuäfäll und diä find i mega cool!!

Einä vo mir isch, dass mini Kollegin Yara (5 Johr alt) und i sgliichä Röckli hend. Das findäd mir uh luschtig, will si so äs chliisäs hät und i so äs grossäs Kleid. Jetzt hend mir zämä Fötäli gmacht, hend s Kleid ahgleit und di gliichi Frisur gmacht. So, denn sind mir Zwilling gsi!

Hend ihr das Kleid grad zuäfälligerwiis au??

Hend ihr au Zuäfäll, verzelläd doch?!

Wiä findäd ihr Zuäfäll??

Würd mi uh freuä uf äs paar Kommentär!!

Herzlichi Grüäss
Aschi

Dienstag, 08. Juli 2008 11:20:03 | geschrieben von Aschi

3 Kommentare

Kommentare ansehen
Jöööö, dä Snoopy isch doch voll süäss!?!?!?!?

Aschis Nacht! :-)

Heiiii Zämä

Diä Nacht isch nöd ä sooooo cool gsi. Warum verzell i eu:

Am halbi 12i bin i is Bett gangä.
Öpä am halbi 7i bin i ufgwachäd und han gmerkt das i Nasäblüätä han. Natürli bin i denn is Badzimmer gangä und han mi gwäschä. Wohn i mi im Soiegäl aagluägäd han, han i gmerk das eis Aug nöd so gross isch wiäs anderä. Also han i mis rechdä Aug am Nachttischeckä agschlagä.
Am Morgä bin i denn goh duschä und dötä han i grad nomol Nasäblüätä übercho.

Jep, so isch das gsi und jetzt chan i über das lächä!!!!

Hend ihr au mol so ä Nacht gha??

Würd mi mega freuä uf äs paar Kommentär!!

Liäbi Grüäss und än schönä Tag
Angela

Sonntag, 06. Juli 2008 11:28:00 | geschrieben von Aschi

1 Kommentar

Kommentare ansehen
drrrrrr.....drrrrrrrrr..... Aschi sTelefon lüütäd, aber bitte telefonier nöd z lang!;-)

Telefon-Rekord

Heiiiii Zämä

Jupiiiii, sit letschtä Sunntig han i än neuä Telefon-Rekord. I han mit minerä Briäffründin 1 Stund und 3 Minutä telefoniert. Vorher isch min Rekord 53 Minutä gsi. Denn nomol vorher 43 Minutä, denn 30 Minutä, 27 Minutä, 15 Minutä usw....

Mini Briäffründin und i sind jetzt mega stolz uf üs, mir sind eifach gaaaaaaanz bachäni Plaudertäschä!

Hend ihr au än Telefonrekord?
Sind ihr au so Plaudertäschänä?

Freu mi uf eui Kommentär!!!!!

Gaaaanz schöni Feriä, gnüssäds!
Aschi

Samstag, 05. Juli 2008 13:29:04 | geschrieben von Aschi

3 Kommentare

Kommentare ansehen
Sind so glücklich wiän än Delfin im Meer!!

Schöni Feriä!!!!!

Heeey Zämä

I wünsch eu allnä mega, sunnigi, luschdigi, schöni Summer-Feriä!! Egal ob ihr dä Hei sind oder wäg gönd. Hend viil Spass und glücklichi Moment. Das ihr viil Ziit mit dä Familiä und Fründä verbringäd. Cooli Pirando-Stundä!!

Das wünscht eu
dAschi

Donnerstag, 03. Juli 2008 16:57:55 | geschrieben von Aschi

5 Kommentare

Kommentare ansehen

Autowäschä

Heiii liäbi Mitglieder

Geschdder sind mir mit dä Jubla goh Autowäschä. Das isch mega cool.

Das goht ä so:

Mir hend ä Garage gha und dötä hend dAutos chönä inä fahrä. Denn hätt öpert das Auto abgsprützt und mir Chind hend das nochher mit Schwamm und Seifä das Auto gwäschä. Nochher sAuto nomol abgsprützt und denn mit Lümpä tröchnät. So sind alli Autos mega suuber gsi.
Natürli hend mir au no Wasserschlacht gmacht. Das isch au mega cool gsi. Vorallem wenn mir dLeiter hend chönä nass machä!

Hend ihr au scho Auto gwäschä??
Wiä hend ihrs gfundä??

Liäbi Grüäss
Angela

Sonntag, 29. Juni 2008 12:48:41 | geschrieben von Aschi

4 Kommentare

Kommentare ansehen
Suuuuuu...uper cooli Schuäl-Reis!!!!!!!!!!!!!

Schuäl-Reis!!!

Heiii Zämä

Geschder isch äs ä sooooo cool gsi.

-zerscht sind meh lang Zug gfahrä.

-denn sind mir mit dä Säsälibahn vo Savognin uf Tiginas gfahrä.

-nochher in Seilpark. Dä isch eifach suuuuper. Mir hend viil zitteräd, glachäd, gschrauä. Das isch ä richtigs Abenteuer gsi. I han mi richtig mössä überwindä und am Schluss bin i mega Stolz uf mi gsi! Dä Park würd i ab 11 Johr empfehlä. Aber gönd doch eifach mol selber!!

- denn sind mir 1Stund und 20Minutä uf Savognin glofä.

-nochher sind mir in ä super cooli Badi gangä. Äs hätt ä Wassertramp gha, zwei Pedalos und wenig Lüüt!

-genau, mir sind wieder Hei gfahrä und im Zug hend mirs mega luschdig gha......

Gönd doch au mol uf Savognin!!!!!!!!

Liäbi Grüäss
Aschi

Donnerstag, 26. Juni 2008 12:48:38 | geschrieben von Aschi

2 Kommentare

Kommentare ansehen
Das isch dMona und i

Schuäl-Reis!:-)

Salüüüüü Zämä

Jupiiiiii, morn gang i uf d Schuäl-Reis! Ganz genau uf Savognin! Denn gönd mir in Kletterpark und nochher goh badä. I freu mi uh...... mega!! Mir mönd ziemli lang Zugfahrä, darum mönd mir scho am zwanzg ab sechsi am Bahnhof si. Am halbi nüni sind mir denn wieder dä Hei.

Natürli schriib i eu no än Blog wiäs gsi isch!

Liäbi Grüäss
Aschi

P.S

Sind ihr au scho im Kletterpark gsi?? Wiä isch äs gsi??

Dienstag, 24. Juni 2008 19:36:52 | geschrieben von Aschi

3 Kommentare

Kommentare ansehen
Tipps vo dä Aschi!:-)

Summer-Tipps vo dä Aschi

Heiii Zämä

Do han i für eu ä paar Tipps für dä Summer:

-Trinkä, trinkä
im Summer isch äs sehr wichtig das meh viil trinkt. Wenn meh das nöd macht chuunt meh Chopf und Buuchweh über. I würd eu Wasser, Mineral oder Tee vorschloh.

-Körperpfläg
Am Morgä würd i sGsicht mit Sunnäcréme istrichä und am Mittag au. Am Nochmittag dä ganzi Körper. Am Obig schnell goh duschä (muäs jo nöd mit Hoor si) und nochher mit Fürdigkeitscréme icrémä. Wenn meh das nöd macht, chuunt meh ganz trockni Huut über.

-Schlofä
Am Nochmittag würd i dRolllädä vo euäm Zimmer abäloh und sFenschder ächli ufmachä. So isch sZimmer am Obig ziemli küähl. I würd ä "luftigi" Decki neh und ächli Muggäsprei icrémä. Denn noh ä kürzäs Pyjama.

-Tiär
Viilicht hend ihr jo äs Huustier, än Has, äs Meersäuli oder ä so. I würdi diä Tiär am Nochmittag usäloh. Denn mit ämänä Sunnäschirm Schattä geh. Suscht chöndäd diä Tiär än Hitzäschlag übercho.

-Duschä
Im Summer würd i ziemli viil duschä. Meh muäss jo nöd immmer mit Schampoo. Wenn i äbä duschäd bin, fühl i mi frisch und wieder fit.

-Sport
Velo fahrä, joggä macht jetzt i dem Wetter viil Spass. Gönd doch änänä See oder in ä Badi, Dötäd chönd ihr eu denn au no abküählä.

Hend ihr au no Tipps für dä Summer? Bitte schriibäd si doch in än Kommentar!MERCI!

Liäbi Grüäss
Angela

Montag, 23. Juni 2008 16:50:15 | geschrieben von Aschi

4 Kommentare

Kommentare ansehen
Abschlüss sind mega luschdig aber au ächli truurig!!!!!

Än coolä Abschluss

Saliii Zämä

In Moment bin i megaaa muäd. I han nur 5 Stund gschlofä, mir hend nämli mit dä 6. Klässer än Abschluss gfieräd.

2 Koleginnä und i hend üs voll Portugal azochä und hend üs gschminkt.
I dä Schuäl sind denn mir in äs FC Hüsli gangä und hend dä Match glüägäd. Äs isch suuuuuper gsi, obwohl Portugal verlorä hend!
Am halbi 11 sind mir wieder i dSchuäl gangä. dJungs hend än Dino-Film gluägäd. Mir Mädels sind denn i dGarerobä gabgä und hend gläsä. Nochher isch mol dä Lehrer cho und hätt mit üs ächli gredäd.
Mini Kolegin hätt denn gseit, sie hegi än liäbäs-Film däbi und ob mir dä dörfäd lüägä.
Mir hend denn dä Film gluägäd.
Am halbi 2 isch denn Nachtruäh gsi aber mir hend no lang gredäd.
I dä Nacht hend ä Kolegin und i eini agmoldäd mit Lippästift! Das isch meeeegaaaa luschdig gsi!!

Hend ihr au scho än Abschluss gfieräd??
Wiä isch das gsi??

Liäbi Grüäss
Aschi

Freitag, 20. Juni 2008 11:39:31 | geschrieben von Aschi

2 Kommentare

Kommentare ansehen
Das sind Chatzä! Jööööööööööööööööö!!

Vogelretter :-)

Salutiiii Zämä

Hütt sind Coco und i bi dä Grosselterä gsi. Mir hend sehr viil erläbt und sogar äs Läbä grettäd. Das will i eu jetzt verzellä:

Coco und i sind dussä gsi und do gsehnd mir dLina, dChatz vo dä Grosselterä. Si hätt än Vogel im Muul gha und er hätt no gläbt. Er hätt än schönä orangä Schwanz gha. Dä Vogel hätt üs ä so Leid duä, denn han i dLina gnoh und si wäggschupft. Dä Vogel isch wäggflogä. So hend mir ä Läbä grettäd.

Naja, äs isch jo normal das Chatzä Vögel jagäd, aber üs hätt üs dä sooooo Leid duä!!

Hend ihr au scho äs Läbä grettäd??

Liäbi Grüäss
Angela

Sonntag, 15. Juni 2008 18:36:55 | geschrieben von Aschi

2 Kommentare

Kommentare ansehen

ä alti Gschicht us äm Chindergartä

Saliii Zämä

Gern will i eu ä alti Gschicht us äm Chindergartä verzellä. Diä isch wohr und i därä Gschicht hätts 3 Personä: di 1, isch au ä Angela, di 2. mini Chindergärtnerin und di 3. bin i.

Jeden Montagmorgen darf man ein Spielzeug mirnehmen und es den anderen zeigen. Ich hatte mein "Babi" dabei und zeigte es voller Stolz den anderen Kindern. Danach war Pause und allle Kinder rannten hinaus. Als die Pause zu Ende war, war mein Babi weg. Ich ging zur Kindergärtnerin und erzählte es ihr. Si tröstete mich und sagte, es wird schon wieder auftauchen. Da kam die Angela zu mir und sagte: "Ich kann zauber, ich zaubere dir dein Babi morgen wieder zurück!" Ich erwiederte: "Nei, ich will es aber jetzt!!" Angela sagte: "Nein, ich muss meine Zauberkräfte aufladen."
Am anderen Tag fragte ich Angela:" Wo ist mein Babi?" Sie sagte:"Dreh dich um. Dann zaubere ich es dir hierher." Also drehte ich mich um.....

Was jetzt passiert isch wüssäd ihr sicher! Hend ihr au so Chindergartägschicht?? Würd mi mega freuä!!!

Liäbi Grüäss
Angela

Samstag, 14. Juni 2008 12:26:39 | geschrieben von Aschi

Das bin i uf mim gliäbtä Eirad!!!!!

Luscht uf Eirad fahrä??

Salüüü Zämä

Wiän i weiss chönd vieli vo eu Pirando-Mitglieder Eirad fahrä! Das isch ä tolli Sach. Jetzt will i eu au no gluschdig machä ufs Eirad fahrä!

Was i super find, wenn meh zerscht binerä Ludothek frogä duät, ob si äs Eirad hegäd. Denn chan meh das usprobierä. Wenn meh denn überzügt isch chan meh eis chaufä! (Das han i au ä so gmacht.)

Tipps bim lernä:
luägäd immer gradus (git scho Usnahmä), än Helm isch uh wichtig, hebäd Geduld, mit Fründä üäbä macht mega Spass, sGlichgwicht isch wichtig und viiiiil Spass dra ha!!

Hend ihr no Tipps für Eiradafänger??

Heee, äs lohnt sich mega, äs isch soooo cool!!

Viil Spass wünscht eu
dAschi

Donnerstag, 12. Juni 2008 18:04:44 | geschrieben von Aschi

8 Kommentare

Kommentare ansehen
Spiiläd ihr äs Instrument??

Musikalischä Blog

Heii Zämä

Vo eu spiiläd sicher maga viil äs Instrument. Äs wär mega luschdig wenn jedä vo eu, in Audiokommentar äs Stückli würd spiilä!!

Wüssäd ihr nöd wiä meh än Audiokommentar macht? I erklährs eu:
klickäd uf dä roti Punkt. Denn goht äs Feld uf und nochher muänd ihr 1 mol uf sMik klickä. Denn schliessen. Nochher wieder uf dä Punkt, sooo jetzt gohts scho los...
Was no wichtig isch, ihr söttäd ä Mik aschlüssä....

Würd mi ächt mega freuä uf ä paar Audiokommentär!!

Liäbi Grüäss
Angela

Dienstag, 10. Juni 2008 15:57:41 | geschrieben von Aschi

3 Kommentare

Kommentare ansehen
FAIRPLAY!!!!!!

Fairplay, 4. Blog

Heiii liäbi Mitglieder

Geschder isch jo sSpiil Schwiit-Tschechiä glofä. Das mir mit dä Leischdig mit dä Schwiizer näd ganz zfriedä sind isch jo klar...

Aber jetzt will i vo eu wüssä: Hend ihr das Spiil fair gfundä??

Hmmmm... mi hätt das gstört: woh dä Frei jo mit eim "zämätüscht" isch, hätt dä ander Spiiler voll glachäd. Da isch doch voll unfair!!!! Hätt ihm nöd ämol gfrogäd "gohts, hey chum i helf dir". Das isch unfair gsi.

Liäbi Grüäss und ä dicks, dicks FAIRPLAY
Angela

Sonntag, 08. Juni 2008 11:59:39 | geschrieben von Aschi

2 Kommentare

Kommentare ansehen
Schöni Euro und FAIRPLAY!!!

Fairplay, 3. Blog

Saluti liäbi Mitglieder

Hütt Obig isch äs endli so wiit! dSchwiiz spiilt gägä Tschächiä und dEuro fangt ah. I wünsch mir, dass dEuro fairi Spiil hätt. Das alli Nationä mitänänd Rücksichtvoll umgöhnd und dass alli Spiiler dMeinig vom Schiedsrichter akteptieräd! I wünsch mir das äs wenigi Foul git und dass dZuäschauer Gägner nöd uspfippäd!! Dass dSpiiler kei Doping nähmäd und kei Schwalbä machäd!
Jo, äs git no viil Sachä, wohn i mir wünsch für dEuro.

Was wünschäd ihr eu für dEuro??

Bitte schriibäd doch än Kommentar, mi interessiert, was für eu wichtig isch! MERCI!

Liäbi Grüäss und i wünsch eu ä fairi Euro 08 und viil Spass hütt Obig, bim heissä Match: Schwiiz-Tschechiä!
Angela

HOPP SCHWIIZ, gäbäd alläs und denkäd dra: FAIRPLAY!!!!!!!

Samstag, 07. Juni 2008 09:12:22 | geschrieben von Aschi

1 Kommentar

Kommentare ansehen
Sind fair zuänand!! FAIRPLAY!!!

Fairplay 2. Blog

Salüüü Zämä

Jo, wenn ihrs nonöd wüssäd, mir hend i dä Klass, sTehma Fairplay. Das Tehma wird au viil im Radio agsprochä.

Jetzt hend mir i 4 Gruppä dä Klass öppis fairs vorspielä. I bin mit 3 Mädels zämä gsi und üsäs Vorspiel isch ä so gangä:
Trainer: Heey Jungs chömäd mol do ahnä! I han mir do öpis überleit. Ihr chöndäd bim nögschdä Spiil ächli Doping bruuchä.
Spiiler: Nei gohts no, das isch nöd fair. Ohni üs do machäd mir nöd mit.

sFaire a dem Vorspiil isch gsi, dass dSpiiler sDoping abglehnt hend.

Im Turnä hend mir üs immer mösä äs fairs Spiil wünschä und noch äm Spiil über Sachä redä, woh jetzt nöd fair gsi sind. Mir hend üs au mössä entschuldigä wenn än Ball än Chopf ahnätäscht isch.

Findäd ihr das Tehma guät??

Liäbi Grüäss
Angela

Donnerstag, 05. Juni 2008 17:54:15 | geschrieben von Aschi

1 Kommentar

Kommentare ansehen
Hütt isch äs nass bim Altpapier sammlä gsi!!!!!

Altpapier sammlä

Saluti Zämä

Jetzt bin i grad vom Altpapier sammlä zrugcho. Äs mega nass und grüsig gsi. Zwei mol han i mini Jackä und Jeans mössä wechslä. Das isch nöd grad luschdig gsi.

Aber Altpapier sammlä wenns schön isch, isch äs no glatt!!

Wüssäd ihr nöd was Altpapier sammlä isch? I erklährs eu:
A dä Schuäl obä hätts än riesigä Konteiner. Chind nämäd Leitterwägä und gönd im änä Quatier goh Ziitigsbündel sammlä. Für das chömäd mir (dSchuäl) Geld über und bruuchäd das fürs Skilager, Schuälreisä und so Sachä.

Dönd ihr vo dä Schuäl us au Altpapier sammlä??

Findäd ihr das luschdig??

Bi üs machäd das 3., 4., 5. und d6.Klässler.

Liäbi Grüäss
Aschi

Mittwoch, 04. Juni 2008 10:59:41 | geschrieben von Aschi

1 Kommentar

Kommentare ansehen

Huusufgobä!!

Heiii Zämä

Das mit dä Huusufgobä isch doch so ä Sach. Immer wenns schöns Wetter isch git dä Lehrer viil Husi und wenns grüsig isch eher weniger. Naja, dHuusufgobä han i natürli nöd ä so gern aber i machs denn jo gliich!

Hend ihr gern Husi??
Wiä und wo machäd ihr Husi??

I machs immer (jetzt im Summer) uf äm Balkon und denn no i dä Badhosä! Das isch uhhh luschdig!! Meh hätt den so ä Feriägfühl!

Wünschä eu nöd zviil Husi!
Liäbi Grüäss
Angela

Dienstag, 03. Juni 2008 19:00:02 | geschrieben von Aschi

3 Kommentare

Kommentare ansehen

Fair-Play das Tehma

Heiii Zämä

Ihr hends sicher au scho im Radio ghört. Fair-Play, Faires Spiel. Mir hend jetzt i dä Schuäl das Tehma und mir besprechäd das i dä Schuäl was den eigendli fair bim spielä isch. Dass find i no ä guäti Sach!! Leider isch dä hüttig Versuch mit fair si, scho nöd gangä. Uf dä Mattä i dä Pausä hätt einä dä Arm brochä. Will einä uf dä ander los isch.....

Findäd ihr das Tehma guät??
Was isch denn für eu äs fairs Spiel??

Luägäd doch au mol uf dä Pirando-Startsiitä. Dötä chönd ihr au än Kommentar abgeh. Sie wäräd sich no froh um äs paar Kommentär!!

Liäbi Grüäss
Angela

Montag, 02. Juni 2008 12:48:21 | geschrieben von Aschi

1 Kommentar

Kommentare ansehen

Hit-Paradä

Heiii Zämä

In Moment los i grad Hit-Paradä uf DRS 3. Da find i mega läss, immer cooli Music und ä guäti Unterhaltig. Losäd ihr au dHit-Paradä??

Wenn du das nöd kennsch erklähr i sdir:
dHit-Paradä chunt jedä Sunntignomittag uf DRS 3. Öbä vom halbi 2 bis am 5i. Denn chömäd Liäder, diä sind denn ziemli modern. Jo und denn chömäd Liäder dä Reihä nor. Zerscht chömäd immer diä Liäder wo dLüüt am wenigschdä chauft hend. Und am Schuluss gits Nummer 1.
Losäd doch au mol dri!! Isch mega luschdig!!

Liäbi Grüäss
Aschi oder Angela

Sonntag, 01. Juni 2008 13:58:48 | geschrieben von Aschi

5 Kommentare

Kommentare ansehen

Dä Match isch sooo cool gsi!

Heiii Zämä

Yeah, geschder am Match Schwiiz-Liächdästei isch sooo cool gsi! dStimmig isch uh lässig gsi und au noch äm Match isch alläs ruhig gangä. Wenns ä Goal geh hätt, hend alli dSchwiizer-Fahnä gschwungä, dass hätt sooo schön usgseh! Denn hend mir immer gjubläd und gsungä.
Üsän Platz isch HAMMER gsi! I dä 13.Reihä und grad vor äm Goal. Zerscht isch sLiächdästeiner-Goal vor üs gsi. Denn hend mir 2 Goal gseh. Nochher hend mir grad dä Benalgio vor üs gha. Da isch än meeeegaaa guätä Goali!!
Äs isch ä mega Erlebnis gsi, dSchwiizer-Nati LIVE gseh! Schaad isch gsi dass dä Barnetta nöd gschpielt hätt! Dä isch nämli min liäblings Spielär.

Jetzt han i no ä paar Frogä ah eu:

Hend ihr dä Match au LIVE oder am Fernseh gluägäd??

Wer isch euän liäblings Spielär??

Sind ihr jetzt au scho mega im Fuässball-Fiäber??

Hätt öpert vo eu nöd gern Fuässball?? Wiso nöd??

Jo, dass han i no vergässä. Mir hend so Tatos vo dä Landi a dBackä anäkläbät. Diä sind suuuuper!! Nur zum empfehlä. Si verschmieräd nöd (so wiä Schminki).

Liäbi Grüäss und i wünschä eu ä mega schöni EM!!
Euäs Pirando-Mitglied
Aschi

Samstag, 31. Mai 2008 09:57:08 | geschrieben von Aschi

2 Kommentare

Kommentare ansehen
I bin voll im Fuässball-Fiäber!!

JUPIIII, AB AN MATCH

Heii Zämä

Hütt gönd mir Schwiiz-Liächdästei goh luägä! I freu mi sooooo fescht!! Nochher ziähn i alläs Schwiizersachä ah, dass meg gseht, dass i ä Schwiizerin bin! Also, das isch min erschdä Match wohn i gang goh luägä.

Sind ihr au scho amänä Match gsi??

Wiä isch äs gsi??

Uf jedä Fall schriib i eu wiäs a dem Match gangä isch!

HOPP SCHWIIZ, HOPP SCHWIIZ!!!!!!!

Heummmfgul!!
Euäs Pirandomitglied
Aschi

P.S
Chönd ihr dSchwiiterhymä?? Also i chan si.

Freitag, 30. Mai 2008 16:41:46 | geschrieben von Aschi

2 Kommentare

Kommentare ansehen
Dä Hund, isch meeegaaa cool!!

Was isch eigendli COOL si??

Heiiii liäbi Mitglieder

Hend ihr eu au scho gfrogt was denn eigendli COOL isch?? Cool heisst jo küähl oder kalt. Mir Chind benutzäd das als lässig, super oder mega....
Mengmol sägäd mir jo au, heey dä/diä isch cool. Aber was isch denn würkli für eu cool bi änerä Person?? Bi mir isch das so: wenn diä Person nett und Humor hätt find i das cool. Wenns si dir zuälosä cha und di ufmunterä chan. dChleider spiiläd bi mir do nöd soooo ä Rollä. Jo und wenns si Vertrauä hätt und eifach än lockerä Typ isch.

Und, wiä isch das bi eu??

Findäd ihr das cooli Chleider ä Rollä spiiläd??

Also, i han au gern schöni Chleider, dass isch jo klar aber sHerz find i viiiiil wichtiger!!

Liäbi Grüäss
Angela

Donnerstag, 29. Mai 2008 18:52:31 | geschrieben von Aschi

1 Kommentar

Kommentare ansehen
än Buckälwal. dä hätts schö, dä chan nöd stürzä!:-)

Autsch, gstürzt!:-(

Heiiii liäbi Mitglieder

Hütt wohn i vom Klavier hei cho bin, bin i mit äm Scoter heigfahrä. Denn bin i über än Randstei gfahrä und denn gstürtz. Zum Glück bin i nöd i dStross ihnäkeit! Aber gliich: ihan sKnüü ufgschlagä und mini Lippä hätt än Riss. Mis Knüü brennt mega und dLippä duät mir weh! Jetzt duän i mit Salbi ischmierä und chüählä.

Hend ihr no Tipps für mi??
Hend ihr au scho än Sturtz gha??

Hoffendli stürzäd ihr niä!!!!

HEL und liäbi Grüäss vo euäm Pirando-Mitglied
Aschi oder Angela

Dienstag, 27. Mai 2008 18:11:12 | geschrieben von Aschi

3 Kommentare

Kommentare ansehen
i üsäm schwimmbad, machäds coco und i richtig bequem!!

Summer

Heeeey Zämä

Also i han jetzt si äs richtigs Summer Gfühl. I gschpühr richtig i mir ihnä das äs jetzt Summer wird. I schwitz so richtig und ah n di richtigä Summerkleider ah!

SUMMER UND NOMOL SUMMER!!

I freu mi sooo fescht uf dä Summer!! Ihr au?? Was isch sbeschdfä am Summer??

sBeschdä bi mir isch: meh chan sich so richtig cool ahziäh, sunnälä, länger dussä si......

Wünsch eu allnä än mega coolä Summer!!
Eui Aschi oder Angela

Montag, 26. Mai 2008 18:45:22 | geschrieben von Aschi

3 Kommentare

Kommentare ansehen

Prüäfig vorbereitä

Heiiii liäbi Mitglieder

I dä Schuäl hend mir jo alli Prüäfigä. Dä Hei chönd mir denn üs vorbereitä. Das find i no ziemli wichtig.

Wiä dönd ihr eu vorbereitä??
Hend ihr Tipps??

Do hend ihr ä paar Tipps vo mir:
- frogäd doch Fründä ob ihr zämä lernä dönd
-ob dElterä eu z.B. abfrogäd.

Morn han i ä Franz- Prüäfig. I han öbä 5 mol 15 Minutä güäbt.

Hend ihr au nöd so gern Prüäfigä??

Wenn i ä Prüäfig zrugüberchum bin i meischdens ächli ufgregt. Ihr au??

Liäbi Grüäss
Angela

Sonntag, 25. Mai 2008 19:00:33 | geschrieben von Aschi

1 Kommentar

Kommentare ansehen
Ha, i bi grösser!;-)

Jupiiii, mis Mami isch chliner!!

Heiiiii Zämä

Geschder hends Mami und i üsi Grössi gmässä. Si isch 1.57 Meter und i 5 Milimeter grösser! Das isch mega luschdig. sMami isch zerscht ächli verschrockä.

I han aber scho lang längeri Bei als Mami. Und wohrschinli han i eifach meeeega langi Bei und drum bin i grösser als sMami.

Wer isch au grösser als sMami??

Wer isch sogar grösser als dä Dady??

Wa isch das für äs Gfühl??

I find das mega läss, wenn meh grösser als sMami isch!!

Liäbi Grüäss
Angela

Dienstag, 20. Mai 2008 12:41:00 | geschrieben von Aschi

6 Kommentare

Kommentare ansehen

Eirad fahrä und prellä

Salüüüü Zämä

Hütt han i öppis usprobiert. I bin ufs Eirad gsässä und han mit äm Basketball prelläd. Das isch no ziemli schwierig, meh muäss sich mega konsentrierä. Aber äs isch voll läss!!

Chönd ihr au Eirad fahrä und no öppis däzuä??
Chönd ihr suscht zwei Sachä zämä??

Also i chan telefonierä und plauderböxle, das isch au cool! Denn chan i no Staubsuugä und denkä!

Liäbi Grüäss vo euäm Pirando-Mitglied
Angela

Sonntag, 18. Mai 2008 18:45:57 | geschrieben von Aschi

2 Kommentare

Kommentare ansehen
jetzt chan i wieder goh Eirad fahrä ;-)

Endlich gschafft!!

Heeeeey Zämä

sHalbä Wuuchäend han i für ä Beschriebig vo ämänä Meeräsdinosaurier gschaffäd. Jetzt bin i endli fertig, do bin i echt froh!! I will eu für dKommentär und dInternetsiitä bedankä! Diä hend mir voll gholfä.

Hend ihr au mol so öpis für dSchuäl mösä machä??

Hend ihr au so lang bruucht??

Also i han ziemli lang bruucht. Und wers no intressiert: min Dino heisst Plesiosaurus und hätt im Meer gläbt. Er isch 3 Meter gross wordä und 90 Kilo schwer. Denn hätt er im Jura (nöd im Kanton Jura!! Das isch än "Fachusdruck" für ä Ziitepochä) gläbt. Aber er isch natürlich wiä alli anderä Dinosaurier usgstorbä. Und do bin i froh drüber!

Liäbi Grüäss
Angela

Sonntag, 18. Mai 2008 15:33:25 | geschrieben von Aschi

2 Kommentare

Kommentare ansehen

Plesiosaurus = Flossenechse

Salüüüü Zämä

I dä Schuäl hend mir sTehma Dinosaurier. Jetzt muäss jedäs Chind än Saurier "vorstellä". Das heisst: äs Blatt schriibä, egal uf äm PC oder vo Hand und denn ganz viil Infos suächä zu dem Saurier. Min Saurier heisst Plesiosaurus und das heisst uf Dütsch Flossenechse. Er hätt äbä im Meer gläbt und hätt Fisch gfressä. Er isch ca. 90 Kilo schwer und isch bis zu 3 Meter lang wordä. Er hätt än gaaaaaanz än langä Hals aber än chlinä Schwanz.

So öpis machä isch gar nöd so eifach. Drum will i au frögä ob ihr Tipps für mi hend?? I wär ächt mega froh!! Hend ihr viilicht au ä Internetsiitä?? Wüssäd ihr au öppis vom Plesiosaurus??

I dankä für jedä Kommentar und grüäss eu mit ämänä gaaaaaaaanz liäbä Grüässli!!
Angela oder Aschi

Samstag, 17. Mai 2008 09:57:26 | geschrieben von Aschi

3 Kommentare

Kommentare ansehen
Mis Häsli hockäd bi ämänä Gwitter immer im Eggä. Er hätt au Angscht.

Hilfeeeee, Gwitter

Salüüüü Zämä

Jo, eigendli wär i jetzt dussä am spiilä aber ä dicki graui Wolckä isch über üsäm Dorf. Genau, äs Gwitter chuunt. Gwitter han i gar nöd gern, diä machäd mir Angscht. Doch wenn meh nur so dä Blitz zuäluägät sind diä no schön aber sehr gföhrlich. dä Donner macht mir au ä chli Angscht, vorallem i dä Nacht. Ah jo, denn chuunt jo no dä Regä und mengmol sogar Hagelchörner.
Brrrrrrrrr.... i dä Nacht isch äs Gwitter gar nöd agnehm, denn chan i niä guät schlofä.

Hend ihr au ächli Angscht vor Gwitter??

Oder nähmäd ihr das voll locker??

Hend ihr Tipps, dass meh nöd so Angscht muäss ha??

I würd mi mega freuä uf äs paar cooli Kommentär!!

Liäbi Grüäss
Angela

Donnerstag, 15. Mai 2008 16:58:29 | geschrieben von Aschi

6 Kommentare

Kommentare ansehen

Maiächäfer

Heeeeey Zämä

sSchlimmschdä im Mai sind dMaiächäfer! Sie sind mega grüsig und sie sind au Schädling. Sie fressäd Blätter vo dä Bäum ab. Letscht Johr hätts bim Grossi uf äm Buurähof mega viil gha, man isch das schlimm gsi!!

Das Johr han i zum Glück nonöd viil gseh. Was i au scho ghört han, dass Lütlis am Obig mit ämänä Tennisschläger usästöhnd und so uf diä Chäfer los gönd! Hend ihr das au scho gmacht?? Und findäd ihr Maiächäfer au grüsig??

I freu mi uf eui Kommentär!

Liäbi Grüäss
Angela oder Aschi

P.S
Han extra kei Bild ihnä duä, will diä sooo grüsig sind!

Montag, 12. Mai 2008 18:03:48 | geschrieben von Aschi

2 Kommentare

Kommentare ansehen
Das bin i und i findä das Triko Verbot mega blöd!!!

Triko Verbot

Salüüü liäbi Mitglieder

Hütt han i dä Sunntigsblick duräblätterät. Do han i än Artikel gläsä und bin mega verschrockä. Im ämänä Dorf in Aargau döräfäd dSchüäler kei Fuässballtrikos meh aziäh. dLüüt sägäd, dChind chönd sich mit so Trikos nümä uf dSchuäl konsätrierä. Das find i voll lächerlich!! Bi üs hend uh viil Chind Trikos zum Turnä und so ah. Usserdem sind jo jetzt alli im Fuässballfiäber.

Wiä findäd ihr das??

Hend ihr au ä Triko und ziänd ihr das i dSchuäl ah??

Also, i find das mega blöd!! Wiso söll meh sich mit ämänä Triko nöd uf dSchuäl konsätrierä chönnä??

Mega liäbi Grüäss
Angela

Sonntag, 11. Mai 2008 13:07:24 | geschrieben von Aschi

4 Kommentare

Kommentare ansehen
das isch mol gsi (scho lang här) wohn i mega gspunnä han!:D

Vor äm Spiägel

Heeeeeey Zämä

Wenns mir langwillig isch stoh i vor dä Spiägel und mach irgendwas. Wiä z.B:
Grimassä, Interwius mit Stars, i bin Sängerin, i red mit ämänä Star, moderier Pirando oder eifach Radio usw.....
Das isch ächt mega luschdig! Meischdens duän i singä oder moderierä, äs macht voll Spass.

Mini Frogä:
Machäd ihr das au??

Welli Personä sind ihr denn oder was machäd ihr??

Eui Kommentär interssieräd mi mega!!

Mega viil liäbi Grüäss
Aschi

Freitag, 09. Mai 2008 20:48:47 | geschrieben von Aschi

3 Kommentare

Kommentare ansehen

Für dä Magnus

Hoi Magnus und liäbi Mitglieder

Dä Patrick muäs singä und dä Magnus muäs au öppis machä! Do han i ä gaaaanz schöni Idee.

Dä Magnus sitzt vors Klavier und uf ämänä Melchstüähl. Well dä Magnus äs Buuräbüäbli nümä spiilä chan, spielt er halt öpis anders.

Liäbä Patrick:
Würdisch du dä Magnus filmä und denn än Blog machä?? Dankä viil mol!!

Also, Magnus jetzt han i mini Wett gwunnä!! Du müäsch jetzt üäbä, üäbä und üäbä!

Liäbi Mitglieder
Merci, dass ihr so flissig abgstummä hend. Das freut mi uh fescht!

Grüäss ah alli!
Angela

Dienstag, 06. Mai 2008 19:41:16 | geschrieben von Aschi

27 Kommentare

Kommentare ansehen
Mir üsnä Hasä lachä i viil!!

!!Weltlachtag!!

Hihihi Zämä

Hütt isch dä Weltlachtag. Das isch än Tag wohs Lachparade git und döttä lauft meh dur dStrossä und lacht und lacht. Mir vo drspirando.ch chöndät doch au so öppis wiä ä Lachparadä machä! Äs wär Hammer wenn ihr uf än Audio-Kommentar lachä würdäd.
sLachä isch doch öppis tolls und erscht no gsund!! Lachä isch eis vo minä Hobbys!
Äs git jo verschiedäs Lachä: kicherä, usä prustä, bösäs Lachä, natürlichs Lachä, grinsä, lächlä usw....

Dönd ihr au gern lachä??

Jetzt wünsch i eu än mega schönä Tag und das ihr viil lachäd!!
Liäbi Grüäss
Angela

P.S
Gönd doch mol is Google und gäbäd Weltlachtag ih! Viil Spass....

Sonntag, 04. Mai 2008 08:35:16 | geschrieben von Aschi

3 Kommentare

Kommentare ansehen
Das bin i und i säg: I LOVE RADIO!!!!!

I Love Radio!!!

Salüü Zämä

Di bescht Erfindig wohs git isch Radio! sRadio isch mega unterhaltsam und meh lernt au immer wieder däzuä. I los sehr viil Radio. Dä Tag dur DRS 3 und am Obäd Pirando. Äs hätt güäti Music und äbä äs isch voll unterhaltsam. Meischdens los i i mim Zimmer Radio oder vor äm PC. I los meh Radio als Fernseh luägä, isch das bi eu au so??

Wenn i mol Erwachsä bin will i mol bi DRS moderierä und dMenschä unterhaltä. I red mega gern, mengmol fascht ächli zviil!

Mini Frogä:
Wenn losä ihr Radio??
Woh losäd ihr Radio??
Welli Sender losäd ihr??
Wer will au mol bi DRS schaffä und als wah??

Jetzt blibt mir nur no eis:
I LOVE RADIO!!!!

Mega liäbi Grüäss
Angela

Freitag, 02. Mai 2008 20:25:46 | geschrieben von Aschi

1 Kommentar

Kommentare ansehen
viillicht hätts jo au mol i denä Heftli ä Reportage über Walä!?!? ;-)

Heftli -Tipps

Heey Zämä

Wiä ihr wüssäd bin i ä richtigi Läsärattä. Drum läs i au mega gern Heftli und i will eu zwei ächli vorstellä.

JUNIOR:
Junior isch ä lässigs Heftli für Chind. Äs hätt viil Wettbewerb, Comics, News, Rekordä, Tier und Witz dinä. Äs git sogar ä Siitä vo Pirando. Genauer gseit ä Esinem-Comic. Usserdem isch äs no gratis. I hans immer vo dä Landi. Und han i eu gluschdig gmacht??

MAKY:
Maky isch au ä ganz tolls Heftli. Äs isch au gratis und hätt mega viil Wettbewerb dinä. Dötä gits Läsäbriäf vo Chind und ihr chönd dötä au ä Brieäffründinn oder än Brieäffründ suächä. Äs hätt au spannendi Reportagänä dinä. Also, luägäd doch ämol ihnä!!

Hend ihr au no Heftli-Tipps für Chind?? Wenn jo, beschriebäd doch da Heftli chuärz imänä Kommentar, merci!

Ä super mega liäbs Grüässli vo Härzä,
Angela

Dienstag, 29. April 2008 12:48:01 | geschrieben von Aschi

3 Kommentare

Kommentare ansehen
Hilfee, Maserä!!!!

Hilfeee, Maserä

Sali Zämä

Ä Kolleginn vo mir hätt Maserä. Das isch ächt mega schlimm. Ihri Schwöschder dörf wäg dem au nöd id Schuäl cho.
Wüssäd ihr nöd, was Maserä isch? I erklärs eu!

-zerscht hätt meh Fiäber und Schnupfä

-denn wird das immer stärcher und meh chut so Fleckä uf äm Körper über

-Krankäd goht sehr lang (2 Wuuchä)

Maserä isch än Virus. Wenn mehs hätt chan meh nüt dägägä machä, kei Tabletä nüt. Aber äs isch natürlich güät wenn meh gägä Maserä gimpft isch. Mir i dä Schuäl hend alli mösä im Impfuswiis noluägä, ob mir do dägägä gimpft sind. Also, luägät doch au mol no. Das isch HOCHASTECKÄND!

Mini Frogä:

Hend ihr mol Maserä gha oder kennäd ihr öpert wo das mol gha hätt??

Wenn jo, wiä hend ihr eu gfühlt??

Wiä lang isch das gangä??

Liäbi Grüäss
Angela

Freitag, 25. April 2008 11:56:00 | geschrieben von Aschi

10 Kommentare

Kommentare ansehen
Wiä mini Gschicht uf Thailand gflgä isch....

Wiä mini Gschicht uf Thailand gflogä isch

Sali Zämä

Mini Mentignomittaglehrerin wo üs Dütsch unterichtäd isch letscht Wuuchä uf Thailand i dFeriä. Im Flüger hätts si üsi Gschichtä korigiert. Also, üsi Gschichtä sind uf Thailand gflogä. Da isch ä mega Ehr für mi! Wenn i gross bin will i denn au mol uf Thailand goh.

Mini Frogä:
Hend ihr dä Hei au äs Blatt vo dä Schuäl wo mol is Usland gflogä isch??

Sind ihr mol zThailand gsi und wiä hätts eu gfallä??

Liäbs Grüässli
Angela

Dienstag, 22. April 2008 18:57:46 | geschrieben von Aschi

4 Kommentare

Kommentare ansehen
Dinosaurier, diä usgstorbänä gfürchigä Tier

Im Dinosauriermuseum

Salüüüü liäbi Blogläser/innä

Hütt sind mer mit dä ganzä Klass is Dinosuriermuseum in Aathal gangä. Mir hend äbä sTema Dinosaurier i dä Schuäl. Dötä hätts viil ächti Saurierknochä, das isch eifach wahnsinn. Sogar Skelett, zum Glück läbäd diä riiiiiiiiesigääää Tier nümä! Bi dä Führig hend mir wieder viil däzuä glernt. Hend ihr das gwüsst?? Ä paar Dinos hend sogar Federä gha, cool gälläd!?
I dä Schuäl hend mir aber no Prüägigä drüber, das isch weniger cool!

Für alli Dinosaurierfans chan i da Museum nur empfehlä!!!! Isch würkli super spannend.

Letschdi isch im Pirando da Museum au cho, chönds jo mol nolosä!

Mini Frogä:

Wer isch mol i dem Museum gsi??
Wenn jo wiä hätts eu gfallä??
Interssieräd ihr eu für Dinosaurier, warum??

Liäbs Grüässli
Angela

Dienstag, 15. April 2008 17:51:42 | geschrieben von Aschi

Panini Bildli

Heeeey Zämä

Genau, ab hütt gits diä beliäbtä Panini-Fuässballbildli. I duä diä nöd sammlä, diä Bildli wohn i überchum, verschenk i Kollegä. I finds aber no cool, das Sammlä! I dä Pausä wird bi üs Panini-Bildli tüschläd, da isch no luschdig zum zuäluägä!

Mini Frogä:

Wer sammläd Panini-Bildli??
Findät ihr das läss??

Gäbäd eui Meinig däzuä, würd mi freuä!!!

Grüässli
Angela

Donnerstag, 10. April 2008 18:59:53 | geschrieben von Aschi

7 Kommentare

Kommentare ansehen

Vögäl sind so süäss!!!

Salüüü Zämä

Vor äm Huus hend mir ä Vogelhüsli! I duä sie sehr gern beobachtä. Sie hend so schöni Farbä. Aber was mi mega bös macht, das dNochburchatz immer underäm Vogälhusli sitzt. Jo, und wah macht ächt diä, sie duät diä frässä!! Grrr.... da bin i sehr hässig wordä! I kenn aber dVogälartä eigendli nöd, i finds eifach schö zum alüägä! Im Summer weckt mi immer sVogälpfiffä, da liäb i. Denn fangt dä Tag immer fröhlich a!!!

Mini Frogä a eu:

Hend ihr au äa Vogälhüsli dä Hei??
Sind ihr än Vogälkenner??
Findät ihr Vögel au so schö??
Ghöräd ihr gern Vogelzwitscherä??

Schriibäd doch än Kommentar, würd mi meeegaa freuä!!
Liäbs Grüässli
Angela

Mittwoch, 09. April 2008 19:26:22 | geschrieben von Aschi

3 Kommentare

Kommentare ansehen
dBella, dä süäss Hund vo dä Grosseltärä!

Hütt uf äm Buurähof!!!!!

Salüüüü Zämä

Hütt sind mini Schwöö und i zu dä Gosselterä uf dä Buurähof gangä. Mini Cousine und min Cousin sind au döttä gsi. Mir hend denn zämä selber Pommes gamcht und feini Blätzli (panierti Schnizel). Da isch super gsi!!!
Noch äm feinä Zmittag sind mir goh rammlä, hehe, da isch sooo luschdig gsi.
Denn sind mir natürlich au dChälbli goh bsuächä. Sie hend üs immer abgschläkät.
Noch dä Chälbli sind dä Cousin, dCoco und i no in Heustock ufä. Das isch än riiiiiesigä Ruum wohs ganz viil Heu dinä hätt. Da isch einä vo minä liäblings Plätz uf äm Buurähof.
Denn hend mir no än Usflug an Bodäsee gmacht, da isch sehr schö gsi!!!!
Soooo und jetzt freu i mi ufs Pirando!!!

Mini Frogä:

Hend ihr au scho selber Pommes gmacht?
Hend ihr au mol än sooo än schönä Tag mit Verwantä gha?

Liäbs Grüässli
Angela

Sonntag, 06. April 2008 17:23:41 | geschrieben von Aschi

3 Kommentare

Kommentare ansehen
Telefonierä :-)

Telefonierä

Hey Zämä

I liäbs ztelefonierä!!! Am liäbschdä mit minerä Grossmami oder mit minerä Briäffründinn. Min Rekord isch 45min., mit dä Briäffründinn. Noch denä 45min. han i Telefonmuskelkarter gha. Wüssäd ihr nöd was das isch, da schriib i eu do uf:
Wenn meh lang sTelefon mit dä gliichä Hand as Ohr anähebt, duät das mit dä Ziit uh weh. Jo genau, am Armglenk. Dem säg i Telefonmuskelkarter.
Früähner woh mirs Mami Fingernägel hätt wöllä schnidä han i immer gschrauä wiä am Spiäss, so han i denn eifach mit äm Grossi dörfä telefonierä und i bi still gsi. Aber wahn i denn nöd gern han, wenn öpert alütäd und i bi grad am Pirando losä!

Dönd ihr gern telefonierä?
Wenn jo mit wem?
Hend ihr au än Telefonrekord?
Hend ihr mol Telefonmuskelkarter gha?

Ganz viili Grüäss!!
Aschi

Sonntag, 30. März 2008 20:26:28 | geschrieben von Aschi

3 Kommentare

Kommentare ansehen
Oschderbrünnä

Oschderbrünnä

Salüüü Zämä

I dä nöchi wo i wohn, gits jedäs Johr än Bruuch. Da wäräd alli Brünnä i dä Stadt öschderlich gschmückt. Da Johr sinds 17 Brünnä gsi. Mir sind denn am Oschdersunntig ä paar vo denä Brünnä goh aluägä, da isch än ganz än schönä Spaziergang gsi. Uf äm Bild gsehnd ihr einä vo denä 17 Brünnä.

Gits bi eu au so Brüüch im Dorf oder i dä Stadt?

Liäbi Grüäss
Aschi

Montag, 24. März 2008 20:42:07 | geschrieben von Aschi

1 Kommentar

Kommentare ansehen

Verkehrshuus Luzern

Hey Zämä

Geschder bin i mit dä Fämäli is Verkehrshuus Luzern gangä. Mir hend sehr viil erlebt! Äs hätt viil schöni alti Isäbahnä, Autos, Flüger und Hellikopter, Schiff, Seilbahn-Gondlä und no soooooo viili andri Sachä zum aluägä geh! Meh cha au Tagesschau, Sportaktuell und Meteo machä. Jo, äs Radiostudio hätts au no. Aber das isch ziemil unmodern, im ächtä isch äs viiiiiil besser, dötä pfuschäd dir au niemert dri! Das hätt mi ächli gstört.
Im Planetarium isch äs au ganz läss gsi. Mir hend dSternbilder gseh, das isch ganz intressant. Denn sind mir no is IMAX Kino Mission Mars goh luägä. Da isch no ziemli spannend gsi.
Aber wüssäd ihr was? Wenn ihr das selber wönd erläbä, denn gönd doch eifach mol selber!! Äs lohnt sich!!! Das wär doch mol än Usflug i dä Früähligsferiä.

Wer isch vo eu schomol im Verkehrshuus gsi?
Wiä hätts eu gfallä?

Mir wünschäd eu schöni Oschderä!!!!
Aschi

Sonntag, 23. März 2008 08:35:23 | geschrieben von Aschi

1 Kommentar

Kommentare ansehen
"Mini Finkä"

"Mini" Finkä

Hoi Zämä

Isch das bi eu au so ä Thema? I ziä immer am Mami ihri Finkä ah. Jo, mini sind äbä grad im Zimmer und i wills nöd goh holä. Äs isch doch ganz eifach, sMami und i hend nämli di gliich Schuägrössi. Mis Mami wird denn immer ächli hässig.

Isch das bi eu au ä so?

Wah isch äs denn woh ihr vo dä Elterä/Gschwüschderti nämäd?

Wieso nämäd ihr das?

I würd mi freuä uf äs paar cooli Kommentär!!!
Liäbs Grüässli
Aschi

Dienstag, 18. März 2008 17:31:30 | geschrieben von Aschi

3 Kommentare

Kommentare ansehen
Nei, nöd Kaffipausä, Schuälpausä!!!!!! ;-)

Spieli i dä Pausä

Halöleeeee Zämä

Mir hend jedä Tag i dä Schuäl ä halb Stund Pausä. Natürlich spieläd mir i chlinä Gruppä äbä so Pausäspieli. Wiä z.B. Ping-Pong, Fuässball, Völkerball, umälaufä und pläuderlä, diä chlinerä Chind schaukläd oder springäd wiä di Wildä umä.

Frog ah eu:

Wah machäd ihr denn so i dä Pausä?
Hend ihr für mi anderi Vorschläg?

Würd mi freuä uf äs paar cooli Ideeä!!!!!

Liäbs Grüässli
Aschi

P.S
sPirando-Team dörf natürlich au ä paar Spieli vo früäner inäschriibä!!!!!!!

Montag, 17. März 2008 16:44:51 | geschrieben von Aschi

1 Kommentar

Kommentare ansehen

Und scho bin i wieder do.......

Hallo Zämä

Im Skilager isch äs eifach dä Hammer gsi!!! Leider hätt sWetter nöd mitgmacht. Am Mittwoch hätts so richtig grägnät. Drum sind mir is Dorf äbä und sind is Schiefer-Taflä-Museun. Dött hätt üs ä Frau ganz viil über Schiefertaflä verzellt. Au vom Bergsturz in Elm. Jo in Elm hätts nämli mol än riesigä Bergsturz geh. Äs sind viil Lüt ums Läbä cho.

Im Zimmer hend mir Mädels mega viil glachät und amänä Obig drüviertelstund gsungä. Hehe, mir hend gar nümä wöllä ufhörä.

sEssä isch super fein gsi. Am liäbschdä han i dä Herdöpfelstock gha!

I han dä Radio sooooooo vermisst, und au dInternetsiitä drspirando.ch!!!! Mi hätts au RIESIG gfreut das mir dä Magnus aglütä hätt!! Fascht alli Chind sind am Obig vor äm Radio ghockät, alli hend freud gha.

Wer oder was vermissäd ihr wenn ihr im Lager sind?

Liäbs Grüässli
Aschi

Samstag, 15. März 2008 14:46:08 | geschrieben von Aschi

1 Kommentar

Kommentare ansehen
I am Skirennä! :-)

Und ab is Skilager

Halöleee Zämä

Ab äm Mentig gohts ab is Skilager. I freu mi scho richtig druf!!!! Leider chan i denn ä ganzi Wuuchä PIRANDO nöd losä aber zum Glück chan meh dSendigä jo norlosä.

Hend ihr no luschdigi Spili für ä Lager?

Do han i ä luschdigs Spili für eu:
Alläs woh ihr bruchäd isch: ä grossi Decki, vier wissi Ping-Pong-Bällä und ei rohs Ei.
So wirds gmacht:
Zerscht goht ä Chind vor Türä. Zwei Lehrer hebäd dDecki gspannt i dLuft. Ei Chind isch hinder dä Decki und usgrüschdät mit dä Bällä und äm Ei. Denn chunt sOpfer vor dDecki anä.
Da Chind hinder dä Decki schüsst "füf" Bällä nochänand über dDecki, sOpfer muä alli "füf" Ping-Pong-Bällä wieder über dDecki wörfä. ABER, alli Bäll mit äm Kopf überäschüssä!!! Jo, dä füfti "Ball" isch denn äbä sEi. Hehe, jetzt chönd ihr eu vorstellä was passiert!

Hend ihr no Frogä zu mim Spili?

Liäbs Grüässli
Aschi

Samstag, 08. März 2008 20:31:25 | geschrieben von Aschi

1 Kommentar

Kommentare ansehen
I freu mi uf dEuro08!!!!!!!!

Euro08

Hey Lütlis!!!

Jupppiiiii, bald isch äs so wiit, dEuro08 fangt bald ah.

Mir hend a dä Weltmeischderschaft sganzä Schuälzimmer gschmückt mit Fuässball-Poster, Schwiizerfahnä und au dUsländerchind hend so än eignä Eckä für ihräs Heimatland chönä gschdaltä. Da isch ächt voll cool gsi!!! Hoffendli machäd mir da das Johr wieder.

Dä Hei hend mir über dä ganzi Balkon än Stoff ghenkt, dass mir Schattä gha hend. Denn dä Fernseh uf dä Balkon gstellt. So hend mir ä richtigs WM-Zelt gha. Au das isch lässig gsi!!!!!!

Was machäd ihr so a Fuässballmeischderschaftä?

Äs würd mi sehr freuä wenn ihr än Kommentar würäd schriibä!!!!

Liäbs Grüässli
Aschi

Montag, 03. März 2008 17:59:02 | geschrieben von Aschi

2 Kommentare

Kommentare ansehen
Än Elefant us ämänä Zoo :-)

Bsuäch vo gfürchigä Tier

Hey Lütlis

Hütt hend mir ganz bsundrigä Bsuäch i dä Schuäl gha. Ä Frau vom Walter Zoo Gossau isch cho und hätt üs Tier zeigät und au spannendi Sachä verzellt. Sie hätt üs ä mega grossi Krot zeigät, sie isch ungefähr so gross wiä än Fuässball und ä 4Meter langi Schlangä. Als sie üs dVogälspinnä zeigät hätt isch mir den scho än chaltä Schauer über dä Rugä glofä. sKrokodil isch soooo herzig und dGeierschildkrot (ä Schildkrot woh än Schnabel hätt wiä än Geier) hätt ä ganz spannendi Gschicht hinder sich!!

Isch bi eu au scho öpert i dSchuäl cho und hätt Tier mitbrocht? Wenn jo, denn schribäd än Kommentar, obs eu gfallä hätt oder nöd!

Liäbi Grüäss
Aschi

Freitag, 29. Februar 2008 11:38:14 | geschrieben von Aschi

1 Kommentar

Kommentare ansehen
Das bin i und wett eu allnä DANKÄ sägä!!!!!!!

Bald isch äs so wiit.........

Sali Zämä

Bald isch äs so wiit, mir mönd vo SiggSaggSugg und Looping Abschied neh. I wett am ganzä Kinderradio-Team für diä mega luschdigi Ziit am Radio dankä sägä!!!! Ihr hend immer super Gschichtä und spannendi Themä, machäd witer so!!!

Jetzt freu i mi riesig uf PIRANDO, ihr sicher au.

Wönd ihr am Kinderradio.Team au dankä? Denn schribäd än Kommentar!!!!

DANKÄ viil, viil mol für diä schöni Ziit!!!!
Ä liäbs Grüässli vo dä
Aschi

Donnerstag, 28. Februar 2008 16:53:47 | geschrieben von Aschi

5 Kommentare

Kommentare ansehen

Mini Frog

Sali Zämä

Isch äs nöd super spannend Sachä sammlä?! Ich sammlä Autogramms vo bekanntä Lüt und han öpä 40 Stück. Alli mini Chartä hend ä Gschicht hinder sich, also chönt i eigendli zu jederä Autogrammchartä ä Gschicht verzellä. Mini liäblings Autogrammchartä isch vo dä Mona Vetsch, sie isch Moderatorin und ä super Frau!!

Sammläd ihr öpis und wah?

Äs wäri super wen ihr än Kommentar wöräd schribä!! I finds nämli spannend zgseh wah ihr so sammläd.

Ä liäbs Grüässli vo dä
Aschi (Angela)

Montag, 25. Februar 2008 16:55:37 | geschrieben von Aschi

5 Kommentare

Kommentare ansehen
Än Velofahrär. Äs isch wichtig das meh mit äm Velo guät usgrüschdät isch!!!!

Bsuäch vom Polizischt

Hoi Zämä

Geschder isch dä Polizischt zu üs i dSchuäl cho, er hätt üsi Velos kontrolliert und üs s richtigä links Abbügä glernt. Jo, äs isch sehr än luschdigä Vormittag gsi. Vorallem noch dä Pausä. Mir sind denn mit dä Velos uf dStross gangä und hend links abbogä.
Hihihi, do han i än Tipp für eu wiä meh Geld verdiänä cha:
dä Polizischt hätt üs ä Strossätafläbüächli geh. Deckäd alli Lösigä zuä und frogäd doch eui Elterä ächli us. Für jedi Taflä woh sie falsch hend oder nöd wüssäd, verlangäd ihr 50 Rappä. Isch doch voll eifach!?
Übrigens hätt diä Teorie dä Polizischt gseit. Probieräts doch eifach mol us.

Hebäd eu Sorg uf dä Stross!!!!!!
Aschi

P.S
Ä Strossätafläbüächli isch ä Buäch woh alli verschiedänä Strossätaflä abbildät sind. Natürlich stoht au druf wiä diä Taflä heissäd.

Donnerstag, 21. Februar 2008 16:04:09 | geschrieben von Aschi

4 Kommentare

Kommentare ansehen

Einrad

Hallo Zämä

Mis Hobby isch Einrad fahrä und i wött eu vo därä Beschäftigung ächli verzellä.
Äs isch sehr wichtig das meh immer konzentriert isch, suscht klappäts nöd. I fahr jetzt öpä 2 Mönät und cha ca. 30 mol trätä ohni umkeiä.

Do ä paar Tipps für eu:
sGliichgwicht isch bi dem Sport wichtig und drum dHänd usstreckä, mit Kollegä üäbä isch äs mega luschdig, dä Helm isch wichtig und eifach viel Geduld!

Wenn ihr jetzt au Luscht hend zum sEinrad fahrä usprobierä, chönd ihr jo mol i dä Ludothek nofrogä, diä hend denn viillicht eis.

Fahräd ihr au Einrad und machts eu Spass?
Hend ihr no anderi Tipps?
Hend ihr eifach ä Frog zum Einrad?

Schribäd doch än Kommentar, würd mi freuä!!!!

Ä liäbs Grüässli vo dä
Aschi

Mittwoch, 20. Februar 2008 17:34:38 | geschrieben von Aschi

7 Kommentare

Kommentare ansehen

Voll verruckt

Hihi Mitänand

Wöräd ihr ämol mit verissnä Jeans und ämänä lotrigä T-Shirt durch Stad Züri laufä?? Da wär sicher mega luschdig wiä dLüt luägä wöräd, eifach ämol voll verruckt si.
Wöräd ihr da machä? I wör mi nöd betrauä, äs wär aber sicher spannend.

Än liäbä Gruäss
Aschi

Sonntag, 17. Februar 2008 13:44:44 | geschrieben von Aschi

3 Kommentare

Kommentare ansehen

Treff

Sali Zämä

Mir i dä Schuäl hend ä Heftliabonema und da heisst Treff. Wenn mir den mit änerä Ufgob fertig sind chönd mir döt ihnä ächli läsä.

I finds Heftli voll cool und empfelentswert wiil:
äs hätt Wettbewerb dinä, Meinigä vo anderä Chind, über Natur und über anderi Länder, luschdigi Witz und meh cha sogar äs bitzli Englisch üäbä.

Hend ihr sAbonema vom Treff?
Wiä findet ihr das?
Hend ihr nomol ä Frog zu dem Heft?
Schribäd mir!!!!!!!

Liäbs Grüässli vo dä
Aschi

Samstag, 16. Februar 2008 18:06:17 | geschrieben von Aschi

2 Kommentare

Kommentare ansehen

Die drei !!!

Sali Zämä

Hend ihr au liäblings Büächer?
Mini liäblings Büächer sind die drei !!!. Nei, sie heissend nöd die drei ??? sondern die drei !!!. Dä Unterschied isch das äs drüü Mädels sind und nöd drüü Jungs.
I ha alli Bänder gläsä und i bi voll begeischderät!!!!!!!

Häsch eis oder meheri Büächer vo denä Bänder gläsä?
Wiä findsch diä Büächer?

Än mega liäbä Gruäss vo dä
Aschi

Dienstag, 12. Februar 2008 15:35:08 | geschrieben von Aschi

4 Kommentare

Kommentare ansehen
Sonnenuntergang

Valentinstag

Hoi Zämä

Dähei bachäd mir am Valentinstag immer ä Herzpizza und schenkäd dä Lüt woh mir bsunders gärn hend chlini Gschenkli.
Firäd Ihr au Valentinstag und finded Ihr da nötig?

Schriibäd doch bitte än Kommentar!

Vieli Grüäss
Aschi

Sonntag, 10. Februar 2008 16:47:12 | geschrieben von Aschi

1 Kommentar

Kommentare ansehen

Briäffründschaft

I ha ä Briäffründin und schrib ihrä regelmässig Briäf.
Mengmol machäd mir sogar ab.
I dä Skiferiä han i sie kennäglärnd und da isch jetzt scho zwei Johr här.

Mich intressiert:
Häsch Du au ä Briäffründschaft oder mol eini gha?
Machäd Ihr au zämä ab?
Wiä hend Ihr eu kennäglernt?

Liäbi Gruässli
Aschi

Sonntag, 10. Februar 2008 10:08:11 | geschrieben von Aschi

8 Kommentare

Kommentare ansehen